30.4 C
Prizren
E shtunë, 19 Korrik, 2025
type here...
Home Blog Page 7773

Babai sulmon djalin në Rahovec, djali nënën në Dragash

admin
-
0

perdhunim_1Dy raste të dhunës familjare janë shënuar në rajonin e Prizrenit. Rasti i parë ka ndodhur në Rahovec, ndërsa i dyti në Dragash.

Policia njofton se në Rahovec një person është sulmuar fizikisht nga babi i tij.

“Viktima ka raportuar në polici se është kanosur dhe sulmuar fizikisht nga babai i tij”.

“Në konsultim me Prokurorinë është kontrolluar shtëpia e të dyshuarit ku gjatë kontrollit i është gjetur një AK-47 me një karikatorë dhe 12 fishekë të cal. 7.62mm”.

I dyshuari dhe viktima janë intervistuar dhe në konsultim me prokurorin janë liruar në procedurë të rregullt.

Ndërkaq, rasti i dytë ka ndodhur në Dragash. Policia është njoftuar për kanosjen me armë zjarri.

“Një person ka raportuar se nipi i tij ka kanosur me armë zjarri dhe ka keqtrajtuar nënën dhe familjen e tij”.

“Nga viktima femër tani si e dyshuar policia ka gjetur dhe konfiskuar armën ‘ZASTAVA’ -70 Cole, ndërsa i dyshuari është intervistuar dhe në konsultim me prokurorin është liruar në procedurë të rregullt”. /PrizrenPress.com/

Koalicioni PDK-VV i (pa)mundur!

admin
-
0

Thaci kurtiPDK-ja ka kohë që i ka bërë ofertë joformale Vetëvendosjes për bashkëqeverisje. Këtë e kanë pohuar zyrtarët e Vetëvendosjes, të cilat aktualisht e përjashtojnë një mundësi të tillë.

Në PDK nuk flasin për këtë çështje, por thonë se po punojnë për formimin e qeverisë së re. Analistët politikë e shohin të pamundshëm koalicionin PDK-Vetëvendosje, ndërsa theksojnë se vendi ka nevojë për një qeverisje që është stabile për sa u përket numrave në Kuvendin e Kosovës

Një koalicion PDK-Vetëvendosje për formimin e Qeverisë nga analistët shihet si diçka e mundshme teknikisht, sa i përket numrave, por jo edhe politikisht. Analisti Armend Muja thotë se një koalicion të tillë nuk e sheh të realizueshëm, ndonëse thekson se ai koalicion do të mund të shërbente si kundërpeshë potenciale.

“Teknikisht nëse shihet në bazë të numrave, mund të formohet, por sesa është reale, unë nuk besoj, për arsye se Vetëvendosje si lëvizje është formuar mbi dy premise e para ka qenë kundërshtimi i mënyrës se si ëshët bërë shtetformimi i Kosovës, dhe e dyta është establishmenti. Establishmenti ata e shohin pikërisht PDK-në që ka qenë si udhëheqëse e shtetformimit në Kosovë”, tha Muja për Radio Kosovën.

Ndonëse kanë pasur në vazhdimësi qëndrime politike diametralisht të kundërta, PDK-ja i ka bërë ofertë joformale Vetëvendosjes për bashkëqeverisje. Këtë e kanë konfirmuar edhe zyrtarët e Vetëvendosjes, por që kanë thënë se PDK-ja aktualisht mbetet parti e papranueshme.

Ndërkohë, Radio Kosova ka provuar të kontaktojë edhe me zyrtarët e PDK-së lidhur me këtë çështje, por asnjë prej zyrtarëve nuk ka dashur të flas. Sekretari i përgjithshëm i kësaj partie, Basri Musmurati, duke mos dashur të komentojë tha shkurtimisht se PDK-ja është duke e pritur vendimin e Gjykatës Kushtetuese, ndërsa theksoi se PDK-ja po punon, e siç u shpreh ai, ata që i kanë punët mirë, nuk kanë çka të flasin.

Sidoqoftë, punët mirë, sipas analistëve, nuk i ka as PDK-ja si fituese e zgjedhjeve, që nuk po mund të gjejë partner qeverisës, e as blloku LDK-AAK-Nisma që po përballet me kushte si nga Vetëvendosje ashtu edhe nga Lista Serbe. Analisti Armend Muja thotë se vendit i duhet një qeverisje stabile për nga numrat, që të ballafaqohet me sfidat e qeverisjes, siç janë zhvillimi ekonomik, dialogu me Serbinë, integrimi në BE dhe lufta kundër korrupsionit.

“Këto janë katër sfida të cilat unë nuk besoj se mund të trajtohen pa një qeverisje të gjerë, e cila ka mandate të qartë për t’i adresuar këto”, tha Muja.

Një qeverisje e qëndrueshme, Muja thotë se do të mund të formohej nga një koalicion ndërmjet PDK-së dhe LDK-së, ose nga futja e Vetëvendosjes në koalicion me bllokun LDK-AAK-Nisma.

Ministrja tregon shtatzaninë e saj në plazh (Foto)

admin
-
0

Klajda Gjosha-plazhi2Ministrja e Integrimit Klajda Gjosha, në muajin e shtatë të shtatzanisë na shfaqet shumë në formë dhe aktive. Në fotot që publikon gazeta Panorama, Gjosha ndodhet me pushime në plazhin e Dhërmiut, ku ka treguar edhe shtatzaninë e saj me barkun e fryrë.

Edhe pse për pak ajo kohë ajo do sjellë në jetë fëmijën e saj të parë, ministrja nuk ka humbur format e saj trupore duke u shfaqur mjaft mirë në një trup të rregullt.

Klajda Gjosha është e martuar me bashkëshortin e saj Adrian me profesion ekonomist me të cilin ka 16 njohje dhe një vit martesë.

Klajda Gjosha-plazh Klajda Gjosha-plazh1

Rrahen gjashtë persona në Mamushë

admin
-
0

Rrahje ne grupJanë rrahur gjashtë persona meshkuj turk në Mamushë, ku si pasojë e rrahjes tre prej tyre kanë marrë lëndime trupore.

Sipas, raportit të policisë tre personave të lënduar iu është ofruar ndihma mjekësore, ndërsa nga njëri prej të dyshuarve policia ka gjetur dhe konfiskuar një armë gjysmë automatike me të cilën dyshohet se ka shtënë në ajër.

Ndryshe, në konsultim me prokurorin rasti ka kaluar në procedurë të rregullt. /PrizrenPress.com/

Kosova nis muajin e tretë pas zgjedhjeve, pa qeveri të re

admin
-
0

Kosove-Qeveria-KuvendiKosova ka nisur sot muajin e tretë pas zgjedhjeve parlamentare të parakohshme të 8 qershorit, por ende nuk ka qeverinë e re, as nuk dihet kur do ta ketë as kush do ta formojë, koalicioni parazgjedhor i PDK-së apo koalicioni paszgjedhor LDK-AAK-Nisma, me mandatarët e tyre të nominuar.

Pritet edhe vendimi i Gjykatës Kushtetuese, të cilës pas zhvillimeve në mbledhjen konstituive të 17 korrikut të Kuvendit të Kosovës i janë drejtuar deputetëve nga koalicioni parazgjedhor e më pastaj si kundërpërgjigje deputetëve të koalicionit paszgjedhor. Gjykata Kushtetuese e Kosovës, e cila në 23 korrik pezulloi vendimin e Kuvendit për zgjedhjen e kryeparlamentarit deri në vendimin e këtij institucioni për kërkesën e deputetëve të PDK-së, në 21 gusht do të mbajë seancën dëgjimore lidhur me vlerësimin e kushtetutshmërisë së zgjedhjes e më pas do ta marrë vendimin, i cili pritet para shtatorit.

Sipas deklaratave nga deputetë të PDK-së – koalicionit parazgjedhor, pritjet janë që vendimi i Gjykatës Kushtetuese do të jetë në favor të tyre dhe në zhvillimet e mëtejshme mund të ketë edhe qeveri të spektrit të gjerë politik apo edhe mund të shkohet në zgjedhje të reja të jashtëzakonshme.

Ndërsa, nëse Kushtetuesja legjitimitimon zgjedhjen e kryetarit të Kuvendit, deklaratat nga koalicioni paszgjedhor LDK-AAK-Nisma paralajmërojnë takime të tjera me Lëvizjen Vetëvendosje për marrëveshje të mundshme për të qenë pjesë e qeverisë së re e për të arritur 83 vota bashkë me deputetët e komuniteteve pakicë.

Kuvendi i Kosovës ka 120 deputetë dhe për zgjedhjen e qeverisë duhen së paku 61 vota. Koalicioni paszgjedhor, i deklaruar edhe si grup i përbashkët parlametar, ka 47 deputetë: LDK 30, AAK 11 e Nisma 6. Koalicioni parazgjedhor i PDK-së me katër parti të vogla ka 37 deputetë. Lëvizja Vetëvendosje ka 16 deputetë. Komuniteti serb ka 10 deputetë, e 10 të tjerë komunitetet tjera pakicë. /atsh/

Kush bën ligjin në një shoqëri demokratike

admin
-
0

Ali Hertica 6Shkruan: Mr. Ali Hertica

Ligjet janë rregullat formale që shoqëria i bën për vete. Ata janë bërë për arsye të ndryshme, për të zgjidhur argumentet, për të mbajtur një rend shoqëror paqësor, dhe për të promovuar drejtësinë (drejtësi) për çdo qytetar. Disa ligje janë bërë nga qeveritë. Të tjerët janë të vendosur poshtë nga zakoni apo feja. Në një demokraci, fuqia për të bërë ligje mbahet nga një degë e qeverisë e quajtur legjislativi. Në dhomë legjislative, politikanët (e zgjedhur zakonisht për të përfaqësuar pikëpamjet e votuesve) të prezantuar ligje të reja dhe të debatojnë mbi të. Në përmjet e diskutimeve dhe kompromisit, ata përpiqen për të fituar mbështetje për një ligj dhe të organizojë një votim në të. Shumica e anëtarëve duhet të miratojë një ligj para se të mund të vihet në fuqi. Politikanët në vende të ndryshme kanë kompetenca të ndryshme ligjvënëse. Në disa raste, kreu i shtetit mund të refuzojnë dhe të pranojnë një ligj nëdersa në Kosovë këtë të drejt e ka vëtëm parlamenti . Ndonjëherë, liderët, politik mund të vënë përpara një ligj që do të dobësojë të drejtat ose liritë që janë premtuar për të gjithë qytetarët. Ligje të tilla mund të kundërshtohen nga qytetarët në gjykatë. Ligji penal përcakton përgjegjësinë e një personi ndaj shoqërisë në tërësi. Thyerja e një ligji penal është vepër penale kundër të mirës publike, kështu që shteti ndjek kriminelët në emër të publikut. E Drejta Civile merret me përgjegjësinë e një personi ndaj një personi tjetër. Ligjet civile mbulojnë marrëveshjet midis njerëzve, të tilla si pronësia e pronës, kontratat, apo martesë. Shumica e njerëzve i binden ligjit, sepse ata besojnë se kjo rezulton në një shoqëri paqësore. Ligji zbatohet nga policia. Rreziku për t’u kapur nga policia dhe ndëshkohet i kujton shumë njerëz të binden ligjit,E në Kosovë a u binden ligjeve. Por disa aktivistë politik me qëllim të thyejnë ligjet ata nuk pajtohen me-një akt të quajtur “mosbindje civile.” Sepse ligji, duke e bërë është pjesë e politikës kombëtare, shumica e vendeve kanë ligje shumë të ndryshme. Por ka edhe shumë ngjashmëri. Vendet anglisht-folëse rreth ideve të aksioneve botërore të përcaktuara në ligjin e përbashkët të Britanisë. Vendet-folëse franceze ndajnë pjesët e kodeve ligjore të përcaktuara poshtë në Francë nga Napoleoni. Ka edhe marrëveshjet ndërkombëtare që shumë vende të trajtojnë si ligje, siç janë ato që kanë të bëjnë me të drejtat e njeriut. Është e zakonshme për të parë “tregun e lirë” dhe “rregullimin e qeverisë” si të kundërtave. Kjo mënyrë e inkuadrimit, politikën dhe çështjet ligjore u sugjeron se rregullimi në mënyrë të pashmangshme na privon nga liria. Por një tjetër fjalë për “rregullimin” është “shteti i së drejtës.” Opozita e tregjeve dhe rregullimin e bën të lehtë të harrojmë se tregjet janë të përcaktuara nga një kuadër ligjor që përcakton standardet minimale për marrëdhëniet shoqërore dhe ekonomike. Ne mund të vlerësojmë më mirë kuadrin ligjor të tregjeve duke kujtuar se rregullorja ishte e nevojshme për heqjen e marrëdhënieve feudale, që të ndalojnë marrëdhëniet që sjellin robëri, skllavëri, dhe pabarazisë racore, dhe për të përhapur qasje në pronë nga rishpërndarja e të drejtave pronësore nga zotërve të qiramarrësit dhe mbajtësit rob të skllevër. Thirrjet Libertarian për gullimin dështojnë të njohin shkallën në të cilën rregullore ku është e nevojshme historikisht për të krijuar një shoqëri të personave të lira dhe të barabarta me pronësinë e pronës të shpërndarë gjerësisht. Rregullorët janë të nevojshme për të përcaktuar të drejtat pronësore dhe për të mbrojtur individët nga mashtrimi dhe praktikat të padrejta ose mashtruese në transaksionet e tregut. Idealet liberale në të vërtetë mbështesin një marrëveshje e madhe e legjislacionit gjoja liberale. Më tej, amerikanët kërkojnë rregulla që shkojnë përtej atyre të përkrahur prej liberalëve, siç dëshmohet nga ligjet për mbrojtjen e konsumatorëve dhe statutet e panumërta, rregullatoreve në fuqi në secilin shtet, si dhe në ligjin federal. Edhe pse amerikanët kanë tendencë për të folur si “i vogël-qeveritare” liberalëve, ne ligje si liberalët. Rregulloret standardet minimale nuk na privojnë nga liria; më tepër, ligji promovon edhe lirinë dhe demokracinë nga nxjerrja jashtë ligjit të marrëdhënieve sociale dhe ekonomike të cilat janë “subprime”, sepse ata bien nën standardet minimale të pranueshme për marrëdhënie të njeriut në një shoqëri të lirë dhe demokratike. Është koha që ne për të njohur rregullat më shumë duhet të dhën se sa për të marrë. Nëse e bëjmë këtë, ne mund të debatojnë se çfarë duhet të jenë ato ligje, në vend se duke u fokusuar në një debat të rreme në lidhje nëse ata duhet të ekzistojnë të gjitha.

Në Itali ekzekutohet “Rrugëtimi” i Florent Shasivarit

admin
-
0

Faboi Menchetti-rrugetimiNë një koncert, i cili në mbrëmjen e së premtes u mbajt në studion muzikore “Daniele Adabo” në qytetin Luca të Italisë, në mes tjerash, u përzgjodh edhe vepra për piano “Rrrugëtimi”, që për autor e ka kompozitorin e ri nga Kosova Florent Shasivari.

Me këtë rast, do theksuar të dhënën se kompozimi në fjalë, u ekzekutua nga pianisti i njohur italian Faboi Menchetti, i cili la mbresa të mira te publiku.

Poashtu do potencuar edhe faktin se vepra për piano “Rrugëtimi” është krijimi i tretë i suksesshëm i kompozitorit prizrenas Florent Shasivari, pas kompozicioneve për piano “Toccata” dhe “Nëna”. /PrizrenPress.com/

Çun Lajçi: Qenka e shkretë Medvegja dhe e humbur shqiptaria

admin
-
0

Çun Lajçi-MedvegjaNë Banjën e Siarinës, tek vendi i quajtur “Gejzeri” do mbahet takimi i shqiptarëve të kësaj ane, që synon t’i mbledhë medvegjasit nga të gjitha anët. Në këtë takim po merr pjesë edhe artisti i njohur Çun Lajçi, aktori që i thërret tokës e vendit. Aktori Lajçi para medvegjasve do të recitojë Ali Pashën e Gucisë nga Fishta si dhe poemën e tij “Kokën lartë shqiptari im”.

Në një prononcim për portalin “RugovapPress”, Lajçi vajton vendin që ka mbetur pa shqiptarë.

“Qenka e shkretë Medvegja dhe e humbur shqiptaria. Mall paske t’i takosh.

E lanun shkret nga pushteti e zoti. Kurse ata pak (500) veta që paskan mbetur mundohen që sot në orën 19 në qendrën turistike Gejzeri te Banja e Siarinës ta ngjallin shpirtin e shqiptarizmës me ata pak mergimtarë që kalojnë pushimet në trojet e tyre të lindjes.

Unë kam mall e nostalgji njëkohësisht,për pjesëmarrjen time në takimin e Diasporës, sepse kur isha me 1970 me shfaqjen “Halili e Hajria” kishte plot e përplot shqiptarë si në Medvegjë si në fshatrat shqiptare përreth dhe e kishe përshtypjen se je në Podujevë.

Sot qenka për t’u vajtu shqiptari im këtu. I harruar nga Republika e Kosovës dhe nga Republika e Serbisë. Mjerë ne sa shpejt harrojmë!”, ka thënë Lajçi.

Rrustemi: PDK është e para, por fitues janë LDK-AAK-NISMA

admin
-
0

Naim RrustemiIsh-deputeti Naim Rrustemi konsideron se ka dallim të madh mes atij që ka dalë i pari dhe fituesit të zgjedhjeve nacionale. Sipas tij, PDK është e para por fituesit jankoalicioni LDK-AAK-NISMA pasi kanë shumicën demokratike në Kuvend. Në një intervistë për Express, Rrustemi, i cili me lëndën e tij pati dërguar Fatmir Sejdiun në shtëpi, thotë se Gjykata Kushtetuese nuk do t’i kënaq të gjitha palët. Pas kësaj situate, ai parashikon reformim të PDK’së në opozitë.

Express: Në zgjedhjet e fundit s’keni marrë pjesë pasi në zgjedhjet e vitit 2010 nuk arritët të bëheni deputet. Si e vlerësoni procesin e këtyre zgjedhjeve kur dihet se s’ka pasur akuza për vjedhje votash sikur në kohën kur ju keni qenë kandidat?

N. Rrustemi: Konsideroj se procesi zgjedhor ka shkuar brenda standardeve ballkanike. Me fjalë të tjera, nuk mund të presim që përnjëherë të ndryshojnë të gjitha proceset, dhe që vota e qytetarëve të shkojë aty ku duhet. Megjithatë, mbetet ende hapësirë për përmirësimin e procesit zgjedhor. Kam marrë pjesë në zgjedhjet e vitit 2010. Nuk kam arritur të bëhem deputet. Përpjekjet e mia janë ende që të jem aktivisht në politikë, por, nuk kam arritur të bëhem deputet dhe nuk është fundi i botës. E, keqja e madhe në Kosovës njerëzve që merren aktivisht me politikë është se shumë shpejt po shkëputen prej zanateve dhe prej punës dhe po shihet pastaj se gara për deputet nuk po e ka natyrën për të ndërtuar politika publike, por më shumë njerëzit po e shohin politikën si vend pune, si vend garancioni për veti. Por, kjo asgjë nuk e zbehë procesin zgjedhor.

Express: Situata politike është komplikuar pas bashkimit të tri partive politike në një bllok të përbashkët. E në anën tjetër e kemi PDK’në e vetmuar. Është mbajtur edhe një seancë e kontestuar konstituive e Kuvendit. Si e shihi zgjidhjen e kësaj bllokade politike?

N. Rrustemi: Nuk po shoh asnjë komplikim të situatës. Besoj se është e shëndetshme për PDK’në që të ndalet dhe të mendojë se pse të gjitha janë kundër saj.

Express: Cila është analiza juaj, pse janë të gjithë kundër PDK’së?

N. Rrustemi: Më mirë se PDK s’e di askush. Besoj se janë lodhur dhe rraskapitur dhe nuk po i konsideron askush si partnerë serioz afatgjatë. Pyetja më esenciale do të ishte se pse të gjithë kundër teje? A kanë të gjithë faj apo faj ke ti? Nuk e mendoj se grupimi në një anë e bën anën tjetër më të keqe apo më të mirë. Pyetja esenciale duhet të jetë se pse të gjithë kundër teje? Liderët e PDK’së duhet ta pyesin vetën se pse të gjithë kanë dalë kundër PDK’së? Ata duhet të pyesin se a kanë qenë vazhdimisht konsisent? Mirëpo, kjo situatë është e shëndetshme për reformimin e PDK’së dhe ata tash kanë mundësi të mendojnë se pse të gjithë kanë dalë kundër tyre.

Express: Meqë keni pasur përvojë me Gjykatën Kushtetuese, sa janë gjasat që Enver Hasani të merr një vendim meritor lidhur me seancën konstituive?
N. Rrustemi: Gjithmonë do të ketë palë të pakënaqura. Çfarëdo vendimi që do të merret do të ketë palë të pakënaqura. Besoj se trupi gjykues i Gjykatës Kushtetuese do të jetë rigoroz në vendimin e saj. Me fjalë të tjera, Gjykata Kushtetuese me një rigorozitet shkencor do ta merrë vendimin. Sepse krejt komplikimet politike po i mbeten Gjykatën Kushtetuese dhe ata duhet të matin vetën se sa janë të gatshëm të marrin një vendim. Personalisht, nuk e kam kuptuar krejt këtë debat në atë se kush është partia fituese. Fituesi definohet dhe besoj se Gjykata Kushtetuese kanë nivel shkencor se kur flitet për shkencat e jurispodencës definohet secila fjalë. Se çka definohet fituesi i zgjedhjeve? Fituese dhe i pari dallojnë shumë. Mund të jesh i pari por mos të jesh fituesi. Kjo i ngjan pothuajse një maratone. Ju mund të vraponi 32 kilometra por mos me përfundu maratonën deri në fund.

Express: Nëse është kështu, nuk mundet as i dytii treti t’i bashkojnë kohën dhe t’i dalin të parët para atij që e ka fituar garën?

N. Rrustemi: Atëherë kur nuk ka fitues, bashkohet kushdo me këdo për të krijuar shumicën

Express: Mirëpo, maratona ka përfunduar, zgjedhjet janë certifikuar?

N. Rrustemi: Unë veç e përshkruajta dhe vendosa një paralele. Logjika është pikërisht këtu. Në demokraci vendos shumica, por duhet të sqarohet se kush është i pari dhe kush është fituese, besoj se Gjykata Kushtetuese e di shumë saktë se çka do të thotë fituesi. Fituesi nuk do të thotë vetëm të jesh i pari, për mendimin tim. Besoj se Gjykata Kushtetuese e di parimin e demokracisë që është shumica. Gjykata nuk do ta ketë vështirë të merr vendim lidhur në këtë rast.
Express: Keni qenë deputet i PDK’së dhe e njihni mirë z. Thaçi. Sa është i gatshëm Kryeministria aktual të pranojë të dalë në opozitë?

N. Rrustemi: Nuk e njoh mirë z. Thaçi, por këtu nuk ka dëshira se a pranon apo jo. Në lojën e demokracisë dëshirat i mbanë për vete. Çka do të bëjë nëse s’e pranon? Cili është roli i tij? … PDK nuk është e një njeriu dhe sigurisht ka edhe njerëz të tjerë që thonë se me dëshirë s’po dalin në opozitë por po na dërgojnë të tjerët në opozitë. Me dëshirë e kish bërë vetën mbret sepse ambiciet nuk kanë kufij. Mirëpo, nuk të lënë të tjerët të shpallësh vetën mbret. Askush s’e ka fuqinë e pakufishme të merr vendime në bazë të dëshirave të veta. Veprimet duhet të jenë në harmoni me distribuimin e forcës politike.

Express: Si mund të funksionojë koalicioni LDK-AAK-NSIMA, kur dihet se lideri i LDK’së është humbës i tre palë zgjedhjeve. AAK në anën tjetër ku ka marrë më pak se dhjetë pir ërqind të votave. Aty është edhe Fatmir Limaj i akuzuar për korrupsion?

N. Rrustemi: Mundesh të jesh 20 herë humbës dhe njëherë fitues. Ajo është aritmetikë. Jeta demokratike nuk e përcjellë ndonjë varg se ke qenë njëherë e duhet të jesh dy herë… Unë e shoh se do të forcohen lidhjet mes partive në koalicion. Siç ju po e përshkruani kjo është qasje shumë negative. Z. Limaj ka punë me gjykatë, e dënon, e dënon, s’e dënon, s’e dënon. Këto janë paragjykime. A do të bëjnë veprime të mira apo jo mbetet të shihet. Për këtë arsye është edhe opozita. PDK do të jetë shumë aktive në opozitë pasi kanë qenë në pushtet qe shtatë vite dhe kanë informacione të mjaftueshme. Jeta demokratike s’varet vetëm prej pozitës, por kjo varet edhe prej opozitës.

Express: Sa ka rrezik që të përsëritet qeverisja që ka ndodhur mes LDK’së dhe AAK’së?

N. Rrustemi: Ajo kohë është pësim për të mësuar. Ata kanë qenë sikur kopeja pa ugiç. Si kope e dhenve të humbura pa ugiç, ku lideri i AAK’së shkoj në Hagë dhe për një moment kanë qenë të shpërndarë. Dihet se atëherë s’ka qenë krejt qeverisja në dorë të Qeverisë. Nuk jam duke e amnistuar qeverisjen e atëhershme, por kisha pasur dëshirë që edhe kjo qeverisje të merret edhe më atë kohë nëse dikush ka rënë ndesh me ligjin. Mendoj se ajo kohë ka qenë shumë kohë e hidhur për këto dy parti.

Express: Njëri prej zyrtarëve të PDK’së ka kërkuar qeveri gjithëpërfshirëse. Si e shihni një ide të tillë?

N. Rrustemi: Kjo nuk është në të mirë të Kosovës. Kjo e mbytë vendin dhe është zhgënjim për demokracinë e Kosovës. Këto janë oferta të dalin nga kjo situatë. Kosova s’ka ngërç politik. Këto janë edhe elemente shantazhuese dhe një parti me 37 deputetë s’mund ta dërgojë vendin në zgjedhje. Dinamikën e zhvillimeve politike e dikton koalicioni LDK-AAK-NSIMA. Këta ata që e diktojnë dinamikën.

Në shtator gjashtë shkolla të reja

admin
-
0

Shkollae mesme-anton cettaGjashtë objekte të reja shkollore të ndërtuara në bazë të standardeve ndërkombëtare do të përurohen në fillim të vitit të ri shkollor që fillon më 1 shtator.

Drejtues të Ministrisë së Arsimit, Shkencës dhe Teknologjisë (MASHT) ka thënë se qëllim kryesor i kësaj ministrie është ngritja e cilësisë në arsim në të gjitha nivelet.

Arbër Morina, këshilltar i ministrit të Arsimit, Ramë Buja, ka thënë për “Epokën e re” se një prej faktorëve që ndikon në rritjen e cilësisë në arsim, është edhe infrastruktura e mirë shkollore. “Prioritet i Ministrisë së Arsimit është rritja e cilësisë në arsim. Ministria e Arsimit ka ndërmarrë shumë aktivitete në ngritjen e cilësisë, e një prej faktorëve që ndikon drejtpërsëdrejti është infrastruktura shkollore. Ju e dini se që nga viti 2007 deri më tani janë ndërtuar mbi 100 objekte shkollore, që janë objekte moderne në bazë të standardeve ndërkombëtare. Në këtë shtator do të përurohen edhe gjashtë shkolla të reja”, ka thënë Morina. Sipas tij, ndërtimi i më tepër se 100 objekteve shkollore ka ndikuar të mos ketë mësim në tri ndërrime.

Morina ka treguar se tashmë në Kosovë ekzistojnë vetëm 16 shkolla në të cilat mësimi zhvillohet në tri ndërrime. “Kjo ka ndikuar në zbutjen e shifrave të objekteve që punojnë në tri ndërrime. Ju e dini se numri i shkollave me tri ndërrime ka rënë. Tashmë kemi më pak se 16 shkolla që punojnë në tri ndërrime. Ne po përpiqemi që sa më shumë të investojmë në infrastrukturë. Shumica e shkollave në Kosovë punojnë në dy ndërrime. Këtë shtator pritet të përurohen objekte të reja shkollore, gjashtë janë të gatshme dhe do të përurohen në shtator, Shtime, Istog, Prizren, Prishtinë (shkolla model), Pejë dhe Gjilan”, është shprehur Morina, duke shtuar se në shtator nxënësit dhe mësimdhënësit kanë mundësi t’i shfrytëzojnë këto objekte moderne.

Gjithashtu, ai ka bërë me dije se në rast se arrihet të përfundojnë dyshemetë, për shtator do të jenë të gatshme edhe katër shkolla të tjera: në Lipjan, Suharekë, Rahovec dhe Mitrovicë.

1...7 7727 7737 774...8 784Page 7 773 of 8 784

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne