13.8 C
Prizren
E enjte, 28 Mars, 2024

Vajza nga Rahoveci që jeton për futbollin! Mësoni historinë e saj interesante!

Për çdo ditë dëgjojmë histori të ndryshme të të rinjve të pasionuar për futbollin por rrallë herë ndodh që të dëgjojmë se një vajzë mund të jetë aq e pasionuar rreth sportit më magjik në botë futbollit.

E tillë është futbollistja e re Albina Krasniqi nga Rahoveci e lindur 11 dhjetor 2000 e cila është futbolliste e KFF 13 QERSHORI. Albina luan pozitën e mbrojtëses së djathtë. Në vijim lexojeni historinë e saj për pasionin e saj futbollin dhe për atë sesi ajo i ka mposhtur paragjykimet se futbolli është sport vetëm për meshkujt.

Albina Krasniqi është një nga shpresat e mëdha të futbollit femëror kosovar dhe në ardhmen pritet të arrij në nivele të larta në sportin e saj që e ka pasion, pra futbollin.

“Familjarët më tregojnë që edhe gjatë kohës kur jam në gjumë, flas për futbollin,për stërvitjet dhe arritjet e mia. Për mua, futbolli është më tepër se pasion,, me një fjalë është jetë, futbolli është bërë pjesë e pandashme e ditëve të mia dhe jetës sime. Pjesën më të madhe të kohës e kaloj në stërvitje, plot 6 orë në ditë . Luaj kudo, në fushën e ekipit, në rrugë, në shtëpi, si dhe me djemtë e lagjes. Ne fillim, më është dashur të përballem me paragjykime nga më të ndryshmet dhe është dashur që të punoj shumë me veten për t’ua dëshmuar atyre të kundërtën , duke i mposhtur ata që më paragjykonin pse një vajzë si unë të luaj futboll dhe paragjykimet e tyre boshe”, thotw Krasniqi.

“Asnjëherë nuk do ta kuptoj se, si është e mundur që ne vajzat të punojmë shumë më tepër për diçka, të cilën djemtë e marrin vetëm pse i takojnë gjinisë mashkullore. Gjatë tërë këtyre viteve kam mësuar diçka, duhet të punosh fort, në mënyrë që ta bindësh veten se vlera jote është shumë e madhe. Pa e vlerësuar veten, nuk ke pse pret të të vlerësojnë të tjerët, sepse nuk do ta bëjnë kurrë”, thekson Albina.

Më Shumë

Rrëfehet Messi: Nuk isha përgatitur për t’u larguar nga Barcelona

Lionel Messi ka pranuar se iu desh të “rindërtonte jetën e tij” pas largimit tronditës nga Barcelona në vitin 2021. Gjithashtu ka nënvizuar vështirësitë e...

Një person arrestohet në Prizren pas sulmit fizik ndaj bashkëjetueses

Një person është arrestuar në Prizren. Ai dyshohet se pas një mosmarrëveshje ka sulmuar fizikisht  femrën me të cilën bashkëjeton. “Viktima ka pësuar lëndime trupore, ndërsa...

Lajmet e Fundit