Mungesa e të akuzuarit për kanosje të një biznesmeni, M. M., është bërë shkak për shtyrjen e seancës gjyqësore të paraparë të mbahej të hënën, në Gjykatën Themelore në Prizren.

Në këtë seancë gjyqësore ishte prezent prokurori Besim Susuri, i dëmtuari R. M. dhe përfaqësuesi i tij ligjor, avokati Ethem Rogova, mirëpo ka munguar i akuzuari Mazrek megjithëse, sipas gjyqtares së rastit, i njëjti ishte ftuar në mënyrë të rregullt nga gjykata.

Në këto rrethana, gjyqtarja e rastit, Teuta Krusha, ka thënë se pasi që i akuzuari ka qenë i njoftuar në mënyrë të rregullt për kohën dhe vendin e mbajtjes së seancës gjyqësore dhe mungesën e tij nuk e ka arsyetuar, për të lëshohet urdhër për sjellje me forcë për seancën e radhës.

Seanca e radhës në këtë çështje penale do të mbahet më 4 shtator 2018, në ora 10:00.

Ndryshe, Prokuroria Themelore në Prizren, më 25 janar 2018, ka ngritur aktakuzë kundër të pandehurit Mehmet Mazrek, të cilin e akuzon se më 13 dhjetor 2017, rreth orës 18:00, ka kanosur biznesmenin R. M. për shkak të një mosmarrëveshjeje.

Sipas aktakuzës, në ditën kritike, i akuzuari ka shkuar në shtëpinë e të dëmtuarit dhe ka kërkuar që i njëjti të mos i privatizojë disa prona që ai i ka në shfrytëzim, ndërsa pasi që i dëmtuari nuk kishte pranuar një kërkesë të tillë, i akuzuari duke dalë nga shtëpia i ka thënë të dëmtuarit se nëse nuk tërhiqet nga privatizimi i pronës, do t’ia vrasë fëmijët./betimiperdrejtesi/

Gjykata Themelore e Prizrenit, duke vendosur sipas kërkesës së Prokurorisë Themelore të Prizrenit, ka caktuar masën e paraburgimit në kohë zgjatje prej një muaji ndaj të pandehurit me iniciale SH.G. nga një fshat i Komunës së Prizrenit për shkak të dyshimit të bazuar se ka kryer veprën penale vrasje e rëndë në tentativë.

Masa e paraburgimit prej një muaji do ti llogaritet prej kohës së arrestimit datë 27 korrik 2018 nga ora 18:30 minuta dhe do të zgjasë deri me datën 26 gusht 2018.

Deri te masa e paraburgimit sipas Gjykatës Themelore në Prizren ka ardhur sepsee me datën 01.07.2018 rreth orës 12:10 minuta, në Prizren, tenton ta privoj nga jeta personin tjetër, këtu të dëmtuarin me iniciale L.N., dhe në atë rast me dashje vë në rrezik jetën e një ose më shumë personave tjerë.

Sipas njoftimit të Gjykatës në Prizren, i dyshuari ka vepruar në atë mënyrë që derisa i dëmtuari me iniciale L.N. ka qenë në motoçikletë me shokun e tij me iniciale M.E. (ky i fundit si pasagjer), ndërsa vëllai i tij me iniciale M.N. në motoçikletë me T.L. (ky i fundit si pasagjer), duke shkuar në drejtim të pishinës “Gold Pol”, me ç ‘rast me të arritur te udhëkryqi paraqitet këtu i pandehuri, i cili ka qenë duke drejtuar automjetin e markës VË ”Vento” i cili me të vërejtur të dëmtuarin me iniciale L.N., kalon në shiritin e tyre, dhe niset me vrull në drejtim të tyre dhe godet motoçikletën të cilën e drejtonte L.N.

Gjithnjë sipas njoftimit të Gjykatës në Prizren, pastaj motoçikleta e të dëmtuarit godet motoçikletën e të dëmtuarit me iniciale M.N., me ç ‘rast M.E. dhe T.L., arrijnë të kërcejnë nga motoçikleta, derisa i dëmtuari L.N. dhe M.N. rrëzohen në tokë, ndërsa i pandehuri në këto momente sërish me veturën e tij lëvizë mbrapa me qëllim ta shkelë të dëmtuarin L.N. dhe arrin ta futë nën veturë dhe pastaj largohet nga vendi i ngjarjes.

Njoftimi i Gjykatës në Prizren thekson se i dyshuari ka qenë në arrati nga data kritike deri me datën 27 korrik 2018.

Ky vendim i Gjykatës Themelore të Prizrenit mund të ankimohet në Gjykatën e Apelit.

“Në vigjilje të 10 vjetorit të shtetësisë së Kosovës, më 17 shkurt isha pjesëmarrës në manifestimet që u mbajtën me Diasporën në Mynih të Gjermanisë”, i tregon Kryeministrit, zëvendësi i Dardan Gashit.

Zëvendësministri i Diasporës dhe Investimeve Strategjike, Afrim Bekteshi në raportin 100 ditor të punës së tij, të cilin e ka siguruar KALLXO.com i tregon Kryeministrit në detaje për vizitat jashtë vendit.

Bekteshi, në fillim të raportit të punës së tij thotë s e “mënyra e një raportimi të performancës së zëvendësministrave, tregon më së miri se Qeveria në krye me Ju, z,. Kryeministër është tejet e përgjegjshme dhe shumë transparente në raport me qytetarin”.

Zëvendësiministri i Diasporës raportimin e nisë duke i treguar shefit të Qeverisë se takimin e parë e ka pasur me ministrin e tij, Dardan Gashin. Kësaj  Bekteshi ia ka bashkangjitur edhe një fotografi.

Më pas ka listuar takime të cilat i ka ilustruar po me fotografi.

Thotë se ka pasur vizitë në Malmo të Suedisë, të cilin ai e cilëson “shumë të rëndësishëm”, ngase është njoftuar nga afër me nxitjen e investimeve strategjike. Më pas thotë se e ka vizituar edhe Suedinë, ndërsa në 10 vjetorin e Kosovës shtet, thotë se ishte në Gjermani.

“Në vigjilie të 10 vjetorit të shtetësisë së Kosovës, më 17 shkurt isha pjesëmarrës në manifestimet që u mbajtën me Diasporën në Mynih të Gjermanisë”, thotë zëvendësministri.

Ndërsa një ditë pas thotë se ishte në qytetin tjetër të Gjermanisë, Bavari.

Ai ka listuar edhe vizitat e takimet tjera brenda dhe jashtë vendit.

KËTU mund të lexoni raportin e plotë të zëvendësministrit Afrim Bekteshi.

Gjykata Themelore e Prizrenit, Departamenti i Përgjithshëm Penal ka bërë shpalljen e aktgjykimit dënues ndaj të akuzuarit me iniciale J.B. nga fshati Negroc, Komuna e Drenasit për shkak se ka kryer veprën penale “vjedhje e rëndë”.

Të akuzuarin J.B. , gjykata e ka shpallur fajtor dhe e ka dënuar me dënim me gjobë në shumën prej 1.000 euro, si dhe dënimin me burgim efektiv në kohëzgjatje prej 3 vite, në të cilin dënim do t’i llogaritet edhe koha e kaluar në paraburgim.

“Me datën 06.01.2018, rreth orës 13:10 minuta në magjistralen Prizren-Suharekë, i pandehuri së bashku me të pandehurin me iniciale F.H., me qëllim të përvetësimit të kundërligjshëm për vete apo personin tjetër, me përdorimin e forcës, marrin pasurinë e të dëmtuarit me iniciale B dhe F. K. në atë mënyrë që shfrytëzojnë momentin e volitshëm mos prezencën e të dëmtuarit, i afrohen automjetit të dëmtuarit dhe me përdorimin e forcës me mjet të përshtatshëm, thyejnë xhamin nga ana e shoferit të automjetit me targa zvicerane nga ku marrin shuma të konsiderueshme para, një letërnjoftim, patentë shoferin e Kosovës, kartelat e bankës, kuleta e punës, kartela e sigurimit dhe largohen nga vendi i ngjarjes”, thuhet në komunikatën e gjykatës.

Gjykata duke pasur parasysh se i njëjti është recidivist i veprave penale, fakt ky që vërtetohet nga të dhënat e lëndëve pranë kësaj gjykate ku i njëjti është gjykuar në çështje penale me aktgjykim, si dhe lëndët tjera të cilat janë në vijim e sipër dhe së fundi ndaj të pandehuri masa e arrestit shtëpiak është zëvendësuar me masën e paraqitjes në stacion policor, deri me datën 05.02.2018, ku i njëjti nën këtë masë përsëri ka vazhduar me kryerjen e veprave të njëjta penale, respektivisht të vjedhjes së rëndë. Andaj gjykata i shqiptoi dënimin me gjobë dhe dënimin me burgim efektiv.

Deputeti i PDK-s Andin Hoti, tha se kërkohet unitet dhe ka kërkuar nga subjektet politike që të lihen anash politikat ditore, inatet partiake dhe ti dalim zot vendit për atë që janë zotuar.

“Përveç që nuk shoh asnjë problem që presidenti të udhëheq dialogun natyrisht në koordinim me kuvendin mendoj që është njeriu më adekuat i mundshëm sepse i njëjti njeri ka udhëheq edhe kauzat tjera, ka udhëhequr edhe dialoget e tjera dhe ka dal i suksesshëm deri më sot”, tha Hoti.

Sipas tij, presidenti ka thënë se marrëveshja do të jetë e dhembshme dhe për këtë ka pas edhe reagime.

“Është normale të jetë e dhimbshme madje është shumë e dhimbshme të bëhet marrëveshje me armikun tënd. Është e dhimbshme sepse neve ende na mungojnë 1600 persona është e dhimbshme sepse të njëjtit na kanë vrarë, masakruar, është e dhimbshme sepse sot pas 19 vitesh sheh lot në sytë e nënave”, tha Hoti, duke shtuar se më e dhimbshme se kaq nuk mund të jetë dhe nuk mund të bëhet dhe nuk do ta lejojnë të bëhet asnjëherë.

Ai ka kërkuar nga presidenti, kryeministri e Kuvendi, që pjesë e dialiogut të jetë zbardhja e fatit të personave të zhdukur.

“Të bëhet zbardhja e fatit të personave të zhdukur me forcë bazuar në të drejtën ndërkombëtare përfshirë konventën e Gjenevës. Zbardhja e fatit të personave të zhdukur me forcë të vendoset si parakusht në dialogun Kosovë serbi dhe të bëhet pjesë e platformës shtetërore për dialogun”, shtoi Hoti.

“Kërkoj nga presidenti, kërkoj nga kryeministri edhe nga kuvendi ta fusin këtë pikë në dialogun me Serbinë dhe të jetë njëra ndër pikat e para që diskutohet në nivelin e lartë në nivel presidentësh. Unë dua ta di ku e kom babin, familjet duan ta dinë ku i kanë më të dashurit e tyre edhe 1652, kjo nuk guxon të kaloj në heshtje dhe pa këtë nuk ka kuptim asnjë marrëveshje që bëhet me Serbinë”, përfundoi Hoti.