Kandidatja për kryetare të Lidhjes Demokratike të Kosovës, Vjosa Osmani, ka thënë se ajo po kandidon për të ndryshuar situatën në rënie të kësaj partie. Por, Muharrem Sfarqa dhe Lutfi Haziri janë të bindur se Isa Mustafa prap do të zgjedhet në krye të LDK-së.
Vjosa Osmani në emisionin “Jeta në Kosovë” thotë se LDK ka vetëm 13 për qind të votuesve dhe se është e treta në vend.
“Është befasuese që një parti që thirret në demokraci dhe norma statutore, të thuhet është paradoks të kandidoj vetëm një parti. E dyta, po flitet shumë për të ardhmen e partisë. Partia sot është në 13 për qind. Ato janë prezantuar edhe para kryeministrit, dhe ai i ka parë ato sondazhe. LDK është partia e tretë dhe është në trend të rënies”, tha ajo.
Osmani më tej tha se anëtarsia vendos nëse do të prishej koalicioni me PDK-në dhe jo ajo në rast se zgjedhet në krye të LDK-së, transmeton Indeksonline.
Por, dy debatuesit tjerë nga LDK-ja, Muharrem Sfarqa dhe Lutfi Haziri janë të bindur se Isa Mustafa prapë do të zgjidhet në krye të LDK-së.
“Ka një përvojë jetësore, ka ushtru një veprimtari. Ka një titull akademik, është vendimarrës, ka një qetësi të Ibrahim Rugovës. Vjosa i duhet LDK-së, por jo tani. Vjosa, si Donika e Luta, që janë për të ardhmen. Është shumë i sigurtë se me Isa Mustafë, fiton jo vetëm LDK-ja por edhe Kosova. Për Vjosën, ka një mungesë të përvojës. Nuk ka qenë kryetare aktivi apo dege, e është paradokse që të bëhet kryetare e degës”, tha Sfarqa.
Por, ai u kritikua nga Osmani, duke thënë se është paradokse nëse mendohet në këtë formë.