16.8 C
Prizren
E enjte, 28 Mars, 2024

De Gea nuk përjashtonë transferimin te Real Madridi

David De Gea nuk po mendon të largohet nga Manchester United për Real Madridin, këtë verë, duke këmbëngulur se fokusi i tij qëndron vetëm me kombëtaren spanjolle, te Kupa e Botës së Rusisë.

27-vjeçari ka qenë prej kohësh i lidhur me një lëvizje në kryeqytetin spanjoll dhe ishte afër përfundimit të një transferimi të tillë në 2015. “E ardhmja ime? Gjëja më e rëndësishme është Kupa e Botës dhe të mos mendojmë për ndonjë gjë tjetër, që mund të të devijojë vëmendjen apo të na shpërqendrojë, – u tha gazetarëve De Gea. – Duhet të jemi të fokusuar për të zhvilluar një Kupë Bote sa më të mirë. Shpresojmë se mund të shkojmë larg dhe të fitojmë”.

I pyetur nëse De Gea iu kishte thënë përfaqësuesve të tij për t’i mbajtur gjërat larg nga ai gjatë përgatitjeve të Kupës së Botës, portieri spanjoll tha: “Futbolli është futboll dhe një mijë gjëra mund të ndodhin, por unë jam gjithmonë i qetë. Unë do të jem i njëjtë. Është e rëndësishme të fokusohemi dhe të jemi 100%. Unë isha pak a shumë i fshehur përpara medias, sepse kishte një kohë që nuk jam trajtuar siç duhet prej tyre. Shumë njerëz kanë qenë të padrejtë me mua. Ata më kanë kritikuar, por pastaj më vonë e dinin se kishin gabuar. Ka shumë njerëz që nuk meritojnë të japësh intervista për ta. Asgjë tjetër”, përfundoi ai.

Më Shumë

Totaj priti në takim përfaqësuesit e Shoqërisë Kulturo-Artistike “Dogru yol”

Kryetari i Komunës së Prizrenit, Shaqir Totaj priti sot përfaqësuesit e Shoqërisë Kulturo-Artistike “Dogru yol”, të këtij qyteti. Kjo shoqëri mban gjallë që 73 vjet...

Aksident në autostradën “Ibrahim Rugova”

Një vetaksident ka ndodhur sot në autostradën “Ibrahim Rugova”. Nga ky rast nuk raportohet se ka ndonjë person të lënduar, por vetëm me dëme materiale. E...

Lajmet e Fundit