Pep Guardiola i Manchester Cityt është shpallur Menaxher i vitit në Premier Ligë.
Spanjolli sivjet theu çdo rekord, duke bërë Cityn ekipin e parë në Premier Ligë që siguron 100 pikë brenda një sezoni.
City përfundoi sezonin me 19 pikë para Manchester Unitedit në vendin e dytë dhe theu rekordin për më së shumti fitore dhe gola të shënuar në Premier Ligë brenda këtij sezoni.
“Të gjithë menaxherët e meritojnë këtë. Patën një sezon të mrekullueshëm. Është dashur të zgjidhet një, isha unë”, ka thënë Guardiola.