Ndër vite kemi parë shumë foto të Nora Istrefit. Foto ku ajo është dukur bukur, ka shkëlqyer, por edhe ku ka pasur ngecje, për çka është kritikuar, shkruan Kosovarja.
Epo, askush nuk është perfekt dhe askush nuk mund t’ia qëlloj gjithmonë. Ne, nuk po ndalemi tek ndonjë dështim i këngëtares, por tek një foto e saj më e hershme, ku ajo shihet tek e thith një cigare me shumë stil, shkruan Kosovarja.
Thuhet se Nora nuk e pi vërtet cigaren./Kosovarja/
“Është shumë e rëndësishme të gjendet një zgjidhje në ditët që vijnë, për krizën poltike, që Shqipëria të ecë në rrugën e stabilitetit” ka qënë ky mesazhi i kryetarit të Kuvendit Ilir Meta, nga Skrapari ku mori pjesë në projektin për rehabilitimin e rrjetit të ujësjellësit dhe kanalizimeve.
Kryetari i Kuvendit të Shqipërisë, Ilir Meta nga qyteti i Skraparit apeloi për dialog mes palëve politike që vendi sipas tij të ecë në rrugën e stabilitetit dhe të paqes sociale. Meta tha se është shumë e rëndësishme të gjendet një zgjidhje në ditët që vijnë, për t’i dhënë fund krizës poltike.
“Është shumë e rëndësishme të gjendet një zgjidhje në ditët që vijnë. Ne do të bëjmë çdo gjë që Shqipëria të ecë në rrugën e stabilitetit, të legjitimitetit të institucioneve dhe të paqes sociale. Të gjithë duam paqen sociale në familjen tonë, në vendin tonë, sepse pa këtë nuk ka as siguri, as arsimim më të mirë, as ekonomi më të mirë, as punë më të sigurta dhe padyshim nuk ka një perspektivë në këtë vend”, ka thënë Meta, shkruan Ora News.
Në Skrapar, ku u prezantua projekti për rehabilitimin e rrjetit të Ujësjellësit dhe Kanalizimeve, ishte dhe ministri i Transporteve Sokol Dervishaj, i cili pramtoi investime infrastrukturore për zonën.
Dervishaj tha se investimet filluan me ujësjellsin dhe shumë shpejt do të nisë ndërtimi i rrugës Përmet-Skrapar.
Ndonjëherë shpresojmë shumë, por duhet vetëdijësuar rëndësinë e dhënies.
Për këtë, dashuroni njerëzit që ndaj jush sillen me respekt.
Nëse ju ofrohet mundësi e dytë, kape me dy duar.
Nëse ndryshon jetën tënde, epo le të bëhet!
Askush nuk ka thënë se jeta është e lehtë, kanë thënë vetëm, se i a vlenë! – Harvey MacKay
Ka shumë fjalë, por porosia është e thjeshtë: jeto me mushkëri të plota.
Dashuria është e durueshme, dashuria kryen shërbim, ajo nuk xhelozon, ajo nuk bën asnjë të keqe, nuk kërkon përfitime, nuk zemërohet, ajo nuk i gëzohet padrejtësisë, por e gjenë gëzimin e saj në të vërtetën. Ajo falë gjithçka, beson gjithçka, ajo duron gjithçka.
Nëse nuk jeni i sinqertë me veten, mos përhapni gënjeshtra për të tjerët. Kjo është hipokrizi.
Niveli emocional i lidhjes me njerëzit është më me rëndësi. Vetëm një buzëqeshje ndaj dikujt, për atë person mund të vlejë gjithçka dhe t’i ndryshojë rrjedhën e ditës.
Nganjëherë duam aq shumë t’i kënaqim të tjerët sa që e humbim identitetin personal. Nëse nuk i pëlqen njerëzve ashtu siç je, s’ka gjë.
Duhet ta duam çdo pjesë tonën.
Hapi i parë është që ti të ndërmarrësh diçka për të ndryshuar diçka.
Duam të mendojmë më të mirën për njerëzit e afërm, por do të na zhgënjejnë në këtë apo atë mënyrë sepse janë njerëz. Duhet dalluar ata për të cilët vlenë të mundoheni dhe ata për të cilët nuk vlenë.
Çdo gjë e keqe që ndodhë sigurisht sjell diçka të mirë nëse e përzgjedh ta shohësh kështu. Lumturia është përzgjedhje, kurse pozitiviteti virtyt./femra.net/
Bashkimi ka arritur të shënojë fitore në kuadër të xhiros XXV të Superligës, duke e mposhtur Yllin në një ndeshje tejet interesante dhe thuajse të baraspeshuar, 98-91. Bashkimi 10 minutëshin e parë e nisi më mirë, duke e përfundar atë 28-22. Më pas, Ylli morri iniciativën dhe mbylli çerekun e dytë 24-27. Ndërsa në fund të çerekut të tretë, Ylli uli në minimum epërsinë e Bashkimit, duke i mposhtur me 19-21, në total, 71-70.
Dhjetëminutëshi i fundit shkoi në luftë të madhe, por pa ndonjë mbrojtje të theksuar, ku skuadrat shënonin vazhdimisht, derisa në fund më i saktë doli Bashkimi, për të përfundar ndeshjen 98-91, (27-21 Ç4).
PERFORMANCAT
Marko Popovic me 21, Justin Black me 20 dhe Gazmend Sinani me 16 pikë kanë qenë basketbollistët më efikas të Bashkimit sonte. Ata kanë qenë edhe lojtarët e vetëm që kanë shënuar pikë dyshifrore në ndeshjen ku trajneri i portokallezinjëve, Dragan Radovic, i ka dhënë mundësi të gjithë basketbollistëve në dispozicion. Në anën tjetër, te Ylli, njeriu kosh ka qenë Kevin Brown që shënoi 41 pikë, derisa ka shënuar 7 prej 16 tentimeve për tre pikë, në ndeshjen që nuk pushoi fare. 25 pikë shënoi Trae Anderson, duke dhuruar edhe 10 asistime për shokët e skuadrës, ndërsa Ergin Grosha shënoi 17 pikë të tjera.
BILANCI
Me këtë fitore, Bashkimi ka kërcyer në vend të dytë të klasifikimit duke shënuar fitoren e 19 të stinorit, krahas 4 humbjeve që i ka. Ylli, me këtë humbje ka humbur të gjitha gjasat për PlayOff, ndërsa i mbetet të luftojë për pozitën e pestë përfundimtare në klasifikim, ndërsa tash ka bilanc 10- 15.
Liria pret Drenicën në xhiron e XXV të Superligës në “Përparim Thaçi” të Prizrenit, ndërsa për vendasit kjo ndeshje është shumë e rëndësishme, pasi që bardhezinjtë nuk kanë ×tuar ndeshje që prej nisjes së stinorit pranveror kur ×tuan ndaj Hajvalisë.
Trajneri Agron Beseni duhet të motivojë ekipin që nuk ka kaluar një seri të mirë të ndeshjeve gjatë muajit mars, ndërsa në anën tjetër Drenica e relaksuar me pikët e ×tuara së fundi, ka paralajmëruar se ka siguruar edhe një autobus për tifozët e saj në rrugëtim drejt Prizrenit./borozani/
Kryetari i “Nismës”,Fatmir Limaj, është i bindur se kryetari i ardhshëm i Prizrenit, do të jetë Zafir Berisha.
Ai tha se ky qytet , ka nevojë të çlirohet nga bandat, që janë aktualisht në pushtet.
“Vetëm Zafa mundet me çlirua këtë qytet nga këto banda”, tha Limaj, në përvjetorin e 3-të në “Nismës” në Prizren, shkruan PrizrenPress.
“S’ka asnjë dilemë që Zafir Berisha, do të jetë kryetar i Prizrenit”.
Limaj ka ftuar të gjithë qytetarët, që të rreshtohen në ekipin e fitores.
“Boll ju kanë mashtrua”, tha ai.
Edhe kryetari i Këshillit Kombëtar, Jakup Krasniqi, ka ftuar të gjithë qytetarët e Prizrenit, që të mobilizohen për të sjellë ndryshimin në vend.
“Qytetarët duhet t’i thonë jo mashtrimit”, tha Krasniqi./PrizrenPress.com/
Agim Muhaxheri
Kundër yllit të filmit, Bekim Fehmiut janë enversitët, ata që e kapën historinë dhe shtetin. Asnjë tempull i kulturës, institucion, shesh… nuk mban emrin e tij ! Turpin s’e lanë as deti ! Filmi i tij “Skuplja?i perja” (Mbledhësit e puplave) Beogradi e shpalli më të mirin në të gjitha kohërat. Serbët e çmojnë artistin tonë. Njëri nga personalitetet e letërsisë angleze, Samuel Johnso la thënien perlë:
Nacionalizmi është streha e fundit e horrave.
—————————
Një popull që s’i nderon artistët e vet nuk ka ardhëmri të ndritshme.
I madhi Bekim Fehmiu shndërriti. Filmi i tij “Skuplja?i perja” (Mbledhësit e puplave) Beogradi e shpalli më të mirin në të gjitha kohërat. Serbët e çmojnë artistin tonë, ne e përbuzim !
Kasta jonë politike nuk i bëri nderim as atëherë kur u shua ky yll i filmit, më 15 qershor 2010, as sot.
Asnjë tempull i kulturës, institucion, shesh… nuk mban emrin e tij.
Turpin s’e lanë as deti !
“Derisa Qeveria dhe Kuvendi i Shqipërisë seancat e tyre të 16 e 17 Qershorit i nisën me një minutë në nderim të figurës së Bekim Fehmiut, këtë nuk e bën institucionet e Kosovës…”, shkruan në librin e tij Fahri Musliu.
Kundër tij janë ata që e kanë kapur historinë dhe shtetin. Janë marksistët – leninistët, enveristët.
Pikërisht enveristët, në Kuvend, më 17 qershor 2010, nuk lejuan që Bekimi të nderohet me një minutë heshtje. Nuk lejoi kryetari i atëhershëm i Kuvendit, Jakup Krasniqi.
Kuvendarët dhe qeveritarët nuk e luajtën b…, së paku një minutë të rrinë gatitu për Bekimin.
Nuk lejoi të shpallet ditë zie as presidenti i atëhershëm Fatmir Sejdiu.
Atëbotë Jakupi qe shprehur me nervozizëm: “… sa njerëzit vdesin nuk mund të jap nga një minutë heshtje për ta”.
Ngjau që ky spiker i Kuvendit të vendos krye në vete. Nuk është çudi. Ai filmit i thotë “filëm” !
Marksistët – leninistët, enversitët i ke në pushtet. Këta kolliten, japin ‘certifikata’, kush është burrë i mirë e kush i keq.
I kanë heronjtë e tyre, palla s’u ha kush është Bekim Fehmiu.
Të gjorët e vrasin për së vdekuri !
Yllin e filmit Bekim Fehmiun nuk e duan injorantët.
Nuk e duan antikomunistët komunistë, marksistët – leninistët, enveristët…
Nuk e nderojnë as sot.
Kasta politike qëllimisht e lë në harresë.
Medet për Kosovën kush po e udhëheq.
Janë katër arsyet përse Bekimi nuk xhiroi filma në Kosovë.
Ato janë:
Injoranca, mungesa e profesionalizmit, improvizimi dhe mungesa e përgjegjësisë, më tha Fahri Musliu, autori i librit “Bekim Fehmiu – Odiseu i Kosovës”, botuar në Prizren, më 2015.
Kush ishte Bekim Fehmiu (1936 – 2010) ? Ai lindi rastësisht në Sarajevë. Rrjedh nga një famiklje e njohur gjakovare. Babai i tij, Ibrahim Fehmiu, ishte patriot i shquar, njëri ndër mësuesit e gjeneratës së parë në Kosovë.
Bekimi u bë i famshëm me filmin “Mbledhësit e puplave”, në vitin 1966.
Xhiroi në më tepër se 40 filma, duke luajtur me artsitë me famë botërore.
Nuk pranoi ta ndërroi emrin, identitetin kombëtar. “Emri im është trashëgimi dhe detyrim. Nuk dua ta ndërroj. A do të duhej ndoshta të thirrem Miki Maus vetëm për shkak që këtë njerëzit ta flasin më lehtë ?”, thoshte Bekimi, shkruan në librin e tij Fahri Musliu.
Në librin e Fahri Musliut është edhe intervista e gjatë me Bekimin nga dy autorët Tahir Desku e Selajdin Xhezairi e titulluar: U tregova të gjithëve se “njerëz me bishtë” nuk jemi. Kësisoj ishte shprehur Bekimi në intervistën për “Botën e re”, më 1 maj 1983.
Maestro i gazetarisë, Fahri Musliu librin e tij e nis me lajmin, tragjedinë që i ndodhi Bekimit në banesën e tij në Beogard, ku i dha fund jetës më një shkrepje të plumbit….
Fahriut nuk i shpëtoi as fakti për injorimin që pushtetarët i bën Bekimit. Në faqen 21 të librit e ka mestitullin: Sjellje injorante e pushtetarëve të Kosovës.
Bekimi la gruan e tij, artisten Branka Petriq dhe dy fëmijët Uliksin dhe Hedonin.
Këta baloshat tanë nuk e nderuan për shkak se ai rrojti në Beograd. E kishte gruan “shkinë” ! Shprehën racizmin e tyre.
Aktori tjetër me nam, ylli i teatrit Aleksandër Moisiu (1879 – 1935), në moshën 19 vjeçare shkon në Vjenë. Ai aktroi në Vjenë, Pragë, Berlin.. vende të ndryshme të Europës dhe të Amerikës Veriore. Ai s’e kishte gruan shqiptare, por vjeneze. Moisiun e nderon Shqipëria. Emrin e tij sot e mban Teatri i Durrësit….
Një popull që s’i bën nder artistit botëror, siç ishte Bekim Fehmiu, nuk ka të ardhme të ndritshme.
Njëri nga personalitetet e letërsisë angleze, Samuel Johnson (1709 – 1784) la thënien perlë:
Nacionalizmi është streha e fundit e horrave.
Thënien e tij e citojnë shkrimtarët, publicistët, diplomatët…
Me këtë kartë lozin sot marksistët – leninistët, enveristët.
Nuk shkon gjithmonë kungulli mbi ujë !
Derisa t’i kemi në pushtet enversitët, kjo Kosovë s’do të bëj lum !
Një shtatore 3 metra i lartë, i është dedikuar figurës së Fan Stilian Nolit. Të shumta janë shtatoret e punuara nga duart e skulptorit Agim Rada, por një bust të tillë për këtë figurë do të duhej kohë e gjatë për ta sjellë, netë pa gjumë, siç thotë ai, pasi duhej gjetur mënyra e duhur.
Figurën shumëdimensionale të Nolit, Rada e sjell me petkun e klerikut, porse në duar ai nuk mban biblën. Duart e tij shtrëngojnë ndoshta veprën e Shekspirit, Servantesit, apo ndoshta atë të Omar Khajam, përkthyer në shqip prej tij. Kjo është “bibla e kulturës” që Noli u la shqiptarëve.
“Ky është një obligim i kahershëm i imi. Noli është një figurë, për mendimin tim, jo nga më të ndriturat, por më e ndritura e kulturës shqiptare. Jo rastësisht është edhe klerik këtu, sepse deri në fund të jetës ai mbeti një klerik patriot shumë i madh. Figura e vërtete është statike, por lehtë duket sikur ai ecën, sikur njërën këmbë e ka më përpara dhe kokën ulur, siç janë burrat e mençur. Është shumë i matur tek hapi që hedh, tek mendimi që thotë dhe e ka pushtuar fort atë vepër të cilës ia kushtoi vendit të vet dhe kulturës shqiptare”, thotë Rada, drejtor i Qendrës së Restaurimeve.
Për të mbërritur në variantin final, Agim Rada ka bërë një koncentrat të fotove të Nolit.
“Po të shohësh fotot ndodh një fenomen: asnjë foto nuk ngjan me tjetrën. Duket sikur janë persona të ndryshëm. Ishte e vështirë të bëja sintezën e të gjitha fotove e të krijoja një karakter të Nolit, që përveçse t’i ngjajë duhet të ketë edhe botën e brendshme, duhet të jetë edhe mendimtar. Besoj që këtë e arrita. Nuk ka njeri që nuk thotë se ky është Noli”, rrëfen ai.
Shtatorja, tashmë i përfunduar në përmasa, pasi të derdhet në bronx, do të vendoset në kishën e “Shen Gjergjit” në Boston, aty ku edhe Fan Noli shërbeu për një kohë të gjatë, si një kujtim i përhershëm për shqiptarët e Amerikës. /KultPlus.com
Policia e Stacionit Policor “Veriu” në Prizren ka pranuar një informatë e cila bënte me dije se dy të dyshuar e kishin kanosur me armë zjarri një femër nga Lubizhda në oborrin e saj.
”Pas pranimit të informatës policia ka dalë në vendin e ngjarjes dhe ka kryer bastisje në shtëpinë e personave të dyshuar me ç ‘rast ka gjetur dhe sekuestruar një pushkë automatike AK-47 me 206 fishekë, tetë karikatorë dy çanta për mbajtjen e karikatorëve, pjesë shtesë të armës dhe pajisje për pastrimin e armës”
” Më pas dy të dyshuarit janë sjellë në stacion dhe në prani të avokatëve mbrojtës janë intervistuar e më pas me urdhër të prokurorit të njëjtit ndalën nën masën e arrestit policor”
Sipas policës një i dyshuar tjetër nga familja e kanosur, në shenjë hakmarrje ndaj kanosësve dyshohet të ketë shkuar dhe t’ia ketë dhënë flakën një shtëpie banimi, pronë e të dyshuarve në të cilën janë shkaktuar dëme të konsiderueshme materiale.
Edhe në këtë rast një i dyshuar është arrestuar për zjarrvënie.
Shkas për të gjitha këto probleme thuhet të jetë një kontest pronësor.
Xhudistja kosovare, Distria Krasniqi ka arritur të fitojë medaljen e artë në Antalya Grand Prix, transmeton Koha.net.
Ajo në finale e mposhti izraeliten, Gili Cohen, në kategorinë deri në 52 kilogramë.
Distria Krasniqi shënoi fitore me dy waza-ari.
Për të artën në këtë garë po konkurron sot edhe Nora Gjakova, e cila në finale po ashtu do të përballet me një izraelite, Timna Nelson Levyn, në kategorinë deri 57 kilogramë.