9.8 C
Prizren
E premte, 29 Mars, 2024

NISMA: Keqpërdorime me përfituesit për ndërtimin e shtëpive në Prizren

Dega e Nismës Socialdemokrate në Prizren, të hënën, ka akuzuar koalicionin qeverisës lokal për qeverisje kaotike.

Kjo parti që deri në fund të muajit gusht ka qenë pjesë e koalicionit qeverisës ka theksuar se ka keqpërdorime edhe në Drejtorinë për Punë e Mirëqenies Sociale.

NISMA akuzuar se në këtë dikaster lokal po manipulohet me përfituesit e mjeteve për ndërtimin e shtëpive, për të shkuar edhe më tej me akuza se materiali ndërtimor po përfundon edhe në shtëpinë e drejtorit të DPMS-së.

Ky i fundit ka hedhur poshtë të gjitha pretendimet e NS-së, duke pohuar se procesi i përzgjedhjes së përfituesve për ndërtimin e shtëpive është tërësisht transparent. Ndërkohë akuzat tjera i ka quajtur personale dhe nuk ka pranuar t’i komentojë ato me arsyetimin se janë krejtësisht të pabaza.

Në komunikatën e NS-së, ndër të tjera, theksohet se papërgjegjësia dhe shkeljet e mëdha ligjore dhe keqpërdorimet me mjete financiare janë evidente në Drejtorinë e Mirëqenies Social./Koha Ditore/

Më Shumë

Aksident në autostradën “Ibrahim Rugova”

Një vetaksident ka ndodhur sot në autostradën “Ibrahim Rugova”. Nga ky rast nuk raportohet se ka ndonjë person të lënduar, por vetëm me dëme materiale. E...

Deputeti i VV-së, opozitës: Pallavrat anash, niseni mocionin

Deputeti i Lëvizjes Vetëvendosje, Artan Abrashi, i ka kërkuar opozitës që t’i mbledhë nënshkrimet për mocion mosbesimin ndaj Qeverisë Kurti. Abrashi ka ironizuar me opozitën...

Lajmet e Fundit