13.8 C
Prizren
E enjte, 28 Mars, 2024

Mbyllet mulliri në Mamushë, banorët akuzojnë pronarët

Një shenjë e madhe “Stop” para mullirit ‘’Rizami’’ në qytezën e Mamushës, po u tregon qytetarëve se nuk kanë çfarë kërkojnë në këtë hapësirë.

Që nga 15 marsi, ky mulli qëndron i mbyllur derisa sipas banorëve të këtushëm, pronarët nuk po ua kthejnë në miell sasinë e grurit të cilën ata e kanë deponuar, raporton KOHA.

Në një telash të njëjtë kanë hasur edhe banorë nga Krusha e Vogël, të cilët kanë vite që bluajnë grurin e tyre në këtë vend.

Ndërsa thonë se pronarët e këtij mulliri po shfrytëzojnë krizën dhe panikun e krijuar nga koronavirusi për përfitime personale.

Sipas banorëve, mbyllja e mullirit u bë pa ndonjë njoftim nga pronarët, të cilët sipas tyre, nuk kanë dhënë ndonjë shpjegim se pse ka ardhur ky vendim.

Televizioni ka provuar të marrë një qëndrim nga pronarët e këtij mulliri, por të njëjtit nuk kanë pranuar të deklarohen para kamerës.

Vetëm kanë shpjeguar se arsyeja e mbylljes së tij ka qenë për shkak të dezinfektimit të hapësirave brenda mullirit, pas një vendimi që sipas tyre, ua ka dhënë Komuna e Mamushës.

Derisa të njëjtën e kanë thënë edhe nga stacioni policor në këtë qytezë, vetë kryetari i kësaj komune Abdulahadi Krasniç, përmes telefonit, ka thënë të kundërtën.

Ai shtoi se komuna që ai udhëheq nuk ka pranuar asnjë vendim nga Qeveria për mbylljen e këtij mulliri.

Më Shumë

Memli Krasniqi propozon Bedri Hamzën për kryeministër

Kryetari i Partisë Demikratike të Kosovës, Memli Krasniqi pritet ta propozojë sot Bedri Hamzën kandidat për kryeministër të ardhshëm të Kosovës. Kreu i PDK-së ka...

Osmani merr pjesë në tubimin përkujtimor në 25 vjetorin e masakrës në Krushë të Madhe

Presidentja e vendit, Vjosa Osmani do të marrë pjesë në tubimin përkujtimor në 25 vjetorin e masakrës në Krushë të Madhe, me fillim të...

Lajmet e Fundit