Naim Krasniqi, shkencëtar i fushës së fizikës dhe më gjerë, pas botimit në gjuhën shqipe, ka botuar edhe në gjuhën angleze librin “Fusha antimagnetike në makrobotë”, i cili tashme ka dalë nga shtypi në Prishtinë, por do të shpërndahet në shtetet e Evropës dhe botës.
“Fusha antimagnetike në makrobotë” në gjuhën shqipe u botua vitin e kaluar, dhe në këtë libër autori paraqet zbulimin e tij madhor të fushës së re – fushës antimagnetike, duke e shpjeguar se si formohet dhe ç’rol luan ajo. Fusha antimagnetike si e vetmja forcë shtytëse në makrobotë është ajo që e bën universin të jetë kështu sikurse është, e pa këtë forcë shtytëse – forcat tërheqëse do ta mbanin universin të tkurrur si një top i vetëm kaotik.
Naim Krasniqi gjatë vitit 2023 botoi edhe librin “Mikrobota, më ndryshe”, ku parashtron një strukturë të re të atomit shumë më të përbërë se sa besohej e që e ndryshon njohjen e mikrobotës.
Në këto dy vepra autori i saj ka parashtruar disa nga arritjet e tij në punën mëse tri dekadëshe, me theks të posaçëm punën e dekadës së fundit kur në vitin 2013 ka zbuluar fushën antimagnetike.
Gjatë vitit të kaluar në shumë medie vendore, redaktori dhe recensenti i këtij libri, dr. Hajdin Abazi, ka dhënë shpjegime të hollësishme të dokumentuara përmes eksperimenteve sa i përket teorisë që paraqet fizikanti shqiptar Naim Krasniqi.
“Fusha antimagnetike në makrobotë” në gjuhën shqipe gjendet në librarit më kryesore në Prishtinë, ndërkaq për versionin në gjuhën angleze mund të kontaktoni edhe në e-mailin [email protected].
Naim Krasniqi është eksperimentues dhe teoricien i fizikës. Ka të patentuar projekte të veta novatore. Jeton në Francë. Krasniqi ka vite që parashtron një teori ndryshe për fizikën, për universin.
Policia ka mbajtur ligjëratat në shtatë shkolla të komunës së Prizrenit, të dedikuara për nxënësit e klasave të pestë deri në të nëntën.
Tema e ligjëruar ka zgjuar interes tek nxënësit, të cilët janë bërë pjesë e diskutimeve dhe kanë shprehur pyetje lidhur me masat e sigurisë ndaj keqpërdorimit të internetit.
“Kjo është një hap i rëndësishëm për të ndërgjegjësuar nxënësit rreth rreziqeve të internetit dhe për t’u përgatitur për të vepruar më të sigurt në këtë mjedis”.
“Ligjëratat e tilla do të vazhdojnë edhe në shkollat e tjera në rajonin e Prizrenit, duke ndihmuar në ndërgjegjësimin e mëtejshëm të nxënësve”, njofton policia./PrizrenPress.com/
Aryna Sabalenka së fundmi humbi të dashurin e saj, Konstantin Koltsov. Ish-lojtari i hokej u nda nga jeta dhe tronditi botën me lajmin e vdekjes së tij të papritur të hënën e 18 marsit.
Sabalenka fatkeqësisht duhet të jetojë duke humbur një prani të rëndësishme mashkullore në jetën e saj. Para se të vdiste Koltsov, ajo duhej t’i jepte lamtumirën babait të saj, i cili ishte një nga shtyllat më të forta të mbështetjes së saj.
Bukuroshja bjelloruse deri më tani nuk ka dhënë asnjë mesazh për ndarjen nga jeta të të dashurit të saj. Megjithatë, nuk është e vështirë të imagjinohet se ajo po vuan një kohë jashtëzakonisht të vështirë dhe ka nevojë për mbështetjen e miqve dhe familjes së saj.
Babai i saj, Sergey, ishte një lojtar hokej mbi akull dhe një nga arsyet kryesore që Sabalenka filloi të luante tenis. Ajo shpjegoi: “Një ditë, babai im po më çonte diku me makinë dhe rrugës pa fusha tenisi. Kështu ai më çoi në fushë. Më pëlqeu shumë. Kështu filloi”.
Babai i Sabalenka-s vdiq papritur në moshën 43-vjeçare në vitin 2019 për shkak të meningjitit. Dhe, vitet e ardhshme në turne e bënë të vështirë për të që të përqendrohej në performancën e saj.
Babai i saj ishte gjithashtu një nga arsyet më të mëdha që ajo u bë një kampione e Grand Slam. Ai donte ta shihte atë të bëhej numri një i botës dhe të fitonte disa tituj Grand Slam, por ai ndërroi jetë para se ajo arrinte të lavdinë.
Aryna e çoi tenisin e saj në nivelin tjetër dhe fitoi dy tituj Australian Open. Sabalenka po nderonte babanë e saj të ndjerë me një puthje në qiell pasi mposhti Zheng Qinwen në një paraqitje të jashtëzakonshme në Australian Open 2024.
Bjellorusja arriti të jetonte me vdekjen e babait të saj, pasi ajo arriti të bëhej një lojtare edhe më e fortë me kujtesën e tij. Megjithatë, asaj i duhet të kalojë edhe një herë këtë proces torturues pasi së fundmi ka humbur të dashurin e saj.
Aryna Sabalenka dhe Konstantin Koltsov
Sabalenka dhe Koltsov e bënë publike marrëdhënien e tyre në vitin 2021. Ata ndanë disa fotografi të njëri-tjetrit në faqet e tyre në rrjetet sociale dhe gjithashtu shpërndanë foto të disa udhëtimeve që bënë nëpër botë.
Ata u panë së bashku edhe në dokumentarët e “Netflix”, “Break Point”.
Fatkeqësisht, botës së tenisit iu desh të dëgjonte vdekjen e Konstantin Koltsov. Filloi me disa media bjelloruse të lajmeve që mbuluan vdekjen e tij dhe më shumë media të tjera ndanë konfirmimin e tyre. Nuk kishte asnjë konfirmim nga burime të afërta me Saba ose Koltsov kur ekipi i tij përfundimisht ndau mesazhin.
“Me dhimbje të thellë ju njoftojmë se ka ndërruar jetë trajneri i Salavat Yulaev, Konstantin Koltsov. Ai ishte një person i fortë dhe gazmor, ai ishte i dashur dhe i respektuar nga lojtarët, kolegët dhe tifozët”, shkroi ekipi i tij.
“Konstantin e shkroi veten përgjithmonë në historinë e klubit tonë. Koltsov fitoi Kampionatin Rus dhe Kupën Gagarin si pjesë e Salavat Yulaev dhe bëri një punë të shkëlqyer në stafin stërvitor të ekipit”, thuhej në njoftimin e Salavat Yulaev.
Deri më tani, arsyeja e vdekjes së tij nuk është konfirmuar zyrtarisht, por në mediat bjelloruse flitet për një mpiksje gjaku në tru.
Megjithatë, Saba do të ketë nevojë për të gjithë mbështetjen që mund të marrë nga familja e saj për ta ndihmuar të mbajë zi.Albanian Pos
Më 19 mars të vitit 1949, iu shua fryma në qelinë e burgut të Durrësit, kryeipeshkvit të këtij qyteti, imzot Vinçenc Prennushit.
Kushtimi ndaj besimit do t’i kushtonte lirinë dhe jetën. E thënë metaforikisht, Prennushi qe i prirë drejt jetës rregulltare qyshse foshnje, kur mori bekimin e pagëzorit.
U lind në Shkodër më 4 shtator 1885. Në moshën 5-vjeçare, në vitin 1900, hyri në kuvendin françeskan të vendlindjes. U shugurua meshtar në Tirol, ku kryente edhe studimet.
Do të merrej edhe me veprimtari përtej sferës kishtare. Në vjetët 1909-910 rroku penën dhe nisi të publikonte. Më 1911-n, botoi “Kangë popullore gegnisht”. Më pas, do të zhdërvjelltësonte shkrimtarinë e tij me dramat “E trathuemja”, “Prej robnie në liri”, si edhe me studimin “Nder lamije të demokracisë së vërtetë” (1922). Ndërsa, në vitin 1924, pasuroi krijmtarinë e tij me veprën poetike “Gjeth e Lule”.
Në sajë të zotërimit të disa gjuhëve të huaja, Imzot Prennushi do të merrej edhe me përkthimin e disa prej veprave më të lakuara të kohës, sikurse ishin: “Quo Vadis” e novelistit polak Henryk Sienkieëiz, “Burgjet e mia” e autorit italiani Silvio Pellico dhe poema “Dreizehnlinden” e gjermanit Friedrich Wilhelm Weber.
Në vitin 1947, në valën e përndjekjes së klerit, u arrestua në Tiranë e më pas u zhvendos drejt burgut të Durrësit. Qindra klerikë nga të gjitha besimet u ekzekutuan, dënuan dhe internuan, pas instalimit të regjimit komunist, i cili ndër të tjera synonte “të krijonte të ashtuquajturën parajsë tokësore në kundërshtim me besimet fetare”. / KultPlus.com
Bernardo Silva ka paralajmëruar një largim të mundshëm nga Manchester City.
Ai pranoi se do të ishte një “qëllim i karrierës dhe jetës” për t’u kthyer në Benfica në të ardhmen e afërt.
29-vjeçari portugez e sheh kontratën e tij në Mançester në vitin 2026, por kjo nuk i ka ndaluar zërat për një rikthim në klubin e tij të fëmijërisë që vazhdojnë të qarkullojnë – veçanërisht në vendin e tij.
I pyetur nga gazeta portugeze SIC (nëpërmjet SAPO Desporto) nëse një rikthim i Benfica-s ishte në plan, Silva refuzoi ta përjashtonte atë dhe madje bëri shaka se mund të ndodhë më shpejt nga sa mendojmë.
“Sa larg jam nga kthimi? Mendoj se njerëzit janë pak të lodhur nga kjo pyetje. Ka kaluar një kohë e gjatë. Unë jam i sigurt që do të kthehem, nuk e di kur, është e vështirë ta caktosh kohën dhe të them nëse do të ndodhë pas dy vjetësh, pas tre vjetësh, nëse do të jetë vitin e ardhshëm me [shefin aktual të Benficas] Roger Schmidt [qesh], por e kam thënë disa herë dhe mendoj se njerëzit lodhen duke e dëgjuar: pa dyshim është një qëllim karriere dhe jete të kthehesh në Benfica”, tha Silva.
Mesfushori i Cityt kështu u shpreh në përgjigje të një pyetjeje të bërë nga eksperti – dhe tifozi i njohur i Benfica-s – Ricardo Araujo Pereira, raporton Goal.com, transmeton Klankosova.tv.
Një person ka raportuar se nëna e tij ka dalur nga shtëpia dhe nuk dihet ende asgjë për vendndodhjen e saj.
Rasti mësohet të ketë ndodhur në fshatin Brodosavcë të Dragashit, gjatë ditës së djeshme rreth orës 02:05.
“Fsh.Brodosavcë, Dragash 18.03.2024-02:05. Me 19.03.2024 ankuesi mashkull kosovar ka raportuar se nëna e tij viktima femër kosovare ka dalë nga shtëpia dhe nuk dihet asgjë për vendndodhjen e saj”, thuhet në raport.
Ka vdekur dje, ish-gazetari dhe zyrtari i Ministrisë së Punëve të Jashtme, Arben Rugova.
Për vdekjen e tij ka njoftuar familjari Ragip Rugova. Ai do të varroset të enjten më Plavën e Malit të Zi.
“Me zemër të thyer njoftojmë se të hënën me datën 18 mars 2024 në moshën 52 vjeç ndrroi jetë i yni, Arben (Jakup) Rugova. Varrimin e kryejmë të enjtën me 21 mars në ora 15:00 në fshatin e vendlindjes Hakaj, komuna Plavë – Mali Zi. Ngushëllimet i pranojmë të premten, 22 mars në shtëpi të lindjes po në Hakaj, kurse në Prishtinë të dielen me datën 24 mars në Hotel Grand prej orës 9 deri në orën 17:00 Arbeni u trashëgua nga bashkëshortja Mina, djali Rioni dhe vajza Sena Të piklluarit: Babai Jakupi, bashkëshortja Mina, e bija Sena, i biri Rioni, motrat Selvija, Sofija dhe Arbnorja me familje, vëllai Agroni me familje si dhe familja dhe farefisi i gjërë”, thuhet në njoftim.
Së fundmi Rugova ka qenë zyrtarë përgjegjës për Qasje në Dokumente Publike në MPJ.
Rugova ka lindur në Plavë të Malit të Zi më 3 maj të vitit 1972.
Ka mbaruar Fakultetin e Gazetarisë në Universitetin e Tiranës.
Prej viti 2002 e këndej është i angazhuar në shtypin e përditshëm kosovar.
Ka punuar në sektorin e arsimit dhe të politikës në gazetën Koha Ditore ; portalin Telegrafi.com ; ka qenë bashkë-themelues i gazetës Express ; kryeredaktor i gazetës lajmi.net e të tjera. /Express/
KEDS ka bërë të ditur se sot do të kryhen punime të domosdoshme në sistem dhe për këtë arsye në disa vende do të ketë ndërprerje të rrymës.
Prizren – Punime të domosdoshme për siguri të sistemit
Nga NS 110/10kV Prizreni 3 do të ndërpritet:
Dalja 10kV Zhupa (kodi: 31000026) nga ora 10:00 deri në ora 15:00.
Vendet: Manastericë, Llokvicë, Neprogoshte, Reçan, Pllanjane Lubinjçë e Epërme, Lubinjçë e Ulët, Gornja Selle, Mushnikovë, Ts Prevalla, Hotel Sharri, Ts Sat Styro, Ts Shpia e Bardhë, Sredska, Stajkovc, Bogoshevc dhe Drajqiq.
Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.
Nga TS 110/35/10kV Prizreni 1 (H10) do të ndërprehet:
NS 35/10kV Pirana (H01) me kod: 300340 dhe pa tension mbesin të gjitha daljet 10kV prej orës 09:00 deri ne ora 11:00
Vendet: fshatrat: Bregu i Drinit, Dedaj, Kabash i Hasit, Krajk (një pjesë), Kushnin, Lubizhdë e Hasit, Lukinaj (një pjesë) dhe Romajë, Mamusha, Medevec, Sërbicë e Ulët, Sërbicë e Poshtme dhe Zojz, Piranë, Randobravë, Retijë dhe Reti e Poshtme, Krushë e Madhe, Krushë e Vogël dhe Randobravë (një pjesë), Biznese në Piranë dhe Krushë e Vogël dhe I.M.N”Tulltorja” në Landovicë.
Arsyeja: Ndërprerje emergjente, rregullimi i kokës kabllovike në kabllon 35 kV.
Ambasadori amerikan në Kosovë, Jeffrey Hovenieri, dje e ka vizituar qytetin e dytë më të madh në vend, Prizrenin.
“Vizitë shumë e mirë sot në Prizren. U takova me kryetarin [Shaqir] Totaj, bisedova me nxënësit në Këndin Amerikan në Prizren, bëra muzikë me muzikantët e ndryshëm të OneBeat Balkans, dhe shëtita Hangarin mbresëlënës të Autostradës Biennale”, ka shkruar Hovenieri në Twitter.
“I frymëzuar nga nismat kreative, inovative dhe bashkëpunuese që i bashkojnë të rinjtë, artistët dhe ndërmarrësit e ndryshëm”.
