16.8 C
Prizren
E premte, 29 Mars, 2024

Rahoveci triumfon në derbi, mposht Yllin

Rahoveci ka fituar derbin ndaj Golden Eagle Yllit me rezultat 92:86 (15:18, 19:18, 26:18, 32:32), në kuadër të javës së 14-të në Prince Caffe Superligën e Kosovës në basketboll.

Ndeshje ishte shumë interesante dhe dramatike, duke u vendosur në çastet e fundit. Çereku i parë ishte kryesisht i baraspeshuar, derisa përfundon 15:18 për mysafirët. Lojë e barabartë u zhvillua edhe në periudhën e dytë, 19:18, derisa skuadrat shkuan në pushim me shifrat 34:36.

Perioda e tretë ishte mjaft interesante. Kjo pjesë filloi e baraspeshuar, megjithatë, tre minuta para fundit Ylli kishte epërsi 49:54, por, Rahoveci nuk dorëzohet dhe me një seri prej 11:0, kalon në epërsi 60:54, që ishte rezultati pas 30 minutash lojë. 10 minutat e fundit ishin mjaft interesante. Therandasit arrijnë të barazojnë shifrat në 68:68, por vendasit të udhëhequr nga Traylor dhe Jones, u treguan më të vëmendshëm në fund për të triumfuar 92:86.

Te Rahoveci u dalluan Isaiah Traylor me 32 pikë e 10 kërcime dhe Marvin Jones me 31 pikë e pesë kërcime, kurse te Golden Eagle Ylli u dalluan Demetris Morant me 16 pikë e 21 kërcime, Cody John me 17 pikë, Samir Zekiqi me 16 dhe Valon Bunjaku me 15.

Rahoveci ka 11 fitore dhe tri humbje, kurse Golden Eagle Ylli tetë fitore dhe gjashtë humbje.

Më Shumë

Vetaksidentohet një kamion, rruga Carralevë-Duhël e bllokuar

Një person është lënduar në një vetaksident të shkaktuar mëngjesin e sotëm në rrugën Carralevë-Duhël. Lajmin e ka konfirmuar Shaqir Bytyqi, zëdhënësi për media...

Ushtroi dhunë fizike ndaj katër personave, arrestohet i dyshuari në Prizren

Policia e Kosovës ka njoftuar se ka arrestuar një person në Prizren, pasi i njëjti kishte ushtruar dhunë fizike ndaj katër personave. Rasti ka ndodhur...

Lajmet e Fundit