Ka dështuar të mbahet seanca e paraparë për të enjten, në Gjykatën Themelore në Prizren, dega Dragash, kundër të pandehurit për rrezikim të trafikut publik, Ridvan Ahmeti.

Shkak i shtyrjes së seancës në fjalë u bë mungesa e avokatit Fitim Shporta, mbrojtës i caktuar sipas detyrës zyrtare për të pandehurin, gjatë lidhjes së marrëveshjes për pranimin e fajësisë që është bërë në Prokurorinë Themelore në Prizren, raporton “Betimi për Drejtësi”.

Në këto rrethana, prokurori Atnor Skoro propozoi shtyrjen e shqyrtimit gjyqësor, të cilin propozim e miratoi gjykatësi i rastit, Bekri Vehapi.

Ndryshe në këtë seancë ka munguar edhe i dëmtuari Artan Shala.

Seanca e radhës u caktua të mbahet më 25 tetor 2018, në ora 09:30.

Sipas aktakuzës të 15 gushtit 2018, Ridvan Ahmeti akuzohet se ka kryer veprën penale “rrezikim i trafikut publik”.

Në aktin akuzues thuhet se më 12 qershor 2018, rreth orës 16:10, në rrugën lokale Dragash, fshati Brod, ne vendin e quajtur “Lëndina”, i pandehuri nga pakujdesia rrezikon trafikun publik, jetën e njerëzve dhe pasurinë, si pjesëmarrës në komunikacionin rrugor.

Sipas aktakuzës, derisa Ahmeti ishte duke drejtuar automjetin e markës “Fiat Bravo”, vepron në kundërshtim me rregullat e komunikacionit, ashtu që kur vjen në dalje të Dragashit, saktësisht të kryqëzimi që e lidh rrugën e fshatit Brod me rrugën “Lëndina”, para një kthese në të djathtë, ndërmerr veprim kthimi gjysmë rrethor në drejtim të Dragashit, pa u siguruar paraprakisht se me këtë veprim nuk do t’i rrezikoj pjesëmarrësit e tjerë të komunikacionit. Gjithnjë sipas aktakuzës, pas atij veprimi i pandehuri goditet në pjesën e parë anësore të anës së djathtë të veturës (mbi rrotën e parë) nga motoçikleta e markës “Honda”, të cilin e drejtonte i dëmtuari Artan Shala, nga drejtimi i fshatit Brod në drejtim të Dragashit, e që rezulton se i bie në drejtimin e tij të lëvizjes.

Në aktakuzë thuhet se si pasojë e këtij aksidenti, i dëmtuari Shala, përveç dëmeve materiale ka pësuar edhe lëndime të rënda trupore si.

Një person i dyshuar është arrestuar nga policia në Suharekë për drogë dhe falsifikim të dokumenteve.

Policia ka njoftuar se gjatë kontrollit në veturë, i dyshuari nga dritarja ka hedhur një cigare të mbushur me substancë të dyshuar me narkotikë të llojit marihaunë.

“Gjate kontrollimit të dokumenteve të veturës, zyrtarët policorë kanë kuptuar se vetura në fjalë kishte targa të falsikuara”, njofton policia.

Tutje, policia ka njoftuar se gjatë kontrollit detal të veturës, janë gjetur dhe sekuestruar dy kavanoz plastike të mbushur me substancë të dyshuar narkotike të llojit marihuanë, një cigare e mbushur me substancë të dyshuar për narkotikë të llojit marihuanë, një pako me filtër dhe një telefon Samsung.

Me urdhër të prokurorit të shtetit i dyshuari është ndaluar për 48 orë.

Hetimet për rastin po vazhdojnë.

Një person ka tentuar të vetëvritet dje në Rahovec.

Në njoftimin e policisë thuhet se rasti ka ndodhur dje rreth orës 19:00 në rrugë “Ramiz dhe Xhevdet Krasniqi” në Rahovec.

Sipas policisë, viktima kishte përdorur medikamente të tepruara duke tentuar kështu të vetëvritet.

I njëjti është duke marrë tretman mjekësor.