Paris Saint-Germaini dhe mesfushori Marco Verratti kanë filluar bisedimet për nënshkrimin e një kontrate të re, raporton “Calciomercato.com”.
Reprezentuesi italian është kritikuar shumë nga tifozët e klubit francez së fundmi, por drejtuesit e klubit e shikojnë mesfushorin si pjesë kyçe të ekipit dhe janë të gatshëm që t’i ofrojnë një kontratë të re lojtarit, transmeton zeri.info
Menaxheri i Verrattit, Mino Raiola dhe presidenti i klubit parisien, Al Khelaifi tashmë janë takuar dhe kanë biseduar për rinovimin e mundshëm.
Juventusi ka qenë e interesuar për ish-mesfushorin e Pescaras prej kohësh, por klubi torinez është njoftuar se Verratti pritet të nënshkruajë një kontratë të re me Paris Saint-Germainin deri në vitin 2023, me një pagë prej 12 milionë eurosh në vit.