10.8 C
Prizren
E premte, 29 Mars, 2024

Vendimi i Gjykatës: Dibran Hoxha kthehet në burg

Gjykata e Prizrenit ka pranuar kërkesën e Prokurorisë për caktimin e masës së paraburgimit për menaxherin e lokalit “Kobra City”, Dibran Hoxha.

Gjyqtari Skender Çoçaj e ka aprovuar kërkesën e prokurores Nazan Shero, e cila kërkoi 30 ditë paraburgim për të dyshuarin Dibran Hoxha.

Dibran Hoxha ka dalë sot para Gjykatës për caktimin e masës së sigurisë.

Hoxha është arrestuar dje nga Policia e Prizrenit, ndërsa sot në seancë tha se është dorëzuar vetë.

Në kërkesën e Prokurorisë së Prizrenit thuhet se i dyshuari Dibran Hoxha bashkë me dy të dyshuar të tjerë, Arlind Dakaj dhe Mirsad Hajredini, të cilët tashmë veç gjenden në paraburgim, në bashkëkryerje i kanë shkaktuar lëndime të rënda trupore personit H.B.

Në kërkesën e Prokurorisë thuhet se më 15 qershor, rreth orës 15:15, pas një marrëveshjeje paraprake në rr. Ukë Bytyçi në Prizren, pasi i kishin shkuar prapa, në një moment i dalin përpara, duke ia penguar rrugën për të vazhduar vozitjen dhe atë i pandehuri Dibran Hoxha me veturën “Dodge”, në të cilën ka qenë edhe i pandehuri Arlind Dakaj, ndërsa i pandehuri Mirsad Hajredini ka qenë në një veturë të markës “Mercedes”, i cili po ashtu i del përpara me veturë dhe pasi që e ndalin të dëmtuarin, ky i fundit sulmohet nga të pandehurit Dibran Hoxha dhe Arlind Dakaj, të cilët e godasin me grushte, me shkopa druri, ndërsa në një moment i pandehuri Dibran gjen një brisk në veturën e të dëmtuarit dhe me të njëjtin e godet në krahun e majtë.

Nga të cilat veprime, i dëmtuari ka pësuar lëndime të rënda trupore.

Ndërsa, avokati i Hoxhës, Avni Berisha, e ka kundërshtuar kërkesën e Prokurorisë për paraburgim, duke thënë se nuk ekziston rreziku për përsëritjen e veprës penale dhe se dy familjet janë pajtuar mes vete dhe dje klienti i tij vetë është dorëzuar në Polici.

Kurse, vetë i pandehuri tha se nuk pajtohet me masën e kërkuar nga prokurorja Nazan Shero.

Ai premtoi se nuk do ta përsëris veprën penale dhe se nuk do të ikë.

Më Shumë

Gjini lirohet nga detyra e ushtruesit të detyrës së shefit të repartit të Gjinekologjisë në Prizren

Spitali i Përgjithshëm “Prim.Dr. Daut Mustafa”, në Prizren, ka liruar gjinekologun Sebajdin Gjini nga pozita e ushtruesit të detyrës së shefit të repartit të...

65 aksidente trafiku për 24 orë në Kosovë

65 aksidente trafiku janë raportuar në polici brenda 24 orëve. 18 nga to me të lënduar, ndërsa 47 me dëme materiale. Gjatë kësaj periudhe janë shqiptuar...

Lajmet e Fundit