21.8 C
Prizren
E premte, 29 Mars, 2024

Vetëvendosje në Prizren, nuk beson në votat e LDK-së

Lëvizja Vetëvendosje dhe Lidhja Demokratike e Kosovës(LDK) nuk kanë nënshkruar ende marrëveshjen e bashkëqeverisjes në Prizren.
Marrëveshja në parim për ndarjen e drejtorive të Ekzekutivit ka stagnuar për shkak mungesës së besimit të Vetëvendosjes në votat e LDK-së.

Burimet e “PrizrenPress”-it, bëjnë të ditur se Vetëvendosje ka kërkuar garanci të votave nga LDK-ja për kryesuesin, pasi që në mesin e kuvendarëve të këtij subjekti politik, ka të pakënaqur me propozimet për drejtorë.

Ndërkaq, kryetari i LDK-së në Prizren, Haxhi Avdyli, ka mohuar se ka pakënaqësi brenda LDK-së. Sipas tij, propozimi i emrave për drejtorë është bërë nga Kryesia.

Kryetari i Prizrenit, Mytaher Haskuka, ka folur për Planin B, nëse kandidati i VV-së për kryesues të Kuvendit, Artan Abrashi, nuk i merr votat e mjaftueshme në seancën e së hënës.

“Në rast të mosarritjes së marrëveshjeve me partitë me të cilat po zhvillohen bisedimet, ne kemi edhe Planin B të veprimit”, ka thënë Haskuka.

Ai, premton se të hënën e javës së ardhshme, do të emërojë disa nga drejtorët e rinj të Ekzekutivit. /PrizrenPress.com/

 

Më Shumë

AAK merr iniciativë për shkarkimin e Qeverisë Kurti, përgatit mocion mosbesimi dhe Rezolutë

Aleanca për Ardhmërinë e Kosovës me rastin e 3 vjetori të Qeverisë Kurti, ka prezantuar një mocion të mosbesimit ndaj Qeverisë se Kosovës. shkruan...

“Messi i Prizrenit”, talenti që ishte afër transferimit në Manchester City

Në Prizren e thërrasin “Messi”. Shpesherë driblon bukur sikur Leo dhe dhuron magji me të majtën. Ylli Myrtezanin dhe kampionin e botës e lidh një fakt...

Dhimbja

Lajmet e Fundit