Është një nga futbollistët shqiptar më të mirë në botë.
Bëhet fjalë për Granit Xhakën, i cili njihet si lojtari më luftarak në Premierligë.
Granit Xhaka pas paraqitjeve fantastike me Arsenalin, është shëndrruar një titullar i padiskutueshëm në formacionin e Arsene Wenger.
Granit Xhaka në një intervistë për Ekskluzive për ‘Gazeta Blic’ ka folur për të ardhmen e tij, momentet më të mira në karrierë, kundërshtarët më të vështirë, përballjen me Serbinë dhe jo vetëm.
Për më shumë ndiqni intervistën tonë me Granit Xhakën:
GazetaBlic: Cili është momenti më i mirë në karrierën tënde?
Granit Xhaka: Nuk mundem me cek ndonjë nga momentet më të mira, sepse ka shumë momente të mira.
GazetaBlic: Goli i preferuar në karrierën tënde?
Granit Xhaka: Goi i preferuar i imi është ndoshta ai kundër Liverpoolit, sepse ishte me rëndësi për ndeshjen tonë.
GazetaBlic: A keni pasur oferta në afatin kalimtar të janarit?
Granit Xhaka: Jo nuk pasur ndonjë ofertë.
GazetaBlic: Kur e kuptove që jeni ne grup me Serbinë në kampionatin botëror, çfarë mendove në atë moment?
Granit Xhaka: Nuk kam menduar asgjë. Mendova vetëm të mundohem ta jap maximumin kundër Brazilit, Serbisë dhe Costa Ricas.
GazetaBlic: A takohesh me Xherdan Shaqirin ndonjëherë në Londër?
Granit Xhaka: Po jemi takuar me Xherdanin në Londër.
GazetaBlic: Cilin nga lojtarët e Arsenalit e ke shokun më të mirë?
Granit Xhaka: Të gjithë i kam shokë dhe i respektoj dhe më respektojnë, por natyrisht me këta të cilët flasin gjermanisht apo shqip si Shkodran Mustafi qëndrojmë më shumë së bashku.
GazetaBlic: Cili është lojtari më i fortë me të cilin je përballur ndonjëherë? Po ekipi?
Granit Xhaka: Lojtarë ka shumë shumë të mirë, për ekip është ai i Bayern München.
GazetaBlic: Cili është lojtari më gazmor në ekip? Po më seriozi?
Granit Xhaka: Danny Welbeck është lojtari më gazmor, më serioz është Laurent Koscileny.
GazetaBlic: Çfarë mendimi keni për Përfaqësuesen e Kosovës, a do të arrijë suksese në arenën ndërkombëtare?
Granit Xhaka: I kam shikuar disa ndeshje të Kombëtares së Kosovës, mendoj se në të ardhmen mundet me qenë një kombëtare e fortë.
GazetaBlic: Ronaldo apo Messi? Cili mendon se është futbollisti me i mirë në botë?
Granit Xhaka: Nuk mundem t’i ndajë, të dy janë futbollistët më të mirë në botë