16.8 C
Prizren
E premte, 29 Mars, 2024

Për Specialen pritet të votojnë 85 deputetë

Vetëm katër nga 13 deputetët e PDK-së, që nuk i dhanë mbështetje amendamentit kushtetues që do t’i hapë rrugë themelimit të Gjykatës Speciale, nuk kanë ndryshuar qëndrim rreth kësaj çështjeje.

Kështu mbështetje Speciales pritet t’i japin 85 deputetë të koalicionit qeverisës, ndërsa votë kundër pritet nga 35 deputetë tjerë, 31 nga partitë opozitare dhe katër nga PDK-ja.

Burime të gazetës “Zëri” brenda Grupit Parlamentar të PDK-së kanë bërë të ditur se kundër formimit të kësaj Gjykate vazhdojnë të jenë deputetët: Nait Hasani, Ganimete Musliu, Fadil Demaku dhe Raif Qela.

Ndërkohë që deputetët: Fadil Beka, Xhevahire Izmaku, Rafet Rama, megjithëse në votimin e 26 qershorit votuan kundër këtij amendamenti, mësohet se tani kanë ndërruar qëndrim dhe do të votojnë për këtë ndryshim.

Votë “për” pritet edhe nga dy deputetët Flora Brovina e Nezir Cocaj, të cilët në votimin e parë abstenuan, ashtu si edhe nga deputetët që nuk kanë marrë pjesë në votimin e 26 qershorit: Blerta Deliu-Kodra, Bekim Haxhiu, Nuredin Lushtaku dhe Salihe Mustafa. /Zëri/

Më Shumë

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

Ndërmarrja “Guraziu” është specializuar në vendosjen e dyerve, laminatit, parketit, kuzhinave dhe dhomave të fjetjes. Pronari, Arton Guraziu, ka një përvojë prej 20 vjetësh. Adresa e...

Mot me diell dhe i ngrohtë

Për sot parashihet të mbajë mot kryesisht me diell dhe i ngrohtë. Era do fryjë nga jugperëndimi, e cila kohë pas kohe pritet të jetë...

Lajmet e Fundit