Mbrojtësi i Chelseat, Antonio Rudiger, i ka kërkuar falje Benjamin Pavardit për shenjat e tmerrshme që ia la në qafë francezit.
Lojtarët në fjalë u përplasen në një moment në sfidën mes Gjermanisë e Francës në kuadër të Ligës së Kombeve, e zhvilluar në “Allianz Arena”.
Rudiger u kritikua për këtë ndërhyrje pasi që nuk u kujdes shumë për kundërshtarin.
“Më vjen keq për Pavard, nuk ishte e qëllimshme”, postoi ai në “Twitter”. “I kërkova falje menjëherë pasi që ndodhi dhe dua të shfrytëzoj këtë mundësi për t’i kërkuar sërish falje dhe i uroi shërim të shpejtë!”. /Insporti.com/