9.8 C
Prizren
E premte, 29 Mars, 2024

Malisheva: Gjendjen me COVID e kemi të menaxhueshme

Shtabi emergjent komunal në Malishevë, nën drejtimin e nënkryetarit të komunës, Hajdin Berisha, sot pas publikimit të rezultateve të fundit, e ka mbajtur takimin e rregullt ku është bërë vlerësimi situatës aktuale pandemike, ku është konstatuar se situata është në kontroll dhe e menaxhueshme.

Në këtë takim, shtabi emergjent kërkoi nga inspektorati komunal, që të zbatoj masat më të ashpra për ata që pas shumë vërejtjeve, nuk i zbatojnë vendimet për mbrojtje nga Covid-19, si dhe u tha se inspektimi do të jetë edhe më i shumtë gjatë 24 orëve në ditë.

Përndryshe në këtë takim të radhës, të gjithë anëtarët e shtabit, varësisht nga institucionet që përfaqësojnë, kanë raportuar për gjendjen në sektorët e tyre, ku u tha se të gjitha shkollat po punojnë sipas planit A, përjashtuar gjimnazin që punon me planin B, ndërsa edhe në shëndetësi, përkundër rritjes së numrit të pacientëve, të gjitha shërbimet janë duke u kryer pa probleme.

Sa i përket ditës së sotme, nënkryetari Hajdin Berisha, ka bërë të ditur se bazuar në raportet nga IKSHPK dhe kontakti në terren, sot janë regjistruar 9 raste me Covid-19, dhe ato raste vijnë nga këto vendbanime: 2 raste në Bubavec, 2 në Mleqan, 2 në Bellanicë, dhe nag 1 rast në Banjë, Astrazup dhe Drenoc.

Gjendja e përgjithshme me covid-19 në Komunën e Malishevës, nga data 14 mars e deri më sot është kjo: gjithsejtë të prekur me covid-19 janë 332 persona, prej tyre 253 janë shëruar , 25 kanë vdekur dhe aktiv me covid-19 janë 54 persona.

Më Shumë

 Marrëveshje për zhvillim ekonomik dhe inovacion në Prizren

Kryetari i Prizrenit, Shaqir Totaj ka nënshkruar sot një Marrëveshje të Mirëkuptimit me Innovation and Training Park (ITP) dhe Makerspace – Innovation Center Prizren për të bashkëpunuar në agjendën digjitale të...

Vetim Shala, shkoi për ta dhënë provimin e mjekësisë në Prishtinë, u përjetësua me diplomën e dëshmorit

Vetim Shala u lind më 28 shtator të vitit 1968 në fshatin Nashec të Prizrenit. Shkollën fillore e kreu në fshatin e lindjes me...

Lajmet e Fundit