Deputetja e LDK-së, Vjosa Osmani, ka reaguar pas mbledhjes së sotme të Këshillit të Përgjithshëm të LDK-së ku u votua Kryesia e re e kësaj partie.
Statuti i LDK-së (Neni 23.7) kërkon që deputetet që s’janë anëtarë të Këshillit te Përgjithshëm të ftohen në Mbledhjet e Këshillit dhe te marrin pjese pa te drejte vote, por me te drejte diskutimi. Në kundërshtim me këtë norme statutare dhe te gjitha praktikat e mëhershme, sot, deputetet qe nuk janë anëtarë te KP, nuk u ftuan e as njoftuan për mbledhjen e këtij Këshilli. Edhe sot vazhdoi ‘demokracia’ e aklamacionit, metode kjo e eliminuar nga praktikat e vendeve demokratike para shume dekadash.
Ja teksti i plote i nenit 23.7 te Statutit:
Në punën e Këshillit të përgjithshëm marrin pjesë, pa të drejtë vote, deputetët, ministrat, kryetarët e komunave nga radhët e LDK-së, kryetarët e degëve të LDK-së, kryetarët e forumeve të LDK-së dhe të Këshillit të Ekspertëve të LDK-së, të cilët nuk janë anëtarë të Këshillit të Përgjithshëm.