Shkruan: Blerim Q.Saramati
Besuam dhe shpresuam se qytetarë e komunës sonë, të rraskapitur nga rrenat dhe mashtrimet e pushtetarëve të deritashëm të pasluftës, të kenë marrë mend.
Por, nuk ndodhi ashtu.
I pari për kryetar doli të jetë kandidati i PDK, ndonëse me një përparësi të vogël nga ai i LVV dhe kështu vendimi do të vijë pas balotazhit. Partitë e këtyre dy kandidatëve janë duke zhvilluar një aktivitet të ngjeshur për sigurimin e votave për 19 nëntor, qoftë përmes agjitacioneve apo lidhjes së koalicioneve me partitë tjera, gjë kjo normale.
Në rrjetet sociale po qarkullon këto ditë një apelim te qytetarët e Hasit që ta shpaguajnë borxhin duke votuar Shaqir Totajn kryetar të Prizrenit.
Ajo që bie në sy, aty apelohet kryesisht në popullatën e Hasit, thuajse Komuna e Prizrenit përbëhet vetëm nga rajoni i Hasit. Apo, mbase kandidati i PDK-ës nuk është i sigurt nëse popullata e Hasit do ta votojë atë. Po del se në rajonet tjera të Prizrenit janë siguruar votat për, siç thuhet, patriotin Shaqir Totaj.
E tash, ku mbeti kandidati i LVV Mytaher Haskuka.
Athua ky nuk na qenka patirot?
Athua ky nuk na paskësh kontribuar fare në zhvillimin e Kosovës. Një Akademik prizrenas (që di shqipen letrare), nga duart e të cilit po dalin çdo vjet pedagogë e psikologë të rinjë.
Sidoqoftë, në Programin e LVV-s gjatë aktivitetit elektoral kemi mundur të lexojmë e dëgjojmë për komunën e Prizrenit me Kabash, Opojë, Lumë, Vrin, Has, Anadrin e Zhupë. Vetëm ky fakt mjafton që në balotazh Mytaher Haskuka të fitojë besimin e votuesve kë këtyre rajoneve, e lere më të atyre nga qyteti.
Aq më tepër kur njerëzit dëshirojnë ndryshime, zhveshje nga të korruptuarit, nga nepotizmi e sahanlëpizmi, rezultati i balotazhit do të jetë 8:2 për LVV.
Me Mytaher Haskukën në krye të Prizrenit do të fitoj qytetari i komunës së Prizrenit.