12.8 C
Prizren
E enjte, 28 Mars, 2024

Veselaj-Gutaj, kërkon ndërtimin e një kopshti publik në Prizren

Deputetja e PDK-së nga Prizreni,Luljeta Veselaj-Gutaj në seancën e sotme të Kuvendit të Kosovës, ka ngritur çështjen për ndërtimin e një kopshti publik në Prizren.

Sipas saj, nevojat e qytetarëve të Prizrenit, për kopsht publik të fëmijëve janë shumë të mëdha.

“Qasja në çerdhe dhe shkollimin e hershëm është me rëndësi për dhënien e mundësive të barabarta për fëmijët”, ka thënë ajo.

“Duke pasur parasysh që fëmijët e moshës së re mësojnë shpejt dhe i formojnë kompetencat e tyre themelore, siç janë: perceptimi, fantazia, të menduarit, afërsia sociale si dhe shkathtësia trupore, rendësin e veçantë të komunikimit në inteligjencën e fëmijëve dhe socializimin e tyre, kjo nevojë është domosdoshmëri”.

“Pra, çerdhja dhe grupi i lojës, janë faktorë vendimtarë për fazat e mëvonshme të të mësuarit, dhe zhvillimit të tyre në përgjithësi”.

Ajo tha se kopshti “Yllka ” në Prizren ka qenë një kopsht publik për fëmijë, i cili ishte hapur në vitin 1977, me kapacitet për 240 fëmijë të grup moshave nga 6 muaj deri në 6 vjeç.

“Mirëpo nga viti 2011, e deri më sot punon si kopsht privat në kuadër të institucionit “Pedaks” SHPK. Në vitin 2012 i kalohet kolegjit “Mehmet Akif””.

“Nga viti 2011 Prizreni, si qytet i dytë nga numri i banorëve në Kosovë mbetet pa kopsht publik. Kërkesat dhe nevojat e qytetarëve janë të shumta për të pasur së paku një kopsht publik në këtë qytet”./PrizrenPress.com/

Më Shumë

Familja e 71 vjeçarit të vdekur akuzon urologun në Prizren për neglizhencë

Urologu Fatos Shukriu është duke u hetuar nga Prokuroria Themelore në Prizren për veprën penale “Trajtimi i pandërgjegjshëm mjekësor”. Kjo pasi që familja e...

Nga 1 prilli nëse nuk e pastron baltën nga mjeti, gjoba do të jetë 1 mijë euro

Në fillim të prillit pritet të fuqizohet Ligji i ri për rregullat në trafik. Kështu, parashihen gjoba të ashpra ndaj shkelësve. Iniciuesit e këtij ligji...

Lajmet e Fundit