Drejtoria Komunale e Arsimit në Dragash ka kërkuar që në të gjitha shkollat e kësaj komune ora e parë e mësimit të ndërrimit të paradites dhe ora e parë e ndërrimit të pasdites nesër t’i kushtohet rritjes së vetëdijësimit të nxënësve lidhur me masat parandaluese rreth koronavirusit, duke u bazuar në materialet dhe udhëzimet e pranuara nga Instituti Kombëtar për Shëndet Publik, të cilat janë shpërndarë nëpër shkolla.
Po ashtu, udhëzon drejtorët e shkollave që t’i pajisin shkollat me material higjienik dhe të gjitha institucionet shkollore të bëjnë dezinfektimin e shtuar të të gjitha sipërfaqeve dhe nyjave sanitare.
