8.8 C
Prizren
E martë, 19 Mars, 2024

Klopp tregon si e bindi Firmino ta përfshinte në skuadër

Roberto Firmino ishte protagonisti absolut i fitores së Liverpoolit ndaj PSG-së. Sulmuesi brazilian, i cili mendohej se nuk do të mund të luante në Ligën e Kampioneve këtë javë për shkak të problemit në sy pasi u dëmtua nga Vertongen në fundjavë, ishte zëvendësues dhe shënoi golin e fitores 3-2 në minutat shtesë.

Askush nuk  priste praninë e tij në 18-she, e aq më shumë që të zbriste në fushë. Por trajneri Jurgen Klopp shpjegoi se vetë lojtari i kishte kërkuar të ishte i pranishëm.

“Nuk kishte asnjë shans që të luante të hënën, absolutisht asnjë të dielën. Por ai erdhi në mëngjes (të martën) dhe tha ‘jam në rregull, mund të hap përsëri syrin’. Kjo ishte një gjë e mirë, ai ishte në rregull”, shpjegoi Klopp frazën e Friminos që e bindi ta përfshinte në skuadër e më pas ta aktivizonte në fundin e ndeshjes.

Klopp pranoi se ekipi i tij tashmë kishte hedhur hapin e radhës drejt konfirmimit mes më të mirëve në elitën e Ligës së Kampioneve.

“Gjëja më e bukur është se kur dëgjon se Liverpooli luan kundër PSG-së, tani nuk mendon më se nuk kemi asnjë shans. Ndoshta tre vite më parë, ne mund të mendonim se ai ishte një mal që nuk e kalonim dot”, theksoi trajneri gjerman.

Më Shumë

Nxënësit e shkollës “Emin Duraku” dhurojnë 1051 euro për fëmijët me Sindromin Down

Nxënësit e shkollës “Emin Duraku” kanë treguar një frymë të jashtëzakonshme të solidaritetit dhe altruizmit duke dhuruar 1051 euro shoqatës “Down Syndrome Kosova” përmes...

Marrëveshje për ndërtimin e rrjetit të ujësjellësit për fshatrat Krushë e Madhe, Piranë, Zojz dhe Medvec

Kryetari Shaqir Totaj ka nënshkruar sot një Marrëveshje Bashkëpunimi me KRU “Gjakova” SH.A. për bashkëfinancim në realizimin e projektit të ndërtimit të rrjetit të...

Lajmet e Fundit