Shefi i Grupit Parlamentar të LDK – së, Avdullah Hoti së bashku me deputetët e GP- LDK- së morën pjesë sot në tryezë diskutimi të ftuar nga Dega e LDK-së në Suharekë aktivistë të LDK-së, aktivistë të shoqërisë civile si dhe qytetarë të Suharekës.

Në këtë tryezë u diskutua për situatën aktuale politike në vend si dhe për hapat që do të ndermirën në të ardhmen, me theks të veçantë për mbrojtjen e subjektivitetit shtetëror të vendit si dhe për daljen nga kriza insitucionale e shkaktuar nga koalicioni qeverisës, i cili tashmë ka humbur edhe legjitimitetin për ta drejtuar vendin.

Hoti duke i falënderuar për pjesëmarrje të pranishmit dhe Salihaj, kryetar i Degës së LDK- së në Suharekë për organizimin tha se:

“ Me përkrahjen e juaj si dhe me mbështetjen që po marrim çdo ditë nga qytetarët anëmban Kosovës ju garantojmë se nuk do të lejojmë cenimin e sovranitetit të vendit dhe prishjen e rendit kushtetues të tij.
Ne e dimë se rrugë tjetër përveç dialogut nuk ka por ai duhet të zhvillohet nga njerëz të mandatuar dhe në përputhje me interesat e qytetarëve. Qeveria e tanishme pa legjitimitet, çdo ditë e më tepër po i sjell humbje vendit në secilën sferë qoftë në ekonomi qoftë në arenën ndërkombëtare, dhe kjo duhet të ndalet. Durimi dhe konsistenca do të na sigurojnë triumfin për qytetarët e Kosovës ”, përfundoi ai./Indeksonline/

Komuna e Prizrenit ka mbajtur aktivitetin “Dita pa makina” me qëllim të vetëdijësimit të qytetarëve për t’iu shmangur makinave dhe të shfrytëzohen sa më shumë biçikletat për një ajr më të pastër.

Në këtë aktivitet mori pjesë edhe kryetari i komunës së Prizrenit, Mytaher Haskuka, ushtruesi i detyrës së ministrit të Mjedisit dhe Planifikimit Hapësinor, Fatmir Matoshi dhe shumë qytetarë të cilët shfrytëzuan rrugët kryesore të qytetit për të dalë me biçikleta.

Ndërkaq, Haskuka ka thënë se Prizreni është qytet pa asnjë shteg për biçikleta dhe ndërtimi i këtyre shtigjeve është i domosdoshëm për ta lehtësuar qytetin nga lëvizjet e shumta të makinave, të cilat përveçse ngarkojnë komunikacionin krijojnë edhe ndotje të ajrit.

Me aktivitet e tyre të ndryshme, në këto rrugë u ekspozuan edhe OJQ-të dhe shoqatat si: X40, Handikos, Sindrom Doën, asamblistët e rinj, Lidhja e Vëzhguesve Rinia e Kosoves, FC Winner dhe Megabasket.

“Dita pa makina” organizohet çdo vit me qëllim të vetëdijësimit të qytetarëve ndaj ndotjes së ajrit dhe përdorimit të sa më pak makinave.

Me 1 shtator 1998 përderisa ishin duke siguruar drunjtë për dimër, në pyllin e Zaplluxhës ishin vrarë vëllezërit Muhamed e Xhymret Shemsidini dhe Sabri Maliqi.

Organizata Fondi për te Drejtën Humanitare (FDH) rrëfen kronologjinë e asaj ngjarje të tmerrshme shatorin e vitit 1998, përcjell Opoja Sot.

Ngjarja e plotë e përshkruar nga FDH
Vëllezërit Muhamed dhe Xhymret Shemsidini jetonin më nënën Hylkijen.

I ati u punonte në Austri, ndërkaq motrat i kishin të martuar.

Në ora 7:30 të datës 1.09.1998, Muhamedi dhe Xhymreti, së bashku me Sabri Maliqin, vëllain e bashkëshortes së Muhamedit, u nisën në pyll për të ngarkuar drunjtë.

Rreth orës 8:00, në Zaplluxhë u dëgjuan të shtëna nga drejtimi i fshatrave Lez dhe Jeshkov, ku ishin të pozicionuara forcat e UÇK-së.

Pasi që u vonuan, familjarët dhe banorët u nisën diku nga ora 17:00 për të kërkuar Muhamedin, Xhymritin dhe Sabriun.

Ushtarët serbë nuk u lejuan që të hynin në pyll, ku tre djelmoshat kishin shkuar për të ngarkuar drunjtë.

Në mbrëmje në shtëpi u kthye Shabani, djali i axhës së Muhamedit dhe Xhymritit.

U tregoi familjarëve se nga livadhi ku i ruante dhentë, në një distancë shumë të madhe nga vendi ku ishte ai, i vuri re rreth orës 7:00 ushtarët serbë duke i çuar tre meshkuj në rroba civile drejt pyllit të fshatit Struzhë.

Për shkak të distancës së largët nuk mundi t’i identifikonte nëse bëhej fjalë për djemtë e axhës së tij.

Tri ditë më vonë, kuajt me të cilët tre djelmosha u nisën në pyll, u kthyen në shtëpi.

Në datën 7.09.1998, policia serbe nga stacioni në Dragash u lejoi familjarëve që të niseshin në kërkim të tre të zhdukurve.

Babai Abdurrahmani, i cili u kthye nga Austria, u nis me të vëllain Safetin dhe banorët e Zaplluxhës.

Në hyrje të pyllit i gjetën sëpatat, ujin dhe bukën e mbështjell në shami, që djelmoshat i kishin marrë me vete para nisjes për në pyll.

Pak më larg, i gjetën trupat e pajetë dhe të masakruar të Muhamedit, Xhymretit dhe Sabriut [në Zaplluxhe].

Ata u varrosën ditën tjetër. Muhamedi dhe Xhymriti në varrezat e Zaplluxhës, ndërsa Sabriu në varrezat e Kuklibegut.

Lajmi për vrasjen e tre të rinjve ishte përcjellë edhe nga mediat gjermane të Kosohës.

http://www.bndlg.de/~wplarre/day1546a.htm

Fondi për të Drejtën Humanitare (FDH) është organizatë joqeveritare për të drejtat e njeriut e themeluar në vitin 1992 nga Natasha Kandiq, me qëllim që t’i dokumentojë shkeljet skandaloze të të drejtave të njeriut që po kryheshin me të madhe në gjithë Jugosllavinë e asaj kohe, gjatë konflikteve të armatosura në Kroaci, Bosnjë e Hercegovinë dhe më pas në Kosovë. /Opoja Sot/