Agjenti i Jorginhos, Joao Santos, ka folur për të ardhmen e klientit të tij. Sipas Santos, Jorginho mund të transferohet te Juventusi.
“Kemi ende kontratë me Chelsean dhe për tre vitet e ardhshme, por nëse nuk e duan në ekip, kemi oferta.
Një transferim te Juventusi? Të shohim”, u shpreh agjenti i Jorginhos, i cili po flitet si pasuesi i Miralem Pjanic, që me shumë gjasa ka bërë gati valixhet për t’u transferuar te Barcelona.
Tek ekipi i Chelsea, Lampard ka një projekt të qartë dhe po ndërton një ekip për të ardhmen, me produkte nga akademia dhe me prodhim vendas. Abraham, Mount, Loftus-Cheek, Hudson-Odoi, Reece James dhe Fikayo Tomori janë vetëm disa nga emrat kryesorë të projektit që ka Lampard.