Deputeti i LDK-së, Anton Quni, ka thënë se nëse vërtetohen largimet e hetuesve, atëherë duhet të ketë hetim nga Prokuroria. Sipas tij, nëse këto qëndrojnë, është shqetësuese dhe se nuk mund të heshtin kundrejt këtyre pretendimeve

Deputeti nga radhët e Lidhjes Demokratike të Kosovës (LDK), Anton Quni, në raportimin në Komisionin për Çështje të Sigurisë dhe të Mbrojtjes, ka diskutuar edhe rreth raportimit për largimin e hetuesve të policisë.

Quni ka thënë se nëse vërtetohen largimet e hetuesve policorë duhet të ketë hetim nga Prokuroria.

“Nëse këto qëndrojnë, nuk është problem i Policisë por edhe i shoqërisë, problem shtetëror. Prokuroria do të duhej me u marrë ose me kryetarin për shpifje, ose me drejtorin për këto zhvillime. Situata kërkon përgjigje”, ka thënë deputeti i LDK-së.

Sipas tij, nëse qëndrojnë këto, atëherë është shqetësuese dhe se nuk mund të heshtin kundrejt këtyre pretendimeve.

“Nëse këto qëndrojnë është shqetësuese, dhe do të duhej me u shqetësu edhe kolegët e mi deputetë. Nuk mundemi me kalu përtej këtyre pretendimeve dhe thjesht me hesht”, ka thënë tutje ai.

“Edhe unë kur jam nis për takim, jam nis për natyrë tjetër të takimit, duke besuar se do të flasim për çështje që kanë të bëjnë për performancën e Policisë, nevojat e tyre. Kjo që u ngrit nga ju e ndryshoi natyrën e takimit. Është fakt se të gjitha që listuat ju mund të gjenden në media, në portale të ndryshme. Në kujtesë po na ktheni disa zhvillime e ngjarje, të cilat nuk kanë epilog. Pajtohem me ju për të gjitha çështjet që ju ngritët dhe jam i interesuar me dëgju nga drejtori i Policisë, si i adreson të gjitha këto”, ka shtuar deputeti i partisë opozitare.

Kujtojmë që kryetari i Komisionit për Çështje të Sigurisë dhe të Mbrojtjes në Kuvendin e Kosovës, Bekë Berisha, ka akuzuar drejtorin e Policisë së Kosovës, Gazmend Hoxhën, për emërime dhe punësime me urdhër të Qeverisë së Kosovës, duke cekur konkretisht ministrin e Brendshëm, Xhelal Sveçlën.

Në mbledhjen e komisionit, ku drejtori i Policisë është thirrur për raportim, Berisha ka theksuar se emërimet e reja në pozitat udhëheqëse janë kryer kryesisht me persona të lidhur ngushtë me pushtetin dhe me prejardhje nga qyteti i ministrit Sveçla.

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

U lansua sot skema e granteve “Mbështetja e ndërmarrjeve ekzistuese dhe Start-Up në Komunën e Prizrenit”, që financohet nga Komuna e Prizrenit, ndërsa, implementohet nga Agjencia për Zhvillim Rajonal – Jug.

“Ky projekt, ku përparësi do të kenë projektet nga sektori i IT-së, tekstilit, përpunimit të drurit dhe metalit, do të përqendrohet në rritjen e inovacionit dhe zhvillimin e bizneseve si dhe do të sjellë një frymë të re pozitive për bizneset ekzistuese dhe për ata që janë duke filluar një biznes të ri në komunën tonë, duke ndihmuar në ngritjen e kontributit të tyre në ekonominë lokale në tërësi, që rrjedhimisht ndikon në krijimin e vendeve të reja të punës, ngritjen e eksportit dhe zvogëlimin e importit”, ka njoftuar Komuna e Prizrenit.

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Ministria e Punëve të Brendshme ka bërë të ditur se nga 10 maji deri më 9 gusht 2024 të gjithë qytetarët mund t’i konvertojnë patentat e shoferëve të lëshuar nga strukturat jolegale serbe në patentë shoferë të Republikës së Kosovës.

MPB-ja thekson se kalimi në patentë shoferë të Republikës së Kosovës mundëson regjistrimin e lehtë dhe praktik të automjeteve.

“Ministria e Punëve të Brendshme njofton të gjithë qytetarët se nga data 10 maj 2024 do të fillojë procesi i konvertimit të patentë shoferit të lëshuar nga strukturat jo legale serbe në patentë shoferi të Republikës së Kosovës dhe do të zgjasë deri më 9 gusht 2024”, thuhet në njoftim.

MPB-ja tutje shton se nuk kërkohet përsëritje të dhënies së provimit për fitim të patentë shoferit, por vetëm aplikim të cilin çdo qytetar duhet ta dorëzojë në Qendrën për Pajisje me dokumente, përfshirë letërnjoftimin, origjinalin e patentë shoferit të lëshuar nga ana e autoriteteve serbe, certifikatën e gjendjes shëndetësore për pajisje me patentë shofer, dëshmi të pagesës së taksës, dhe origjinalin e patentë shoferit të lëshuar nga UNMIK-u ose RKS-ja në qoftë se bëhet aplikimi për shtimin e kategorive, gjë e cila po ashtu është mundësuar përmes këtij vendimi të Ministrisë së Punëve të Brendshme.

Ndërkaq, këtë vendim të Ministrisë së Punëve të Brendshme e ka mirëpritur edhe ambasadori amerikan Jeff Hovenier. Ai në një postim në “X” ka shkruar se SHBA-ja mbështet përpjekjet që mundësojnë integrimin e mëtejshëm.

“Ne mbështesim përpjekjet që mundësojnë integrimin e mëtejshëm dhe avancojnë vizionin tonë të përbashkët për një Kosovë gjithëpërfshirëse, multietnike”, shkroi Hovenieri.

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri