Vendosja e shtatores së Komandantit Legjendarë Adem Jashari në Dragash, ka ngjallur polemika në mes të disa prej përfaqësuesve komuniteteve që jetojnë në këtë komunë.
Derisa OVL thotë se tani është momenti për ardhjen e memorialit në këtë komunë, pala tjetër nuk e kundërshton por thonë se nuk është momenti.
Vendosja e shtatores erdhi me kërkesë të OVL-së …Ata janë të vendosur ta ngrenë atë të paktën deri më 15 –të Qershor kur edhe kremtojnë Ditën e çlirimit.
Në seancën e kuvendit të mbajtur më 28 Prill, kjo pikë e rendit të ditës mori 18-të vota nga 27 këshilltarë që ka kuvendi , por për këtë nuk votuan as po as jo përfaqësuesit e komuniteteve Goran e Boshnjak.
Për këtë Velit Haxhisin që vjen nga VAKAT-i, shprehet se nuk janë kundër vendosjes së shtatores , por ka probleme të tjera ende të pazgjidhura në këtë trevë.
Por, vendosja e shtatores së Adem Jasharit në Dragash është duke u kundërshtuar në rrjetet sociale nga profile të rrejshme, thonë përfaqësues të OVL-së dhe përfaqësues të komuniteteve në këtë komunë.
Shtatorja e Adem Jasharit nuk do ti kushtojë asgjë Komunës së Dragashit, pasi ajo vjen si dhuratë nga Alush Shala, këshilltarë i kuvendit të Prizrenit.
Projekti ideorë do të zërë një sipërfaqe prej 680 metra katrorë dhe ndodhet përballë shkollës fillore në këtë komunë./rtk/