5.8 C
Prizren
E martë, 19 Mars, 2024

Ndëshkuesi i Zidane në Botërorin 2006 sjell të vërtetën

Gjyqtari argjentinas, Horacio Elizondo, i cili e kishte referuar finalen e Kupës së Botës midis Italisë dhe Francës, ka rrëfyer për momentin më kyç të asaj mbrëmjeje.

Elizondo e kishte ndëshkuar me karton të kuq kapitenin francez, Zinedine Zidane, i cili e kishte goditur me kokë në gjoks mbrojtësin italian, Marco Materazzin në minutën e 110-të të takimit që kishte shkuar në shtesa.

Italia më pas e kishte fituar Botërorin përmes penaltive, dhe Zidane ishte shndërruar në figurë tragjike ndonëse diskutueshëm e kishte dërguar “i vetëm” Francën në finale me 34 vjet.

“Në një moment e pashë Materazzi-n të shtrirë në fushë, diku rreth 30-40 metra larg, dhe e ndala lojën. Shpejtë, përmes interkomit, i pyeta asistentët e mi se çfarë kishte ndodhur”, tha Elizondo në një rrëfim në TEDtalk.

“Për çudi, të dy m’u përgjigjën: nuk kemi parë absolutisht asgjë”.

Por në atë moment, zyrtari i katërt, referi spanjoll Luis Medina Cantalejo, të cilin Elizondo e cilësoi si ‘engjëllin e tij mbrojtës’, i kishte treguar argjentinasit gjithçka që ai e kishte parë qartë.

“E tmerrshme, goditja me kokë e Zidane në Materazzi-n ishte e tmerrshme! Ta hajë dreqi! Zidane e goditi me kokë Materazzi-n. Kur ta shohësh videon nuk do të më besosh”, i kishte thënë Cantalejo.

“E vetmja që që i mungonte ishte të thoshte ‘ole’”.

“Kur shkova në skenën e krimit, tashmë e kisha informatën dhe e dija që do ta ndëshkoja me të kuq Zidane-n”, përfundoi Elizondo.

Ajo ishte ndeshja e fundit në karrierën e legjendës franceze, i cili e kishte mbyllur në mënyrë famëkeqe karrierën e tij të bujshme si lojtar, të cilën vite më pas do ta pasuronte edhe si trajner.

Më Shumë

Goditet me makinë një këmbësor në Prizren

Një shtetas i Shqipërisë gjatë drejtimit të makinës, nga pakujdesia dhe mospërshtatja e shpejtësisë ka goditur një këmbësor në Prizren duke i shkaktuar lëndime...

Sarri jep dorëheqje, ja tre emrat në listën e Lazios

Maurizio Sarri nuk është më trajneri i Lazios. Strategu i njohur ka dhënë dorëheqjen nga drejtimi i skuadrës së Serisë A pas humbjes me...

Lajmet e Fundit