5.8 C
Prizren
E shtunë, 26 Nëntor, 2022

Kurti: Kosova është në rrezik për shkak të presionit rus

Kryeministri i Kosovës, Albin Kurti, ka thënë se “Gjashtëshja Ballkanike”, veçanërisht Kosova, është në rrezik për shkak të presionit dhe ndikimit rus.

Ai në një intervistë për gazetën turke “Milliyet”, tha se në 6 shtete të njohura si “Gjashtëshja Ballkanike” (Shqipëri, Bosnje dhe Hercegovinë, Kosovë, Maqedonia e Veriut, Mali i Zi dhe Serbia), është një “luftë hibride” në të cilën aktorë të ndryshëm nën ndikimin dhe kontrollin e Moskës përpiqen të përhapin hegjemoninë ruse”.

Mes tjerash, Kurti duke paralajmëruar se Beogradi dhe serbët në Bosnje mund të përdorin Kremlinin për të përhapur konfliktin në rajon, përsëriti kërkesën e vendit të tij për anëtarësim në Bashkimin Evropian (BE) dhe NATO.

Duke thënë se e kanë dënuar që në fillim sulmin ushtarak të Rusisë ndaj Ukrainës, Kurti shtoi se: “Ekziston një Qendër Humanitare Ruse në Nish të Serbisë dhe qendra rajonale e Sputnikut në Beograd. Entiteti serb në Bosnje luan edhe rolin e zëvendësuesit të Kremlinit. Unë besoj se Serbia dhe entiteti serb në Bosnje mund të përdoren nga Kremlini për të përhapur konfliktin. Sepse ata duan të prodhojnë një Konferencë të re të Jaltës që shkakton ndarjen për të krijuar një ndikim të dhunshëm. Prandaj, unë mendoj se Gjashtëshja e Ballkanit Perëndimor në përgjithësi, por Kosova në veçanti janë në rrezik”.

Paratë e BE-së, armët ruse

Duke tërhequr vëmendjen në afërsinë ushtarake të Serbisë me Rusinë dhe Bjellorusinë, kryeministri tha: “Serbia ka më shumë se 10 vjet që kërkon paratë e BE-së dhe armët e Rusisë. Gjithashtu vazhdon të blejë pajisje ushtarake nga Rusia dhe Bjellorusia. Shpresoj që BE-ja i thotë Beogradi sa më shpejt që fondet e BE-së nuk do të jepen pa vlerat e BE- së”.

“Serbia ka ndarë 3 përqind të të ardhurave të saj kombëtare për pajisje ushtarake dhe trajnime. Ka 14 avionë luftarakë Mig-29, 8 prej të cilëve janë dhënë nga Bjellorusia dhe 6 nga Rusia. Lidhjet midis Serbisë dhe Rusisë janë të gjera dhe të thella, mendoj se për sigurinë dhe paqen e qëndrueshme afatgjatë, e gjithë Gjashtëshja e Ballkanit Perëndimor duhet të anëtarësohen sa më shpejt në BE dhe NATO”, tha Kurti.

‘Nuk kishte situatë të cilën nuk e ka mbështetur Turqia’

“Mbështetja e Presidentit Recep Tayyip Erdo?an për anëtarësimin e Kosovës në NATO është shumë e rëndësishme për ne dhe ne jemi mirënjohës për këtë. Ne jemi gjithashtu shumë mirënjohës për rolin e Turqisë para, gjatë dhe pas pavarësisë së Kosovës. Turqia është ndër vendet e para që njohu pavarësinë tonë… Në të gjitha mjediset ndërkombëtare vota e Turqisë ka qenë gjithmonë në favor të Kosovës. Në këtë aspekt, asnjëherë nuk ka pasur një situatë që Kosova të donte diçka dhe Turqia të mos e përkrahte. Do të dëshironim shumë t’i thellojmë dhe zgjerojmë marrëdhëniet tona me Turqinë”, tha Kurti.

Më Shumë

Parashikimi i motit për ditën e sotme

Instituti Hidrometeorologjik i Kosovës ka bërë të ditur se sot parashihet të mbajë mot me vranësira dhe me intervale me diell. Sipas këtij njoftimi, temperaturat...

Rrahje në një lokal në Prizren, përfshihen dy femra dhe një mashkull

Një rrahje mes disa personave ka ndodhur në një lokal në Prizren.   Sipas raportit të policisë thuhet se rrahja ka ndodhur mes dy femrave dhe...

Lajmet e Fundit