Pasi deklaroi se pëlqente meshkuj dhe femra, Miley Cyrus e ka bërë fakt këtë të fundit, duke shkëmbyer një puthje pasionante me supermodelen e “Victoria Secret”, Stella Maxwell.
Në foton e sjellë ekskluzivisht nga DailyOnline, këngëtarja shfaqet në krahët e 24 – vjeçares Maxwell, duke i treguar gjithë botës se janë më shumë sesa mikesha.
Dy vajzat u fotografuan gjatë xhirimeve për një klip të ri muzikor në Hollywood. Siç raporton DailyMail, dyshja e vuri re prezencën e kamerave, por nuk u shqetësuan aspak dhe vijuan momentin e tyre të “nxehtë”.
Që pas ndarjes nga ish – dashuri, Patrick Schwarzenegger, Miley është shfaqur gjatë gjthë kohës me modelen Maxwell, duke ngritur dyshimet se mes tyre kishte diçka më shumë se shoqëri. Tashmë, 22 – vjeçarja e vërtetoi një gjë të tillë.