Drejtoria Rajonale në Gjakovë  ka njoftuar se pas raportimit të KALLXO.com  me titull “Gruaja e komandantit vozitet me veturë zyrtare”, kanë  filluar hetimet për komandantin e stacionit të policisë në Rahovec, Osman Ismajli.

KALLXO.com ka publikuar dje video në të cilat shihet se në së paku tetë raste Lirije Osmani, bashkëshortja e komandantit të policisë në stacionin e Rahovecit, Osman Ismajlit ka udhëtuar me veturë zyrtare.

“Është iniciuar procedura ligjore ndaj komandantit të stacionit policor në Rahovec, ku fillimisht çështja është dërguar për shqyrtim në Inspektoratin Policor të Kosovës e paralelisht është njoftuar edhe Drejtoria e Standardeve Profesionale e Policisë së Kosovës dhe varësisht nga të gjeturat do të ndërmerren masat adekuate”, thuhet në përgjigjen e drejtorisë rajonale në Gjakovë dhënë për KALLXO.com.

Drejtoria Rajonale në Gjakovë ka thënë për KALLXO.com se çështja e shfrytëzimit të automjeteve të Policisë së Kosovës është e rregulluar përmes rregulloreve të brendshme ku përcaktohen edhe kufizimit e përdorimit të tyre.

“Për çdo identifikim apo raportim të keqpërdorimit të automjeteve zyrtare ndërmerren veprime sipas procedurave standarde disiplinore”, thuhet në përgjigjen e policisë.

Ndryshe komandanti Osman Ismajli, në një prononcim të tij dhënë përmes telefonit për KALLXO.com ka deklaruar fillimisht se bashkëshortja e tij ‘udhëton me autobus’. Mirëpo, kur është pyetur se ka filmime ku bashkëshortja e tij shihet duke udhëtuar me veturën zyrtare të policisë, Ismajli ka deklaruar më pas se ‘kjo ka ndodhur, por se nuk do të ndodhë më’.

Kryesuesi i Kuvendit të Prizren, Artan Abrashi, ka komentuar shkurt akuzat e PDK-së.

“Fakti se PDK krahas dhunës dhe brutalitetit primitiv din të përdor kalemin për komunikatë dhe kritikën për konferencë, është lajmi më inkurajues në këto 18-të vitet e fundit, dhe këtë proces të civilizimit dhe qytetërimit nuk dua ta prishë me kundërkritikë”, tha Abrashi, shkruan “PrizrePress”.

“Thjeshtë i përgëzoj, dhe në këtë pikë e kanë mbështetjen time të pa rezervë si kryesues i Kuvendit”.
Kryesuesi i Kuvendit të Prizrenit, Artan Abrashi, në seancën e fundit, është gjuajtur me shishe të ujit nga kuvendari i PDK-së, Bardh Avdaj.

PDK, akuzoi sot Abrasin, si shkaktar të skandalit në seancën e fundit.

Sipas këtij subjekti politik, Abrashi ka improvizuar rendin e ditës në seancën e Kuvendit./PrizrenPress.com/

Shefi i Grupit të kuvendarëve të PDK-së, Simir Krasniqi,ka akuzuar kryesuesin e Kuvendit në Prizren, Artan Abrashin, si shkaktar të skandalit në seancën e fundit.

Sipas tij, Abrashi ka improvizuar rendin e ditës në seancën e Kuvendit.

“I drejtohem qytetarëve të komunës së Prizrenit dhe opinionit publik se shkaktar i situatës së ngritjes së tensioneve në seancën e rregulltë të Kuvendit Komunal të Prizrenit të mbajtur më datë 31.07.2018. është kryesuesi i kuvendit dhe kryetari i komunës duke improvizuar rend dite, diktat të debatit me qëllim të shmangies nga realiteti prej të cilit ka devijuar qeverisja e shantazhuar nga humbësit e zgjedhjeve qe janë partnere të koalicionit”, tha Krasniqi.

“Në seancën e mbajtur të kuvendit Komunal në Komunën e Prizrenit, kishte skenar per shkelje të rregullores së punës së Kuvendit dhe Ligjit për Qeverisje Lokale. Udhëheqja e dobët dhe drejtimi i punimeve të seancës në mënyre autokratike dhe të njëanshme nga kryesuesi i Kuvendit ishte reflektim i krizës në të cilën gjendet koalicionit i qeverisë Haskuka”.

“ Është e përcaktuar me ligj dhe me rregullore që gjate debatit në rendin e ditës kur përmendet me emër dhe mbiemër ndonjë kuvendar ka të drejt replike dhe nuk është çështje vullnetit të kryesuesit por obligim ligjor që ti jepet fjala. Këtë e precizon shumë mirë, neni 6. pika 6 të rregullorës së punës së kuvendit. Mosdhënia e fjales dhe nderprerja arbitrare e seances deri në pauzë është shkelje ligjore”.

“Asnjë kryesues kuvendi nuk mund t’ia mohoj deklarimin asnjë kuvendari aq me pak kuvendarit të grupit më të madh parlamentar”.

“PDK dënon udhëheqjen autokratike të seancës nga kryesuesi, sjellja a tij prej monarku e mohon debatin dhe dobëson demokracinë përfaqësuese të qytetarëve”.

“PDK kërkon nga kryesuesi i Kuvendit dhe kryetari i Komunës që të braktisin skenarin e grupeve paramilitare të VV për të luajtur rolin e viktimës dhe rolin e të debatit për të arsyetuar skandalet në DKA, në kuvendin komunal dhe skandalet ne mënyre zëngjirore të shpenzimeve dhe keqpërdorimeve financiare të buxhetit komunal. Nuk mund të orkestroni kriza politike për të mbuluar e kamufluar dështimet tuaja. Bllokada e funksionimit të koalicionit për drejtor dhe zv.drejtor shkollash e punësime në komunë me e pa konkurs për llogari të tre kryetareve të koalicionit të cilët janë kryetarët real të udhëheqjes së qytetit e bëjnë jo vetëm një kryetar kukull, por edhe qesharak e të hutuar në rolin e vet kryetarit aksidental të Prizrenit”, /PrizrenPress.com/