Tridhjetë juristë të rinj kanë filluar sot punën praktike në Gjykatën Themelore në Prizren.
Kryetari i Gjykatës Themelore të Prizrenit, Ymer Hoxha tha se është hera e parë që një numër kaq i madh i juristëve fillojnë punën praktike në gjykatë.
“Është hera e parë që Gjykata jonë ka pranuar, një numër kaq të madhe të praktikantëve”, tha Hoxha.Sipas tij, të gjithë praktikantët, do të angazhohen nëpër divizione të ndryshme, ku do të kenë mundësi të njihen me punën e Gjykatës.
“ Praktikantët do të kenë mundësi që në periudhën njëvjecare të marrin përvojë në fushën e tyre”, tha Hoxha. /PrizrenPress.com/