9.8 C
Prizren
E premte, 29 Mars, 2024

Në Prizren, mbyllen tregjet dhe fillon dezinfektimi i ndërtesave kolektive

Komuna e Prizrenit ka vendosur t’i mbyllë tregjet në këtë qytet, si një nga masat për parandalimin e përhapjes së koronavirusit.

Drejtori i Inspektorateve në Komunën e Prizrenit, Islam Thaçi, ka pohuar se kjo masë është marrë bazuar gjithashtu në vendimet e nivelit qendror.

“Është parë që tregjet janë në rrezik permanent nga përhapja e koronavirusit për shkak se edhe Tregu i Gjelbër, edhe tregu ‘Fatoni’, edhe tregu lart, që bëhet ditën e mërkurë, mund të grumbullojë numër të madh qytetarëve, veçmas tani kur është orari i kufizuar dhe mund të sjellë deri te përhapja e sëmundjes”, ka thënë Islam Thaçi, Drejtori i Inspektorateve.

Sipas tij, në këtë komunë ende nuk ka raste të prekura nga COVID-19 dhe ata vazhdojnë t’u bëjnë thirrje prizrenasve për kujdes.

Ndërkaq koordinatori i shtabit emergjent lokal, Visar Shehu, ka bërë të ditur se të enjten ka filluar dezinfektimi i të gjitha ndërtesave kolektive në Prizren.

“Në mëngjes ka filluar në lagjen “Bazhdarhane”, ka vazhduar në lagjen “Ortakoll” dhe në lagjen “Lakuriq”. Do të bëhet dezinfektimi i të gjitha ndërtesave kolektive në Komunën e Prizrenit, pavarësisht viteve kur janë ndërtuar, a është private apo publike, të gjitha do të dezinfektohen”, ka thënë Visar Shehu, Koordinator i Shtabit emergjent lokal.

Sipas tij, dezinfektimi po bëhet sipas protokollit, ku përfshihen shkallët, holli i katit të parë dhe lifti./KOHA/

Më Shumë

‘O do të flasësh, o do të vdesësh’- Dëshmia tronditëse e ish-partizanit: Kapiteni dhe nëntogeri më torturonin

Antifashistët që ishin burgosur në Itali në rrethana të ndryshme, por që u liruan nga anglo-amerikanët në vitin 1943, pas largimit të misionit amerikan...

Ish-zëvendësministri për vrasjet në Kosovë: Duhet të angazhohet edhe AKI-ja, kjo është shndërruar në problem kombëtar

Ish-zëvendësministri i Punëve të Brendshme, Valdet Hoxha, ka folur mbi ngjarjet e fundit në vend, ku është rritur numri i vrasjeve. Ai tha se pjesën...

Lajmet e Fundit