9.8 C
Prizren
E premte, 29 Mars, 2024

Provimi i Maturës Shtetërore në Kosovë edhe sivjet me të vjetrën

Ministria e Arsimit, Shkencës dhe Teknologjisë (MAShT), përmes një njoftimi për opinionin, ua bën me dije të gjitha drejtorive komunale të arsimit, personelit arsimor të shkollave të mesme të larta, maturantëve dhe komunitetit shkollor që të ndërmarrin të gjitha përgatitjet për organizimin dhe mbajtjen e Provimit të Maturës Shtetërore, i caktuar të mbahet në afatin e qershorit (dita e parë më 6 qershor 2015, dita e dytë në 20 qershor 2015) dhe në afatin e gushtit (dita e parë më 29 gusht 2015, dita e dytë në 5 shtator 2015), në bazë të Ligjit Nr. 03/L-018 për Provimin Përfundimtar dhe Provimin e Maturës Shtetërore (6 nëntor 2008).

Këtë vit Provimi i Maturës Shtetërore do të organizohet sipas kushteve dhe kritereve të përcaktuara me ligjin në fuqi (Ligjit Nr. 03/L-018 për Provimin Përfundimtar dhe Provimin e Maturës Shtetërore) dhe çdo kandidat që i nënshtrohet Provimit të Maturës Shtetërore duhet të arrijë kriterin e pragut të kalueshmërisë 50% nga rezultati i përgjithshëm i arritshmërisë së pikëve të provimit, që të shpallet i diplomuar i shkollës së mesme të lartë dhe të arrijë kushtin e përgjithshëm për të vazhduar shkollimin e mëtutjeshëm. Kandidatit që kalon Provimin e Maturës Shtetërore i jepet diploma për kryerjen e shkollës së mesme të lartë, ndërsa kandidatit që nuk arrin rezultatin e kalueshmërisë shpallet përsëritës i provimit të maturës.

MAShT këtë vit ka përgatitur Projektligjin për Provimin e Maturës Shtetërore, i cili është rishikim i Ligjit për Provimin Përfundimtar dhe Provimin e Maturës Shtetërore i miratuar më 6 nëntor 2008 në Kuvendin e Kosovës. Qeveria e Republikës së Kosovës, në mbledhjen e saj të 18-të me datë 18 mars 2015 ka aprovuar Projektligjin për Provimin e Maturës Shtetërore dhe ka proceduar për shqyrtim dhe miratim Kuvendit të Kosovës. Projektligji për Provimin e Maturës Shtetërore është miratuar në parim dhe do të vazhdojë shqyrtimin e mëtejmë në Kuvendin e Kosovës.

Duke pasur parasysh procedurat legjislative të përcaktuara në Rregulloren e Punës së Kuvendit, të cilat mund të zgjasin përtej afatit të caktuar për mbajtjen e Provimit të Maturës Shtetërore (6 qershor 2015), si dhe më qëllim të përgatitjeve me kohë dhe organizimit të suksesshëm, këtë vit Provimi i Maturës Shtetërore do të vazhdojë të organizohet sipas ligjit në fuqi.

MAShT në bashkëpunim me Komisionin për Arsim, Shkencë, Kulturë, Rini dhe Sport të Kuvendit të Republikës së Kosovës, do të angazhohet në të gjitha fazat legjislative të shqyrtimit të projektligjit, në veçanti në përfshirjen e kontributeve dhe sugjerimeve që dalin nga diskutimet në Kuvend, deri në miratimin e Projektligjit për Provimin e Maturës Shtetërore./Gazeta Express/

ht

Më Shumë

Bayern Munichu me kërkesë të fundit për Alphonso Davies

Tani ose kurrë. Siç thuhet në Gjermani, Bayern Munich i ka dhënë Alphonso Davies një javë kohë për të marrë një vendim për të...

Pas 26 vjetësh zbuluan se nuk kishte vdekur, stërnipi i Isa Boletinit tregon si i shpëtoi ekzekutimit nipi 19 vjeçar

Gazmend Boletini, stërnipi i Isa Boletinit, foli në detaje rreth historisë së familjes së tij, kryesisht për pasardhësit e kësaj familje. Ai zbuloi në ndër...

Lajmet e Fundit