Kur përmendet emri i Xhek London njerëzve u bie ndërmend se ai ka qenë një shkrimtar popullor amerikan, autor i mbi 50 librave, duke përfshirë librat e dashur të fëmijërisë sonë “Kushtrimi i të parëve” dhe “Dhëmbi i bardhë”. Shumë të tjerë mbase e kujtojnë se ai ka qenë një udhëtar dhe veprimtar shoqëror.
Megjithatë pak kush e ka ditur se Xhek London ka qenë edhe një fotograf tejet produktiv. Gjatë gjithë jetës së tij ka realizuar mbi 12.000 fotografi.
Deri në vitin 2010 shumica e fotografive të shkrimtarit kishin mbetur të panjohura, deri kur u botua albumi i tij me 200 kuadro. Autorë të këtij botimi janë Jeanne Campbell Reesman, Sara S. Hodson dhe Philip Adam.
Më poshtë po paraqesim disa nga këtë foto që Xhek London i ka shkrepur në disa kontinente të botës.
Burra duke fjetur në breg të lumit Tamiz, Londër, 1902
Gra të pastreha duke fjetur në kopshtin e Spitalfields, Londër, 1902
Në Londër, mëngjes të diele, burra që kanë marrë bileta zënë radhë për një mëngjes falas nga Salvation Army, 1902
Një oficer policie kontrollon një burrë që fle jashtë godinës së gazetës “Truth”, Londër, 1902
Xhek London i ndaluar nga ushtarët japonezë në Kore, viti 1904
Pas tërmetit, San Francisko, 1906
Pasagjerë të S.S.Siberia duke udhëtuar për në Japoni. Viti 1904
Aborigjenët e Nuku Hiva, ishulli më i madh në arkipelagun e Ishujve Marquesas, 1907
Udhëtari dhe regjisori amerikan Martin Johnson pozon me një vendas të Ishujve Solomon.
Johnson ishte pjesëtar i ekuipazhit Snark (anija e Jack London me të cilin udhëtoi përmes Paqësorit Jugor) Guadalcanal, 1908