Ministri i Kulturës, Rinisë dhe Sportit, Kujtim Gashi, bashkë me Kryetarin e Kuvendit të Kosovës, Kadri Veseli dhe Ministrin e Financave Bedri Hamza, kanë vizituar sot Stadiumin Olimpik “Adem Jashari” në Mitrovicë.

Në kuadër të kësaj vizite, ata kanë parë nga afër situatën e tanishme të stadiumit dhe janë pajtuar që kjo arenë sportive të shndërrohet në stadium të kategorisë së katërt sipas standardeve të UEFA-së.

Ministri Gashi ka deklaruar se MKRS-ja është në procedura që edhe stadiumin në Mitrovicë ta shndërrojnë në kategorinë e katërt. “Jemi në procedura që ta shndërrojmë stadiumin në Mitrovicë në të kategorisë së katërt në mënyrë që reprezentacioni i Kosovës të ketë mundësi t’i zhvillojë ndeshjet edhe në këtë stadium”, tha mes tjerash ministri.

Ai paralajmëroi se do të ketë investime të reja e të mëdha në stadiumin në Mitrovicë dhe Kosova do t’i ketë dy stadiume të kategorisë së katërt. “Dalëngadalë po i plotësojmë të gjitha kërkesat dhe kriteret e UEFA-së që Kosova përfundimisht të gjitha t’i zhvillon në Kosovë pa pasur nevojë t’i shfrytëzojë stadiumet e shteteve përreth”, ka thënë ministri.

“Jam shumë i bindur që në vitin 2019 stadiumi ‘Adem Jashari’ do të jetë i gatshëm dhe të kthehet në kategorinë e katërt dhe do të jetë ndër stadiumet më të bukura edhe për shkak të kapaciteteve që ka ky stadium”, paralajmëroi ministri Gashi.

Ndërkaq, Kryetari i Kuvendit deklaroi se Mitrovica, sporti dhe ekonomia janë interesa strategjike të vendit tonë. “Vizitat që po i realizojmë ditëve të fundit tregojnë për një përkushtim të qartë tonin për modernizimin e sportit në vendin tonë”.

“Në bazë të asaj që kam biseduar me ministrin e sportit dhe atë të financave, në stadiumin e Mitrovicës do të investohen rreth 10 milionë euro, ku do t’i ndërrohet tërë fasada e jashtme dhe do të modernizohet infrastruktura e brendshme e këtij stadiumi”, ka njoftuar Veseli.

Ndërsa, Ministri i Financave, Bedri Hamza deklaroi se Qeveria e Republikës së Kosovës përveç se do të sigurojë financim të qëndrueshëm për objektet sportive do të vazhdohet me financimin e projekteve të fuqishme në Mitrovicë.

Skuadra londineze është e interesuar që ta ketë mbrojtësin italian në radhët e veta për edicionin e radhës, meqë trajneri italian është i interesuar në forcimin e vijës së fundit

Chelsea ka bërë një ofertë prej 40 milionë eurosh për mbrojtësin e Juventus, Daniele Rugani, raportojnë mediat britanike.

Menaxheri i ri Maurizio Sarri ka punuar me Rugani tek Empoli, për dy vjet, dhe tani do që italianin ta ketë sërish nën urdhrat e tij.

Blutë janë të përgatitur t’ia dyfishojnë rrogën atij në përpjekje për ta bindur që të kalojë në Londër gjatë këtij afati kalimtar.

Real Madrid nuk është i interesuar ta shesë mesfushorin kroat Luka Modriq, ndaj i ka ofruar kontratë të re për ta mbajtur në Spanjë.

Në javët e fundit kroati ka qenë i lidhur me një kalim tek gjiganti italian Inter, që është raportuar të ketë goxha interesim për ta blerë.

Madje mediat italiane kanë shkruar se Modriq ka arritur marrëveshje në parim me skuadrën nga Guiseppe Meazza dhe pret vetëm aprovimin e skuadrës spanjolle.

Por vet mesfushori nuk ka folur akoma, ndërsa Të Bardhët raportohet të mos jenë të gatshëm ta lënë të largohet këtë verë.

Forma e mirë në Kupën e Botës e Ivan Rakitic nuk ka mbetur pa u vënë re nga klubet e mëdha evropiane.

Kroati, në sezonin e kaluar ishte futbollisti më i përdorur nga Erneste Valvede dhe që nga ardhja e tij në Camp Nou ka qenë i padiskutueshëm në 11-shën e parë.

Sipas Mundo Deportivo, finalisti i Kupës së Botës ka patur kontakte me skuadrën franceze, PSG, shkruan indeksonline.

Edhe pse lojtari nuk u shpreh i gatshëm për tu larguar, më shqetësuese është klauzola e lirimit të tij.

Francezët duhet të paguajnë 125 milionë euro në arkat e Barcës nëse arrijnë marrëveshje personale me lojtarin.

Rakitic ka kontratë me pesë herë kampionët e Evropës deri në vitin 2021.