Kryetari i Rahovecit, Idriz Vehapi, ka shtruar iftar për Bashkësinë Islame në këtë qytet.
Vehapi, tha se “falënderojmë Zotin që po na bashkon çdo vit në shtetin e lirë, duke marrë parasysh se para lufte nuk kemi pasur mundësi që të shënojmë bashkë këtë muaj të shenjtë”.
“Tash jemi zot të shtëpisë, dhe njëkohësisht të rikujtojmë ata që na e sollën këtë lirinë”, tha ai.
Kryetari i Këshillit të Bashkësisë Islame në Rahovec, ef. Shani Sylka, falënderoi kryetarin Vehapi për Iftarin e shtruar.
“Me këtë e ka respektuar institucionin tonë fetar, ndiejmë një përgjegjësi të madhe që këtë respekt të kryetarit ta kemi në dije në vazhdimësi, muaji i Ramazanit sjell mirësi të shumta, është muaji i sakrificës, i angazhimeve të shumta, prandaj edhe angazhimet e sakrifica do sjellin rezultate të pritshme”, tha ai. /PrizrenPress.com/