Deputeti i Lëvizjes Vetëvendosje, Arbër Rexhaj ka komentuar dënimin e drejtorit të Kulturës në Prizren, Ehat Oreshkës për dy vepra penale, për falsifikim dokumenti dhe legalizim i përmbajtjes së rreme.

Rexhaj ka thënë se këto vepra u takojnë partive politike, të cilat qeverisin në koalicion me Lëvizjen Vetëvendosje.

“Kjo çështje fillimisht i takon kryetarit të Komunës sepse ai bën emërimin e drejtorëve qoftë nga subjekti ku ai është e qoftë nga partnerët e koalicionit, për rastin në fjalë, për drejtorin, besoj se kjo çështje është personale dhe si të tilla nuk janë të mira, mirëpo meqenëse tashmë në Komunën e Prizrenit, Lëvizja Vetëvendosje është në koalicion me LDK-në dhe NISMA-n sigurisht i kanë propozuar emrat për drejtorë komunash, prandaj edhe mendoj se përgjegjësia kryesore bie mbi këto parti politike, të cilat i kanë sjellë edhe emrat”, ka deklaruar Rexhaj.

Ai ka thënë po ashtu se këto veprime nuk i përkasin udhëheqjes së Mytaher Haskukës dhe as Lëvizjes Vetëvendosje.

“Mendoj se veprat e kësaj natyre me udhëheqjen e Lëvizjes Vetëvendosje dhe Mytaher Haskuka nuk ka pasur dhe nuk ka, këto janë vepra individuale, të cilat me njëfarë forme janë personale dhe nuk dua të përzihem fare me çështje personale, veçse normalisht nuk janë të mira”, ka thënë Rexhaj./kallxo.com/

Kryetari i Prizrenit, Mytaher Haskuka tregon se gjykata është përgjigjur negativisht në rastin e një lënde ndaj ish-qeverisjes së kaluar të Ramadan Mujës.

Sipas tij, lënda ka bëjë me aplikacionin për “Furnizim me softëare digjital për shërbim të qytetarëve”

“Pra qytetarëve të Prizrenit u janë marrë 28,000 Euro me përmbarues për një shërbim që nuk funksionon. Rasti është dërguar organeve të gjyqësisë, që për habi janë përgjigjur se nuk ka elemente keqpërdorimi të detyrës!? Gjykoni vetë se si funksionon ky shtet!”, shkruan Haskuka.

Postimi i plotë në Facbook

Qeverisja e kaluar ka kontraktuar një kompani për “Furnizim me softëare digjital për shërbim të qytetarëve në Komunën e Prizrenit”. Me këtë komuna ka pranuar aplikacionin “SmartCity Prizren”, ndërsa kontrata e dhënë ka qenë 24,735 Euro.

Sipas kontratës aplikacioni do të duhej të funksiononte në telefonat Android, IOS, dhe në ëeb platformë, por fatkeqësisht në asnjërën prej tyre nuk punon. Gjersa në IOS (I phone) dhe ëeb nuk ekziston fare aplikacioni, ne mund ta shkarkojmë aplikacionin vetëm për Android. Por edhe kur e instalojmë, ai nuk funksionon pothuajse fare dhe nuk ka asnjë shërbim për qytetarët.

Përndyshe, këtu është linku ku mund ta shkarkoni aplikacionin: https://play.google.com/store/apps/details…
Për më tepër, komisioni nuk ka bërë pranimin teknik, por drejtori i qeverisjes së kaluar ka nënshkruar faturën dhe pastaj neve na janë marrë të hollat me përmbarues.

Pra qytetarëve të Prizrenit u janë marrë 28,000 Euro me përmbarues për një shërbim që nuk funksionon. Rasti është dërguar organeve të gjyqësisë, që për habi janë përgjigjur se nuk ka elemente keqpërdorimi të detyrës!? Gjykoni vetë se si funksionon ky shtet!

Një person ka rënë nga kati i dytë i shtëpisë në fshatin Bukosh të Suharekës.

Policia njofton se viktima është jashtë rrezikut për jetë, shkruan PrizrenPress.

“Viktima dyshohet se ka rrëshqitur dhe është rrëzuar nga kati i dytë, derisa ishte duke punuar”, njofton PK.

Si pasojë i njëjti kishte pësuar lëndime trupore.

Viktima është dërguar në spitalin e Prizrenit për trajtim mjekësor./PrizrenPress.com/

Policia e Prizrenit ka bërë të ditur se në mesnatë, rreth orës 00:05, policia në Suharekë deri sa ishte në patrullim në qytetet ka ndalur një automjet kombi, vozitësi  G.M i cili ishte duke e drejtuar ketë automjet ka deklaruar para zyrtarëve te policisë se nuk posedon fare dokumente për veti dhe për  automjetin te cilin e drejtonte ai.

Tek i dyshuari është gjetur dhe sekuestruar një thikë me gjatësi 29 cm të cilën e kishte në brez i dyshuari, njofton Klan Kosova.

Policia ka njoftuar se gjatë bisedës qe është zhvilluar me të dyshuarin, i njëjti ka pranuar se automjetin kombi me targa 01-490-GJ e kishte vjedhur në Prishtinë te Tregu i Gjelbërt diku rreth orës 21:00.

Në lidhje me rast është njoftuar Prokurori i Shtetit ku i dyshuari është ndalur në Qendrën e Ndalimit për 48 orë.

Rasti është duke u hetuar nga hetuesit e  stacionit policor.