Kryetari i Prizrenit, Mytaher Haskuka, brenda dy ditëve ka zhvilluar dy vizita në Has.

Ai, tha se kërkesat e banorëve të fshtrave të Hasit, janë shumë të sinqerta.

“Të mërkurën fshati Lubizhdë u kyç në rrjetin e ujësjellësit, ndërsa sot, në dëgjimin publik, morëm propozim – projektet infrastrukturore të paraqitura nga banorët e zonës së Hasit, drejtuar Komunës së Prizrenit, të cilat kryesisht ishin për Drejtorinë e Shërbimeve Publike”, shkruan Haskuka në “Facebook”.

“Nga banorët e kësaj zone kryesisht janë paraqitur kërkesat e njëjta me disa përjashtime: rregullimi i ujërave të zeza, rregullimi i rrjetit të ujësjellësit, shtrimin, riparimin dhe zgjerimin e disa rrugëve të caktuara, rregullimi i shtratit të lumit në gjatësi prej 1.6 km, forcimi e rrymës elektrike, shtigje për këmbësorë, ndriçimi publik dhe vendosja e shenjat horizontale të komunikacionit”.

“Pastaj rregullimi trotuareve, rregullimi i oborreve të shkollës dhe drenazhimi i tokave bujqësore”.

“Nga banorët e fshatit Romajë është kërkuar rregullimi i oborrit të shkollës , ndërtimi i një fushe futbolli dhe i një ambulance”.
“Në Gorozhup është kërkuar rregullimi i kroit të fshatit dhe të ndërpritet uzurpimi i hapësirës përreth tij”.

“Më gëzon fakti se qytetaria aktive e kësaj ane, për të përmirësuar kushtet e jetës, është e sinqertë dhe shumë e qartë për mundësitë e realizimit të projekteve, të cilat varësisht nga prioriteti do të jenë pjesë e buxhetit për vitin e ardhshëm”./PrizrenPress.com/

Nisma në Prizren, i ka dalë në mbrojtje drejtorit të Drejtorisë së Kulturës, Ehat Oreshka, për anulimin e Festivalit “Zambaku i Prizrenit”.

Sipas këtij subjekti politik, ka përfunduar koha e ternderimit të kulturës së Prizrent.

Reagimi i plotë

Një vlerë kulturore siç është Zambaku i Prizrenit, ose duhet të prezentohet si vlerë, ose më mirë të pushojë përkohësisht, deri sa ti japim meriten kulturore. Zërat e atyre që degraduan për vite të tëra çdo vlerë që patë qyteti i Prizrenit, e që bënë dëme vështirë të riparueshme, janë jashtë çdo logjike normale. Të atillë janë ata që pikërisht këtë vlerë kulturore e komercializuan edhe pse ishte një Eveniment unik kulturor, shkuan deri në atë masë duke u’a tenderuar ndërmarrjeve ndërtimore, Zambakun e Prizrenit.

Ilir Baldedaj, i denuari për Krim të organizuar dhe korrupsion nga Gjykata me gjashtë muaj burg, dhe me shumë dosje në Prokurori, për shkak të keqpërdorimit të detyres zyrtare, bashkë me Degën e AAK-së në Prizren, duhet ta kenë të qartë se ka perenduar koha e klaneve mafioze, që abuzuan me paranë publike, për interesa të njësive parapolitke, të cilët për interesa të xhepave të tyre, për vite të tëra degraduan vlerat kulturore të qytetit të Prizrenit.
NISMA Socialdemokrate – DEGA Prizren dhe drejtori i DKRS-së, z. Ehat Oreshka, me politikat e tyre janë të vendosur që organizimet kulturore si Zambaku i Prizrenit e shumë të tjera, me i kthy tek njerëzit e kultures dhe artit në Prizren.
Drejtori i DKRS-së, lidhur me çështjen e “Zambakut” dhe organizimeve tjera kulturore, ka mbajtur shumë takime me komunitetin kulturoro-artistik dhe Shoqëri Civile për këtë organizim, të cilët njëzëri kanë qenë të mendimit që me iu thënë STOP tenderomanisë, që deri më tani e kanë praktikuar Klani Pronto, ku bënë pjesë edhe i denuari për krim të organizuar dhe korrupcion, Ilir Baldedaj.

Zambaku i Prizrenit do të organizohet, por jo siç është organizuar dhjetë viteve të fundit me “Shund e Kiq” dhe ku i kanë munguar vlerat e mirëfillta të këngës qytetare prizrenase, por Zambaku do të organizohet mbi ato vlera të cilat i kanë vendosur vetë themeluesit e këtij organizimi kulturor në qytetin e Prizrenit.

Zyra për Informim,
NISMA Socialdemokrate- DEGA Prizren

Policia e Kosovë përmes një komunikate për media bën të ditur se ka arrestuar sot gjashtë persona në Suharekë për sulm ndaj personave zyrtarë.

“Rreth orës 03:53 minuta të mëngjesit të sotëm, në Urgjencën e mjekësisë familjare në Suharekë, gjatë trajtimit të një të sëmuri, pas një bisede të tensionuar ka ardhur deri tek sulmi i personave zyrtarë në kryerje të detyrës me ç’rast janë grushtuar dhe rrëzuar në dysheme një mjek dhe një teknik”, thotë PK.

Lidhur me rastin, në këto momente, policia i ka arrestuar gjashtë të dyshuar dhe është në kontakt të vazhdueshëm me prokurorin e shtetit për të përcaktuar përfshirjen e secilit veç e veç dhe mbi bazën e të gjeturave gjatë hetimit të bëhet i ndalimi i tyre, thotë PK.