16.8 C
Prizren
E enjte, 28 Mars, 2024

Rexhaj në Romajë, kërkon ndihmën e hasjanëve për ndryshimin politik

Rexhaj-romaj-hasLëvizja Vetëvendosje! në Prizren ka zhvilluar një takim me banorët e fshatit Romajë.

Kandidati për kryetar të Prizrenit, Arbër Rexhaj, deputeti Afrim Hoti dhe kandidatët për ansamble, thanë se takimet e drejtpërdrejta dhe të vazhdueshme me qytetarë janë pjesë e pandashme e aktivitetit politik të Lëvizjes Vetëvendosje!.

“Të gjitha diskutimet dhe bisedat me qytetarë, ne jemi munduar t’i përmbledhim në Alternativën tonë Qeverisëse, si në nivel qendror ashtu edhe në nivelin lokal. Synimi ynë është ndryshimi i gjendjes aktuale në të cilën gjendemi, e cila është si pasoj e keqqeverisjes së grupacioneve të ndryshme politike që nga paslufta”, tha Rexhaj.

Ai shprehi nevojën e ndihmës së qytetarëve dhe mobilizimit të tyre për ndryshimin e kësaj situate të rëndë politike dhe ekonomike.

Duke falënderuar hasjanët për kontributin e tyre të vazhdueshëm në Komunën e Prizrenit, Rexhaj gjithashtu theksoi nevojën e hapjes së një shkollë profesionale për Teknologji Ushqimore e cila do t’u shërbente të rinjve hasjanë që të marrin njohuri teorike dhe praktike për zanatin karakteristik dhe tradicional që e karakterizon rajonin e Hasit.

Ndërkaq, banorët e fshatit Romajë shprehën admirim për gatishmërinë e VV-së për diskutime të vazhdueshme me qytetarët dhe çmuan qëndrimet konsistonte të saj./PrizrenPress.com/

Më Shumë

Proton Cable Prizreni nikoqir i Golden Eagle Yllit

Sot zhvillohen dy përballje interesante në Superligën e Basketbollit kosovar. Ndeshjet janë të vlefshme për javën e 27-të të PrinceCaffe Superligës. Proton Cable Prizreni do të...

Ish-zëvendësministri për vrasjet në Kosovë: Duhet të angazhohet edhe AKI-ja, kjo është shndërruar në problem kombëtar

Ish-zëvendësministri i Punëve të Brendshme, Valdet Hoxha, ka folur mbi ngjarjet e fundit në vend, ku është rritur numri i vrasjeve. Ai tha se pjesën...

Lajmet e Fundit