Kandidatja e PDK-së për Asamblenë Komunale Luljeta Veselaj është takuar me banorët e lagjes “Arbana” në Prizren. Në këtë takim me qytetarët ka marrë pjesë Fadil Sallauka Shef i Shtabit Zgjedhor i Nëndegës “2 Korrikut” ,zv. ministri i Ministrisë së Kulturës Rinisë dhe Sporteve, Gani Elshani ,Vezire Berisha Sekretare e Nëndegës, Rasim Krasniqi, Arlind Sejdiu, dhe Nexhmedin Krasniqi.
Kandidatja Veselaj i falënderoi të gjithë për pritjen. Ajo premtoi komunitetit ashkali, se do të jetë zëri i tyre në Kuvendin Komunal.
Ajo po ashtu foli për të arriturat e PDK-së, sidomos sa i përket avancimit të drejtave të Komunitetit Ashkali.
Në emër të banorëve të lagjes ” Arbana ” foli edhe Leonarda Gashi. Ajo në këtë takim e ngriti shqetësimin sa i përket ndihmës për avancimin e të drejtave të komunitetit ashkali, dhe integrimin e tyre.
Kandidatja për Kuvendin Komunal, Vesaelaj premtoi se me të gjitha mundësitë dhe kapacitetin dhe bagazhin intelektual do të punojë në avancimin e të drejtave të komunitetit ashkali.
“Nëpërmjet votës suaj do të jem zëri i juaj dhe i arsyes”.Zv. Ministri i Ministrisë së Kulturës Rinisë dhe Sporteve, Elshani, ndërkaq kërkoi nga komuniteti ashkali që të votohet numri 99 i PDK –së dhe kandidatja Luljeta Veselaj nr.21. /PrizrenPress.com/