Anëtari i Këshillit të Përgjithshëm të LDK-së, Ridvan Hoxha kërkon nga bashkëpartiakët, që të lënë të qetë Degën e LDK-së në Prizren.
“Dështakët e “misionarët “ duhet ta lënë të qetë Degën e LDK në Prizren edhe ashtu të lënduar rëndë!”.

“Lidershipi lokal i LDK duhet të zgjedhet në zgjedhjet e rregullta që parashihen të mbahen në fund të këtij viti më një proces të rregullt zgjedhor e demokratik”.

Sipas tij, pas dorëheqjes së Eqrem Kryeziut janë shtuar ambiciet për t’u bërë kryetar i Degës së LDK-së në Prizren.

“Kohëve të fundit po vërej se ende pa arritur dorëheqja e shkruar në Prishtinë,kanë nisur ambicjet se kush do te jetë trashëgimtar i LDK-së në Prizren, pa e kontestuar mendimin,vullnetin dhe shprehjen e lire, të dorëheqjes e cila ka hapur rrugë për reforma, edhe pse ky veprim është dashur ta bëhet pas Zgjedhjeve Lokale 2013, ku humbën ata që patën mision të caktuar “shkatërrimin” e LDK-së në Prizren,ata që ia bënë argatin qeverisjes se keqe e te dhunshme në Prizren në periudhën 2008-2013 për të mbijetuar politikisht, për interesa të ngushta-meskine”

“Këta ”zyrtarë” tani më edhe zyrtarisht të dështuar pas zgjedhjeve të fundit parlamentare përmes ca myhytëve të pa djallëzuar politikisht, tentojnë që përmes”propozimeve”nëpërmjet portaleve të ndryshme të bëhen ose mbeten personalitete “të fuqishme”për të vazhduar misionin e sundimit klanor,të cilët po të njëjtët përmes presioneve ishin “faktor” edhe në zgjedhjet lokale e parlamentare”.

“Normalisht përderisa LDK nuk pati fuqi të veprojë në kohën e duhur për t’i blloku,atëherë veproi vetë elektorati i LDK”

“Besoj se një çorbë e tillë nuk do të gëlltitet më nga Kryesia Qendrore e cila definitivisht,pas asaj cka ndodhi sidomos në dy palë zgjedhjet e fundit është bindur se ku qëndron problem, dhe të veproj fuqishëm në Prizren”.

“Përveç lidershipit, përgjegjësi për situatën e krijuar në LDK Prizren ka së paku edhe Kryesia e ngushtë e LDK në Prizren, të cilët moralisht duhet ta ndiejnë veten përgjegjës dhe të lëshojnë rrugë në mënyrë civilizuese,sepse tek e fundit dështimet më të mëdha në zgjedhjet e fundit janë nga nëndegët të cilët janë të deleguar që janë konsiderue bastione të LDK-së-Hasi,Ortakolli dhe Kurilla”.

“Për herë të parë PDK në Prizren fitoi pothuaj në të gjitha nëndegët dhe atë me një diferencë mbi 6 mijë vota…! Nuk jam për “likuidime-linçime politike”por kundër uzurpatorëve të paaftë për të menaxhuar degën,duhet freskime urgjente me kuadro të reja në të gjitha strukturat e LDK ,Forum Rinor të Gruas etj.pa i larguar aktualët,dhe krijimi i një Grupi Punues të përkohshëm-Strukturë e përkohshme për udhëheqjen e Degës së LDK,sipas modelit të Shtabit Zgjedhor 2009-2010,kur LDK pati ngritje të dukshme ,me një kryekoordiantor e përfshirje regjionale dheme kompetenca ekzekutive”.

“Ky është shpëtimi i LDK në Prizren,shpëtim ky, i cili duhet të fuqizohet sa më parë sepse kërcënohet nga individ të dështuar e karrierist të vazhdojnë misionin për shkatërrimin përfundimtar të LDK në Prizren për ambicie meskine-ngushta. Prizreni ka shanse të përmirësoj imazhin e vetë së shpejti në zgjedhjet për Kryetar Komune,që pritet të mbahen në vjeshtën e këtij viti,por edhe zgjedhjet në parti t’i zhvilloj në mënyrën më të mundshme demokratike duke zgjedhur një lidership reformist”.

“Në bazë të kontakteve që kam me,anëtarësi,veprimtar,afaristë e zyrtar të strukturave të degës,shihet disponimi,dhe janë të gatshëm si asnjëher më parë të japin kontributin maksimal për ringjalljen e LDK-së në Prizren,por Jo me teke e simpati të individëve për të mbrojtur folenë e vetë, të cilët kanë dështuar në periudhën e kaluar katër vjeçare…! Apeloj,të mos nguten “hygjymashët”,se LDK ka forcë e potencial intelektual të tejkalojë këtë situatë,ka pasur dhe më të vështira dhe i ka tejkaluar. Kam bindjen se misioni për shkatërrimin e LDK-së në Prizren përfundo,tani hapet një epokë e re”./PrizrenPress.com/

Fshati Budakovë i Suharekës historikisht ka qëndruar më plumb e barot përballë armikut. Në këtë fshat historik, pas 40 vitesh është rikthyer në mermer Tahir Mustafa u vrarë në vitin 1956 nga OZNA si “armik i populli” për Serbinë.

Tahir Mustafa nga Budakova njihet si atdhetar i shquar.Ai ishte oficer i karrierës me shkollë akademike të kryer në Itali, dhe ishte oficer i Ballit Kombëtar, ku në vitin 1946 ‘OZNA’ u vra te “Rakitat e Prizrenit” tani në lagjen “Arbanë”.

Ai u vra për faktin se atëbotë e deshi Shqipërinë etnike dhe ishte kundër Serbisë. Riza Mustafa, i biri i Tahirit për të respektuar këtë kontribut të babit ka sjellë atë në pllakë mermeri.
“Tahir Mustfa ,simbolizon rezistencën titanike dhe gjakun e derdhur për bashkim kombëtar”, thotë Halit Elshani.

Figurën e Tahirit e vlerëson lartë edhe komandati i tri luftrave në ish0Jugosllavi Naim Maloku.
“Unë si ushtarak i karrierës kam lexuar mbi historikun e këtij atdhetari që aq shumë bëri për Kosovën. Ai u vra me të vetmin arsyetim, sepse i kishte thënë atëherë Serbisë ‘këtu më s’do të ketë ‘dobar dan”, por do të këtë vetëm tungjatjeta”, thotë Maloku.

“Duke lexuar në arkiva të Serbisë kam gjetur faktin se ai në syrin e hegjemonisë serbe është konsideruar si armiku më i përbetuar i Serbisë”.

Por Maloku lavdëroi edhe figurën e të birit të të tij Riza Budakova i cili për një jetë të plot ishte në shërbim të atdheut dhe në realizim të amanetit të babait të tij.

“Kur isha në krye të shoqatës”Migjeni në Lubjanë e kam takuar Rizain me angazhime të mëdha për Kosovën dhe shqiptar në Bruksel, Londëe , Lubjanë e kudo që ishte nevoja”,tregon Maloku.
Rexhep Kuçi, nënkryetar i komunës së Suharekës thotë se figurat si Tahir Mustafa dhe veprimtaria e kësaj familje ia japin vendin meritor komunës së Suharekës.”Komuna e Suharekës shquhet edhe historikisht për atdhedashuri”.

Djali i Tahirit, Riza tregon për kohën kur babai i tij ishte ballafaquar me OZNA Serbe.
“Unë kam qenë fëmijë i vogël, kur babin tim thuhet në Suharekë e kishin marrë OZNA nga berberi pa e rruar njërën faqe dhe kurrë më nuk e pamë”.

“Nje vit më vonë pushteti na konfiskoi tërë pasurinë. Unë me vëllain dhe dy motra mbetëm të jetonim me nënën Tahire, por na morën gjithë gjënë e gjallë, duke menduar se kështu në do të vdisnin dhe familja jonë të zhdukej”.

“Më kujtohet se babai im ishte oficer i karrierës dhe ishte në ” Islihat”, pajtues i gjaqeve. Ishte oficer në detyrë dhe mbi të gjitha ishte njeri që në odë priste çdo natë burra”.

“Pas kësaj ne mbetën nën mëshirën e Zotit.Ne binim e zgjoheshin duke qar me barkun e zbrazur me ndonjë barishte vere apo ndonjë kungull që na falnin të tjerët”.

“Në vitin 1974 ika në Belgjikë , pas pak morra edhe familjen, nëna më vdiq në Bruksel. Nuk më lejuan që eshtrat t’ia varrosi në Kosovë”.

“Ajo mbet në varret e Brukselit, kurse unë për herë të parë u ktheva në Kosovë në vitin 2001”
“Po atje dheu më dukej se çdo ditë më thërriste dhe më thoshte ktheje Tahir Mustafën në vendlindje. Unë vendosa këtë vit ta ngris një lapidar në shenjë kujtimi për atë”.
“Nga Belgjika solla mallin, solla amanetin e familjes”./TV Besa/

Përderisa Gjykata Kushtetuese funksionin me gjyqtarë që paracaktohen nga politika ditore, e jo e Kuvendit, ajo nuk do t’i ketë autoritetin dhe kredibilitetin e nevojshëm, ka thënë eksperti i çështjeve juridike, Riza Smaka.

Ndërkaq pikëpamja e gjykatësit amerikan Robert Carolan, sipas Smakës, e vërteton më së miri besueshmërinë e vendimeve të deritashme të Gjykatës Kushtetuese.

Në një intervistë për “Kohën Ditore”, ish-deputeti i Kuvendit të Kosovës është shprehur se legjislatura e ardhshme do të duhej të rishikonte pozicionin e Gjykatës Kushtetuese dhe Ligjin për Gjykatën, në mënyrë që t’i definojë saktë kompetencat e saj.