Të martën është finalizuar iniciativa ‘’Ta rikthejmë kalldrëmin’’ e konceptuar nga pjesëmarrësit e Shkollës së Aktivizmit Urban në kuadër të projektit “Rikthimi i Qytetit’’.

Gjatë kësaj iniciative në mënyrë simbolike janë vendosur fragmente të kalldrëmit në rrugën ‘’Adem Jashari’’, duke bërë thirrje që të rikthehet diskursi publik lidhur me kthimin e kalldrëmit në këtë rrugë.

Siç thekson EC Ma Ndryshe, Prizreni, si qendër urbane prej shekujsh dallohet me karakteristikat arkitektonike të saj të ndërlidhura me aplikimin e materialeve tradicionale.

“Të lidhur emocionalisht me kalldrëmin si simbol i qytetit të Prizrenit, të rinjtë pjesëmarrës të Shkollës së Aktivizmit Urban kanë propozuar që përmes një inicitive të tillë të përqohet mesazhi për mundësinë e kthimit të kalldrëmit në këtë rrugë. Format e aplikuara të kalldrëmit kanë karakter të përkohshëm dhe tentojnë që përmes rikthimit në kohë, kur kjo rrugë ishte e mbuluar me kalldrëm, të bëjnë thirrje te autoritetet lokale dhe qendrore të diskutojnë mundësitë e rikthimit të kalldrëmit aty ku ekzistojnë mundësitë”.

Ideja për performancën publike për rikthimin e kalldrëmit është dhënë gjatë Modulit 1 të Shkollës së Aktivizmit Urban, të mbajtur në muajt prill – maj të këtij viti.

Shkolla e Aktivizmit Urban është pjesë e projektit ‘’Rikthimi i Qytetit’’ që në mënyrë specifike synon të avokojë për gëzimin e plotë të së drejtës mbi qytetin përmes një sërë platformash të aktivizmit.

Projekti “Rikthimi i qytetit – E Drejta mbi Qytetin për grupet e nënpërfaqësuara të komunitetit në Prizren” përkrahet financiarisht nga National Endoëment for Democracy. /PrizrenPress.com/

Këshilltari i Kryekuvendarit, Kadri Veseli, Nijazi Kryeziu dhe zëvendësministri i Administratës Publike, Bujar Nerjovaj po dyshohen për keqpërdorim të detyrës zyrtare sa ishin drejtor në Komunën e Prizrenit, atë botë kur PDK udhëhiqte me këtë komunë.

Tre persona janë plagosur për një parking në Prizren, njëri nga ta është në gjendje të rëndë shëndetësore. I njëjti është dërguar në Qendrën Klinike Universitare të Kosovës, konkretisht në Emergjencë.

Mjeku kujdestar, Avdush Bajgora në një prononcim për “Indeksonline” ka dhënë detaje lidhur me gjendjen e personit në fjalë.

Ai ka thënë se i njëjti është futur në operacion në kuadër të Klinikës Maksillofaciale, në prani të specialistëve të tjerë.

“Pacienti është sjellë prej Prizrenit në Qendrën Klinike Universitare të Kosovës, konkretisht në Emergjencë është reanimu, janë bërë të gjitha analizat biokimike, diagnotistika (CT-ja) i është bërë atje në Prizren, këtu te na pasi që është stabilizuar jemi konsultuar me kirurgun vaskular me të specialistin maksillofancial edhe specialistin e ORL-s dhe në fund është vendosur që të futet në operacion në kuadër të maksillofaciales në prezencën e specialisteve të tjerë”, ka thënë Bajgora për Indeksonline.

Më tutje, ai ka shtuar se momentalisht është jashtë rrezikut për jetë, por operacioni është operacion dhe është gjendje e rëndë, sipas tij, duhet të merren përgjegjësitë.

Ndryshe, incidentin në Prizren e ka konfirmuar edhe Policia e Kosovës për rajonin në fjalë. Ata tashmë kanë arrestuar dy të dyshuar.

Ndërkaq, Njësitet relevante të policisë po merren me hetimin e rastit. Për informata shtesë do të njoftoheni me kohë./Indeksonline/

Tre persona janë plagosur sot në Prizren.

Rreth orës 16:50 minuta të pasditës së sotme, në një nga parkingjet në afërsi të sheshit Shatërvan, janë plagosur 3 persona pas një mosmarrëveshje mes tre personave nga Prizreni dhe dy të tjerëve nga rrethi i Deçanit, konfirmon për TV Prizreni zëdhënësi i DRP në Prizren, Hazir Berisha.

Sipas tij, njëri nga të plagosurit është në gjendje të rëndë dhe është dërguar menjëherë për në QKUK, ndërsa dy të tjerë po trajtohen në Spitalin e Prizrenit.

Policia menjëherë ka dal në vendngjarje, dhe ka arrestuar dy të dyshuar në këtë incident, njoftoi zëdhënësi Berisha.