6.8 C
Prizren
E martë, 19 Mars, 2024

Prishtina mposht me lehtësi Bashkimin, fiton Superkupën e Kosovës në basketboll

Klubi kryeqytetas, Z Mobile Prishtina ka triumfuar ndaj prizrenasve të Bashkimit në finalen e Superkupës së Kosovës me rezultat 88-50.

Nën organizim të Federatës së Basketbollit të Kosovës (FBK) sot (e diel) në Pallatin e Rinisë dhe Sporteve në Prishtinë është zhvilluar ndeshja e Superkupës së Kosovës.

Basketbollistët e Z Mobile Prishtinës në edicionin që e lamë pas e kanë fituar trofeun e Kupës, kurse ata të Bashkimit janë shpallur kampion të Kosovës dhe kështu së bashku kanë luajtur për Superkupën.

Në fund fitore bindëse kanë shënuar kryeqytetasit, të cilët në çdo çerek ishin dominues dhe në fund triumfuan me rezultat 88-50.

Çereku i parë ndeshjes përfundoi në të mirë të ‘Plisave’, të cilët shënuan 27 pikë, për dallim nga prizrenasit që shënuan vetëm shtatë.

Edhe në çerekun e dytë, Prishtina ishte më e mirë duke triumfuar me rezultat 24-16 dhe shkuan në pushim me epërsi prej 28 pikëve pranë rezultatit 51-23.

Pjesa e dytë nisi më mirë për djelmoshat e Bashkimit të cilët arritën ta fitojnë çerekun e tretë me rezultat 14-12, por rezultati i përgjithshëm ende ishte i thellë 63-37.

Në çerekun e katërt Prishtina ishte më e mirë dhe arriti të fund të triumfojë me rezultat 88-50 apo plot 38 pikë epërsi.

Më i miri në këtë fitore të Prishtinës ishte AJ Devis me 18 pikë, 7 kërcime e katër asistime dhe Valon Bunjaku me 14 pikë, 8 kërcime e 8 asistime. /Telegrafi/

Më Shumë

Ky është çifti i moshuar që u gjenden të vdekur në shtëpinë e tyre në Rahovec

Një grua dhe një burrë janë gjetur sot pa shenja jete në shtëpinë e tyre në fshatin Pataqan i Poshtëm në Rahovec. Policia ka bërë...

Prizren/ Policia zbatoi 65 urdhëresa të gjykatës

Drejtoria Rajonale e Policisë në Prizren, bazuar në planin operativ për realizimin e urdhëresave të gjykatperiudhëss , gjatë periudhës kohore 11-15/03/2024, ka zbatuar 65...

Lajmet e Fundit