Policia e Kosovës ka konfirmuar se mbrëmë rreth orës 19 e 10 minuta në autostradën Prizren-Vërmicë, ka ndodhur një aksident trafiku me fatalitet në mes të dy automjeteve.

Në raportin e Policisë thuhet se si pasojë lëndime vdekjeprurës ka pësuar një person i gjinisë mashkullore, ndërsa tre të tjerë kanë pësuar lëndime trupore, shkruan PrizrenPress.

“Trupi i pajetë i viktimës me vendim të prokurorit është dërguar në IML për obduksion”, thuhet në raportin 24 orësh të Policisë së Kosovës.

Sipas këtij raporti bëhet e ditur se i dyshuari është arrestuar dhe pas intervistimit është liruar në procedurë të rregullt. /PrizrenPress.com/

Një shtetas i Maqedonisë gjersa ishte duke drejtuar veturën, është vetëaksidentuar në rrugën Vërmicë-Gjurgjicë dhe si pasojë lëndime trupore kanë pësuar katër pasagjerë, shkruan PrizrenPress.

Policia njofton se të lënduarit janë dërguar për trajtim mjekësor në spitalin e Prizrenit.

Forcat e rendit janë duke hetuar rastin. /PrizrenPress.com/

Në Prizren, është arrestuar një mashkull i komunitetit egjiptian, pasi që i njëjti dyshohet se në rrjetin social Facebook ka publikuar fotografi intime të një femre të komunitetit ashkali.

Policia ka bërë me dije se me vendim të prokurorit, i dyshuari është dërguar në mbajtje, shkruan PrizrenPress.

Mbrëmë rreth orës 21:45 minuta në fshatin Sallagrazhdë të Suharekës gjatë një ahengu familjar në oborrin e shtëpisë, nga arma e zjarrit është plagosur një femër.

Sipas hetuesve që kanë dalë në vendin e ngjarjes dhe kanë kryer hetime thuhet se një i dyshuar kishte shtënë me pistoletë në ajër, mirëpo një plumb e gishte goditur ballkonin e shtëpisë dhe kishte ndërruar kahe me ç’ rast e ka plagosur një femër në këmbë, shkruan PrizrenPress.

Pas plagosjes, viktima fillimisht ka pranuar ndihmë mjekësore në një ordinancë private në Suharekë e më pas është udhëzuar për trajtim në Spitalin Rajonal në Prizren.

Në vendin e ngjarjes policia e ka sekuestruar një pistoletë e prodhimit kroat, modeli HS-9 e kalibrit 9×19 dhe katër gëzhoja.

Lidhur me rastin është njoftuar prokurori i shtetit, i cili ka urdhëruar që i dyshuari të ndalet nën masën e arrestit policor. /PrizrenPress.com/

Në Ratkoc të Rahovecit ka ndodhur një rrahje në mes dy personave pas një mosmarrëveshjeje, shkruan PrizrenPress.

Sipas Policisë, viktima është sulmuar fizikisht dhe ka marrë lëndime të lehta trupore. Ai është dërguar në spitalin e Gjakovës, ku po merr trajtimin e nevojshëm mjekësor.

Ndërsa i dyshuari gjendet në arrati./PrizrenPress.com/

Në Rahovec është arrestuar një person i gjinisë mashkullore, pasi që dyshohet se kishte sulmuar fizikisht bashkëshorten e tij, shkruan PrizrenPress.

Viktima ka pësuar lëndime trupore dhe i është ofruar trajtim mjekësor.

Policia ka bërë me dije se me vendim të prokurorit i dyshuari është dërguar në mbajtje. /PrizrenPress.com/

Një person ka humbur jetën nga një aksident trafiku që ka ndodhur në orët e mbrëmjes të së hënës në autostradën Prishtinë-Prizren.

Rastin e ka konfirmuar për Klan Kosova, Bajram Krasniqi nga policia e rajonit të Prishtinës, i cili tha se përplasja e veturave ka ndodhur saktësisht kilometrin e 47 të autostradës, në ardhje nga Prizreni.

Klan Kosova ka siguruar dhe fotografi të aksidentit, detaje të tjera pritet të publikohen së shpejti.