9.8 C
Prizren
E premte, 29 Mars, 2024

Skenari për “grusht-shtetin ” e 15 korrikut

Shkruan:FATON MEHMETI

Vënia e diktaturës në Turqi

Pasi mori në Kosovë aeroportin, KEK-un, pastaj në Shkup gjithashtu aeroportin dhe në Shqipëri tani aeroportin e Vlorës, Erdogani veç sa po vazhdon skenarin e tij për t’u konsideruar ” baba i myslimanëve në Ballkan”, duke përfshirë këtu Kosovën dhe Shqipërinë, si dhe shqiptarët në Maqedoni

15 korriku i vitit 2016 shënon kulminacionin e realizmit të një skenari për vënien e diktaturës në atë që sot konsiderohet, Turqia moderne. Në këtë skenar filmash të realizuar nga vetë Erdogani, gjoja se u tentua të vritej presidenti turk, të bëhet grusht- shtet dhe se populli rikthehu mbretin në kolltukun e Kemajl Ataturkut. Në kohën kur popullariteti i Erdoganit po lëkundej karshi synimeve të tij për të vendosur pushtetin diktatorial në duart e tij, inskenoi gjoja një grusht- shtet , për të pasur pastaj të drejtën e botës gjoja në emër të drejtësisë të eliminonte të gjithë kundërshtarët e tij. Një persekutim, arrestim dhe eliminim i çdokujt që mendon ndryshe nuk mbahet mend të ketë ndodhur, që nga koha e Sadam Huseinit, i cili eliminonte njerëzit vetëm se nuk mbanin fotografinë e tij në dhomën e ndejës.

Kërkesa jologjike e johumane

Me një qëndrim tipi diktatorial, me ” bekimin’ e popullit të tij , diktatori më i ri në Evropë po shpallte vetën shpëtimtar të Turqisë, i popullit turk nga ” kërcënimi”. Paranoja , që e karakterizon çdo diktator, nuk po e linte të qetë Erdoganin për të bërë thirrje për të arrestuar kundërshtarin e tij që jeton ne SHBA, Fetullah Gulen. Pavarësisht se kërkesa e tij nuk u mor parasysh, Erdogani duke përdorur ” vëllazërinë ” e tij me Hashim Thaçin, kërkoi që edhe në Kosovë të mbyllet çdo shkollë, apo organizatë që ka lidhje me Gulenin. Kjo kërkesë u përsërit edhe nga ambasadorja e Turqisë Kivilcim Kiliçe, e cila kërkon të luftohet organizata “Feto” e Fethullah Gulenit e cila, sipas saj, është e shtrirë nëpërmjet shkollave, organizatave joqeveritare e mediumeve në Kosovë. Kjo kërkesë nuk është as e arsyeshme, as logjike dhe aspak humane. Kjo është ” kërkesë” e diktatorit Erdogan, i cili fut hundët në Kosovë, sikur Kosovën t’ia kishte lënë baba me tapi. Jo, zonja ambasadore, Kosova nuk është as krahinë, as tokë turke që luftën e brendshme politike në Turqi ta mbartin këtu. Asnjë organizatë që ka lidhje me Gulenin apo as ai vetë, nuk është shpallur terrorist, dhe derisa vepron krejt legalisht pse mos të ushtrojë veprimtarinë e tij.

Humbja e shqiptarëve

Në krahasim me Erdoganin, Gyleni është edhe më liberal, më evropian dhe me largpamës. Derisa Erdogani, një diktator tipik, që mundohet përmes intrigave dhe veglave të tij në Kosovë, siç është Thaçi, të dëmtojë kundërshtarët e tij politikë. Duke përdorur injorancën e Thaçit, fatkeqësisht Erdogani ka arritur të fusë hundët këtu, duke sponsorizuar organizata për të përhapur teza kinse Kosova është tokë turke, këtë e ka bartur edhe përmes partive politike, siç është partia Fjala në Kosovë dhe Besa në Maqedoni, të cilat janë prodhim alla erdoganian. Këta edhe organizuan marshin në njëvjetorin e ” grusht- shtetit” në Turqi, në përkrahje të Erdoganit. Pasi mori në Kosovë aeroportin, KEK-un, pastaj në Shkup gjithashtu aeroportin dhe në Shqipëri tani aeroportin e Vlorës, Erdogani veç sa po vazhdon skenarin e tij për tu konsideruar ” baba i myslimanëve në Ballkan”, duke përfshirë këtu Kosovën dhe Shqipërinë, si dhe shqiptarët në Maqedoni. Ky diktator i vogël, që po mundohet të rritet mbi shpatullat e shqiptarëve, po vazhdon të shijojë realizmin e skenarit të tij i ulur në kolltukët e shtrenjtë. As Hashimi, as Fjala dhe Besa nuk përfaqësojnë shqiptarët dhe bindjet e tyre drejt Perëndimit, pasi ” falë ” perandorisë Osmane, pasardhëse e të cilës është Turqia e sotme, shqiptarët humbën 500 vjet. Dhe, një mesazh të fundit për ambasadoren turke në Kosovë Kivilcim Kiliç: shqiptarët asnjëherë nuk do t’i përdorni për qëllimet tuaja politike, ne jemi të orientuar drejt SHBA-së dhe Perëndimit, lindja me Erdoganin i takon të kaluarës për ne. Kaq!

(Kosova Sot)

Më Shumë

Antidroga me aksion në Prizren dhe Gjakovë, ka të arrestuar

Drejtoria për Hetimin e Trafikimit me Narkotik, e asistuar nga Policia e Kosovës ka realizuar operacion policor në disa lokacione në Prizren dhe në...

Kosovarët me rreth 5 miliardë euro kredi

Banka Qendrore e Kosovës ka bërë të ditur se vlera e kredive bruto të kosovarëve për muajin shkurt nëpër banka është 4.95 miliardë euro. Në...

Lajmet e Fundit