Cristiano Ronaldo, i rikuperuar pas dëmtimit të pësuar në kofshë, është rikthyer në stërvitje të hënën me Real Madridin, bëri të ditur klubi, që saktësoi se sulmuesi pas rikuperimit është gati për të luajtur në ndeshjen e kthimit gjysmëfinale të Ligës së Kampionëve ndaj Manchester City të mërkuren (20.45).
“Cristiano Ronaldo dhe (Alvaro) Arbeloa janë bashkuar në stërvitje me grupin”, theksoi klubi i Realit.
Nëse rikthimi i tij konfirmohet, Ronaldo ka mundësinë të mërkurën që në stadiumin “Santiago-Bernabeu” të kalojë rekordin e golave të shënuar gjatë njeë edicioni të Ligës së Kampioneve, që e ka vendosur në sezonin 2013-2014 (17 gola). Portugezi deri tani ka shënuar 16 gola në sezonin 2015-2016.