10.8 C
Prizren
E premte, 29 Mars, 2024

Ngrihen dy aktakuza për keqpërdorim dh dëmtim të vulave zyrtare në Prizren

Prokuroria Themelore në Prizren ka ngritur aktakuzë kundër të pandehurit E.B., në cilësinë e personit zyrtar si inspektor i ndërtimit komunal në Prizren, për veprën penale keqpërdorim i pozitës dhe F.H. për heqje apo dëmtim të vulave zyrtare ose shenjave sipas Kodit Penal të Republikës së Kosovës (KPRK).

E.B., dyshohet se në periudhën 2016-2017, në cilësinë e personit zyrtar si inspektor i ndërtimit komunal, duke shfrytëzuar detyrën apo autoritetin zyrtar nuk i përmbush detyrat zyrtare ekzekutive, ashtu që shkel ligjin për ndërtimin duke mos rrënuar objektin i cili nuk kishte leje ndërtimi, me qëllim të përfitimit të dobisë për tjetrin.

Sipas aktakuzës, E.B. nuk ka ndërmarrë asnjë veprim për rrënimin e objektit të ndërtuar në lagjen Jenimahall nga investitori me pronar F.H., i cili nuk ka pasur leje për trembëdhjetë kate, por i akuzuari vetëm ka kryer punë administrative në hartimin e procesverbaleve duke mos sjellë konkluzionin për rrënimin e objektit pa leje, duke mundësuar kështu dobi pasurore 13 kate për investitorin.

Ndërsa, i akuzuari i dytë F.H., më datë 03.06.2017 në kohë të pacaktuar heq ose dëmton vulën zyrtare apo shenjën e ngjitur nga zyrtari i autorizuar me qëllim të sigurimit të objektit, në atë mënyrë që pas vendosjes së shiritave nga inspektorët komunalë të ndërtimit në Prizren, nuk i përfill vërejtjet e dhëna mbi ndalimin e punimeve në objektin e ndërtimit dhe vendosjen e shiritave.

Në këtë mënyrë ai ka hequr shiritat e vendosur duke dëmtuar vulat zyrtare dhe vazhdon ndërtimin e objektit.

Më Shumë

Nxënësit e shkollës ‘Mehmet Akif’ vizituan Prokurorinë Themelore në Prizren

Në kuadër të takimeve me qytetarë, Prokurorinë Themelore në Prizren të mërkurën e kanë vizituar nxënësit e klasave të katërta të shkollës “Mehmet Akif”...

Bexheti: Pa UÇK nuk do të kishte intervenim të NATO-s

Sot mbushen 25 vjet nga fillimi i sulmeve të NATO-s ndaj caqeve ushtarake policore serbe. 25 vjet më parë NATO ndërhyri për të ndaluar...

Lajmet e Fundit