Lëvizja Vetëvendosje e konsideron “çështje të tij personale” takimin e liderit të AAK-së, Ramush Haradinaj, me kryeministrin e Kosovës, Isa Mustafa.
Opozita dje kishte organizuar një protestë kundër qeverisë, ndaj të cilës kishte qenë mjaft e ashpër, por kjo nuk e ka penguar Ramush Haradnijan që të pijë një ditë më pas kafe me Isa Mustafën.
Koha.net ka kontaktuar me zëdhënësin e Lëvizjes Vetëvendosje, Frashër Krasniqi, duke e pyetur se si e vlerëson takimin e Haradinajt një ditë pas protestës me Mustafën.
“As që jemi të informuar për këtë takim”, deklaroi fillimisht Krasniqi për Koha.net.
“Nuk kemi ndonjë koment. Takimet e tyre janë çështje e tyre, nuk na takon neve që të komentojmë”, shtoi ai.
Vetëvendosje, AAK e Nisma janë partitë opozitare të cilat kanë arritur që të bashkërendojnë mendimet gjatë qeverisjes aktuale LDK-PDK, të cilën ata e konsiderojnë si kapëse të shtetit.